Pašta i fažol

Fažol stavite va padelu kade ćete ga kuhat i dolijte vode tek toliko da ga pokrije. Kad voda zakuha htitite tu prvu vodu ća. Sad dolijte vode do vrha padele i stavite kuhat tasti fažol. Hitite nutra dva zrna češnja, kožice od panceti i zapešt. Kuhajte dok voda ne povre skoro do pol i onda storite zapršku (va jednoj mićoj surice na putru popržite pol kapule i malo oštrog brašna). Kad je fažol mekan i maneštra zgusnuta, gotovo je. Začinite po ukusu ( ja stavin samo malo vegete). Kad maneštra stoji jedan dan puno je boja. Paštu skuhajte zasebno i stavite je nutra.

DOMAĆI ZAPEŠT

se dela tako da se dimljeni špek i par zrna češnja tuče sa oštrin nožen dokle god se ne dobije, bimo po moderno rekli ,”pesto” ili po domaće “zapešt”.

Suho meso kuhajte posebno i kad je kuhano i meso i maneštra hitite gotovo meso nutra.