Kak sam sramežljivo i najavil prošli sam tjedan imal nakon leto dana pak nekaj reči svojim Koprivničancima o mojoj ljubavi prema iću i piću. Domaćin mi je bila kak i prošlo leto naša Gradska knjižnica “Fran Galović”. Ovaj put sam imal nekaj za reči na temu “Gastronomsko putovanje po Lepoj Našoj”
Gastronomko putovanje po Lepoj Našoj
Nekak mi je bilo normalno da zberem baš tu temu nakon sedam let pisanja na mojemu blogu. Dok pogledam iza sebe i ovih 334 teksta mora se sigurno najti i puno toga kaj se tiče Lepe Naše. Zapraf je skoro sve i napisano na tu temu z tu i tam kakvim izletom prek granice. Od samoga početka mojega življenja život me uputil na svakakva putovanja pa se baš lepo setiti v ovim letima svih tih zgodica. V prvom redu naravno mislim na ono kaj je usmereno na finu papicu.
Već sam ko klinac imal prilike upoznati dalamatinsku, ili bolje rečeno, kaštelnsku kuhinju. Onda sam se kak muzikant potepal najprije po koprivničkom kraju a onda i po dobrom delu naše obale. Posebno mi je pak bilo interesantno iskustvo ono za vreme mojega studentskoga života. Naravno da nikak nemrem preskočiti kaj se događalo za vreme moje profesionalne karijere. Ne da sam obišel samo Lepu Našu nego i velki dio bivše nam države i nekaj malo evropskih zemlji. Čini mi se da bi bilo naprosto šteta to sve prepustiti zaboravu. V dogovoru z ravnateljicom naše knjižnice gospođom Dijanom Sabolović Krajina, pripremil sam jedno malo gastronomsko putovanje koje sam v sredu 29. 11. navečer podelil z jednom grupicom zainteresiranih Koprivničanci i naravno z mojim prijateljima. Prošlo leto sam nekak v to vreme leta imal temu “Podravski zimski jelovniki” i mislim da već pomalo razmišljamo o tome da navek v to doga zberemo jednu novu temu i tak napravimo malu tradiciju jesensko-zimskih gastronomskih večeri. A fala bogu imam materijala za pa let v napred.
Kak je to ovaj put zgledalo? Nekak mi se činilo da je najlogičnije krenuti od Iloka a završiti na jugu v Konavlima. Tak sam i napravili.
Počel sam z Baranjom i Slavonijom. Tu imam tolko lepih pričica jer mi je Branja baš nekak prirasla srcu. Nemrem da se često ne setim kirvaja v Topolju za Petrovo i Pavlovo, neverojatnih svati našeg prijatelja Željka i njegvoga dede, sjajnog čobanca i fiša z ribom vlovljenom na Dunavcu i nedaj bože da preskočim odlična baranjska vina. Da se pak samo vidli pušnicu pri Adamovim roditeljima v Drenovcima? Ni Gavrilović se nemre pofaliti z takvim šunkama špekom, kobasama i kulenom. “Antinih stanova” v Ivankovu se svako malo setim jer dojmovi od pred par let su mi još navek pred očima. V Osijek bi pak rado još jemput otišel omastiti brk pri obitelji Varga vlasnika birtije i mesnice, koji su z mesnim delicijama nudili i odlična mađarska vina.
Prek moje Podravine sam samo prebežal jer je Podravina jako često v mojim tekstovima. No nikak nisam mogel preskočiti podravske nedeljne obede, svatovske jelovnike i naravno koline baš v ovo doba godine.
Međimurje ima v mojim pričama jedno posebno mesto z dva jako emotivna razloga: tam sam se drugi put zaručil samo kaj ni došlo do završne svećanosti, a Đuro mi je mešanac između Međimurca i Zagorke. I naravno sa voli sve kaj sliči na krumpir. Ono kaj se mora pak reči i posebno naglasiti da su Međimurci napravili pravu “malu revoluciji” v gastronomiji, vinarstvu a bome i gospodarstvu. Od svačijih težaki danas su se pretvorili v prave gazde.
A naše Zagorje? Napravili su ogroman korak napred v zadnjih desetak let. Negda su v Podravinu dolazili kak čista sirotinja, celu koprivničku periferiju su naselil baš Zagorci, a sad bi mi mogli od njih kojekaj nafčiti. Od svoje tracicionalne kuhinje su napravili lepu priču. Od purice z mlincima i štrukli su napravili gastronomski događaj a mesto “zagorskoga kiseliša” nude odlična vina. Malo me tu i tam zasmeta kaj nisu ni oni mogli izbeči nekave anglizme. Tak sam neki dan videl pod “zagorskim tradicionalnim jelima” nudi: “Pečenice By Mee” i “Kroketi zelenim maslinama”. Zagorci:Na kaj vam to sliči?
Zagreba sam samo preletel jer bi o Zagrebu za mojih osam let života v njemu mogel napisati romana. Bili su tu dani “studentske gastronomije”, “mužikaške gastronomije” a bome i onih lepih dana za moje profesionalne karijere dok se jelo v Esplanadi, Sheratonu ili pak v West In-u.
Znate kaj je malo paradoksalno? Čez Liku sam prešel hiljadu put al sam tam najmanje blagoval. Delal sam doduše nekolko put na Plitvicama, često se išel okrepiti v Borju a znal stat i restoranima koji su posle otvaranja autoceste prema Splitu zaprli svoja vrata. Od onih koji još navek uspešno delaju najdraži mi je restoran “Marko” v Oštarskim stanovima.
O Istri, Kvarneru, Primorju i naročito Dalmaciji bi mogel napisati romana. Za tu priču sam moral izdvojit samo ponekojega štikleca z vremena mojega glazbenog života al i nekojih divnih dana dok sam poslovno odlazim na taj dio Lepe Naše. Sve sam to pak svojedobno napisal v mojim tekstovima “Kak sam upoznal naš Jadran”. Dalmacija je svakak jedna nova priča i moji tekstovi na Coolinariki su išli pod naslovom “Dalmacija moj drugi dom”.
I kaj da vam velim? Namera mi je bila da moje putovanja traje oko vuru i petnajst minut a trajalo je prek vuru i pol z tim da sam neke štiklece moral i preskočiti jer morate imate obzira prema slušateljstvu a čekala nas je imala zakuska i osveženje.
Ovaj put nisam imal sponzora izvana nego su mi sve to pripremile moje prijatljice iz naše klape. Dogovorile su se kaj bu koja napravila i verujte da je bilo jako bogato i dobro. Bilo je tu pogače, slanci, kiflići šunkom, kojekakvih kanapeića a bome i biskvitne rolade z pekmezom od marelice. Fala vam djevojčice.Za onaj tekući dio se pobrinul moj prijatelj Tonč, moj cimer još z vremena dok smo delali v Podravki. Sponzoriral me je z njegovim portugiscem koji mu je ovo leto izvrstan. Fala i tebi Tonč.I kaj nam drugo treba? Lepo su ljudi poslušali kaj Lepa Naša nudi v gastronomiji, okupili smo se oko naše skromne ponude i onak na stojeć dodali još po koju pričicu koja nije stigla na red v ono službeno vreme. Sad smo leto dan mirni i moremo se posvetiti ovim svetkima koji su pred nama.
Za ovotjedni jelovnik sam zbral i neka jela o kojima je bila reč na mojem putovanju.
Pondelek
Juha/Glavno jelo: Kisela juha od želučeki
Desert: A kaj drugo nego kolač od jučer
Tork
Juha: Kašena juha na međimurski
Glavno jelo: Kuhani sušeni buncek, restani krumpir, kisela filana paprika
Desert: Kuruzna zlevanjka
Sreda
Juha: Juha od tikve prelejana z koščićnim uljem
Glavno jelo: Pečenice z dinstanim kiselim zeljem
Desert:Popite laganoga škropca
Četrtek
Juha/Glavno jelo: Gulaš od junetine, široki rezanci
Desert: Štrukli z jabukama
Petek
Juha/Glavno jelo: “Fažol na bruet”; mesto macaroni morete na kraju zakuhati ili rezance ili fuže.
Desert: Svakak čaša vina po mogućnosti nekakvo dalamatinsko
Subota
Juha/Glavno jelo: Složenac od kiselog zelja, malo suhoga i malo frišketine, slani kuhani krumpir
Desert: V subotu se morete navek malo opustiti
Nedela
Juha: Anjgemahtec
Glavno jelo: Pohana piletina, rizibizi, šalata
Desert: Diganci z orehima/makom
:(Još nema komentara