Moj profil

A kaj da danas kuham? (440)

Nadam se da mi nebute zamerili kaj bum ovaj tjedan imal jako skromnu priču. Imam za to jako ozbiljan razlog: jako sam vu velkom i ozbiljnom poslu. Do početka prosinca moram promovirati moju novu knjigu „Ko to ne voli Podravce?“ a  vreme mi baš nejde na ruku. No bum ja ipak uspel.

Vu velikom sam poslu

Verojatno se bute setili da sam več i raneše najavlival ovu knjigu al sad je to sve pri samome kraju. V tome i je baš problem. Ko zna po koj put čitam te tekstove, furt nekaj korigiram i dodajem, premečem svoje stare albume ze starim i novim slikama, skupljam stare slike od prijatela, furt se moram dogovarati z lektoricom i suradnikom za pripremu tiskanja knjige a naravno tu je i onaj največi problem: kak skupiti peneze za sve troškove? To je navek ona bolna točka. Moram spomenuti i jedan slatki problem. Imam fakat hrpu kojekakvih slika z nekih starih vremena a ni prijateli nisu škrtarili. E sad. Ja bi štel svaku svoju priču ilustrirati al se bojim da od knjige ne napravim slikovnicu. Znam ja da slika govori više nego hiljadu reči, nebi se štel mnogim dragim ljudima zameriti a nesme ni zgledati kak obiteljski album. I još nekaj. Ak oču koristiti slike v boji to mi poskupljuje štampanje knjige a dok sami financirate knjigu gledate na svaku lipu. Ipak sam ja Podravec. No ni mi prvi put da sam pred takvim problemom.

Zadnja dva tjedna kak su bile berbe gorici i krstitke furt smo doma kombinirali ostanjke i nekaj friško i nekak mi je jako dobro došlo kaj nas je nečakinja Jelena pozvala prošlu nedelu na obed. Več sam nekolko put napisal kak je dobra kuharica al sad je fakat napravila, kaj se mene tiče, jedan obed za pamčenje. Navek me začudi jedna stvar: kak jedna jako zaposlena profesorica engleskog i njemačkog jezika uopče oče kuhati i još k tome tak dobro. No nesmem biti niti zlečest prema njezinoj mami Zvjezdani. Fakat joj je odličan asistent.

Z čim  me je to tak oduševila?

Juha: juha je bila od želatinoznih onih „slabeših“ falačeci mesa baš onak kak ja to volim. Bila je zakuhana z bezglutenskom testeninom zbog Đure. Mala napomena. Jelena uglavnom ne jede juhu jer veli da je dobra juha za nju kak glavni obrok pa se nemre onda posvetiti drugim delicijama.

Toplo predjelo: oni kuhani falačeci mesa z kuhanim povrčem z juhe. Najrajše bi se toga najel al sam se moral čuvati za glavno jelo. Dodala je i namaz od friško nabranih šampinjona na tostu.

Sad neznam kak da nastavim, po kojemu redu.

Glavno jelo

Jelena je sama otišla v mesnicu odabrala meso i  napravila ovak:

  • Čevapi i pljeskavice od juneče vratine i flama. (Kak da je mene pitala). Sočni i odlično spečeni.
  • Marinirana svinjska rebarca na roštilju.

Priloge moram posebno napisati jer su bili odlični i bilo ih je puno.

  • Kapice šampinjona na žaru, nekakav sir na žaru (pojma nemam kak se zove), dresing od tartufa, karamelizirani luk  i sjajan kečap, kojega je takaj delala sama doma.

I sad vi ostanite normalni i vitki. Jako sam taktiziral od svega pomalo al do deserta sam odustal.

Za desert je bilo

  • Nugat krema z kruškom v šerbetu i
  • Slatki knedli sirom na prezlima i preliveni sirupom od malina. (Bomba!)

Kak nisam mogel deserta konzumirati prosil sam da mi daju onu kremu za doma. To mi je bila i večera.

Skoro sam zaboravil. Bilo je i tekučeg deserta. Jelena i ja smo pili pivu z limenke jednoga domačega zagrebačkoga proizvođača. Nekak mi posle takvoga roštilja navek paše piva.

Verujte da se posle takvoga obeda treba dobro prošetati i malo razmisliti o svojoj liniji. Zamolil sam Jelenu da mi za neku drugu priliku bar dan prije pošalje jelovnik da se čovek zna pripremiti.

Takav obed naprosto provocira revanš. Moram dobro razmisliti kaj bum ja kuhal drugom prilikom a da se ne osramotim.

Pondelek

Juha: Prežgana juha z rezancima od palačinki
Glavno jelo: Krpice zeljem;
meni tu treba falačec nekakvoga mesa ili bar pol para kranjskih
Desert:
Ima štrukli z jabukama od jučer

Tork

Juha: Krem juha od karfiola
Glavno jelo: Pohana pileča krilca, fino varivo
Desert: Puding

Sreda

Juha/Glavno jelo: Čušpajz od kelja, bočing dinstan na češnjaku; mesto bočinga može i malo suhoga mesa ili čak samo kranjske
Desert: Bela zlevanjka

Četrtek

Juha: Juha od graška z kašicom
Glavno jelo: Mesna pita, šalata
Desert: Friški kompot od jabuki

Petek

Juha: Juha od kozica
Glavno jelo: Punjene lignje, lešada
Desert: Student kocke i čaša vina

Subota

Juha: Juha od vode v kojoj su se kuhali rezanci
Glavno jelo: Domaći rezanci z vrganjima
Desert:  Nekakav sok

Nedela

Juha: Juha od racinog sitniša i povrča
Glavno jelo: Pečena raca z mlincima, šalata;
mi bumo zbog Đure imali mesto mlinci široke rezance od bezglutenskih palačinki
Desert: Rolada od kostanja šlagom

:(Još nema komentara

Budi prva/i, podijeli svoje mišljenje o slici i pomozi nekome u odabiru savršenog jela.