A kaj da danas kuham? (220)

Moje letne dileme

Već smo itekak zagazili v letnu sezonu godišnjih a ja još pojma nemam kaj delati ovoga leta. Doduše ima posla oko mene kolko ti srcu drago al je to posel a ne godišnji odmor. Osim toga ljudi rado vele da smo mi penzići furt na godišnje z čim se ja baš ne slažem. Kak morem to svatiti kad imam posla navrh glave: kositi doma i v goricama, poštucatiživicu doma i v goricama, špricati gorice svakih desetak dana jer su navalile boleštine tipične za ovo doba leta, bavim se z našom Udrugom, pišem za naš Glas Podravine i ovaj blog, doma svaki dan kuham a saki čas je i nekakva fešta. I sad vi meni rečite jesam li ja zaslužil malo godišnjega makar sam penzić?

Sad se pitate v čemu su moje dileme? Verujte da ih ima fanj.

Kaj se tiče go-a. Iti ili ne iti, pitanje je sad? Z jedne strane mi se ide jer prošlo leto se nismo maknuli z Koprivnice nakon više od dvedeset let. Obiteljski problemi, malo financijski problemi malo zasićenost i slični razlogi. E sad. Pozivi za dolazak v Milnu mi stižu skoro svaki dan. Malo od našega gazde i mojega višedesetljetnoga prijatelja, malo od domaće klape koja jedva čeka da se nastavi tradicija igranja bele Jadran protiv kontinenta. Dečki su očajni ne samo zbog bele nego i zbog tradicionalnog podravskog obeda v Milni. Naročito im fale fileki koji su nezaobilazni obed za vreme igranja bele. To vam je zapraf jedan maraton. Počnemo belu igrati oko deset vjutro, popijemo kakvu rakijicu, onda grickamo nekaj na čačkalicu da moremo popiti gemišt ili bevandu, onda čekamo da se zgotove fileki. Nastupa veća pauza jer v tome moramo uživati. Zalijemo to lepo z kojim gemištom više i nastavljamo maratom. Znalo nam se dogoditi da igramo od petka navečer, dok naši Dalmoši dojdu na vikend, pa igramo, z malim prekidima za spanje, do nedele popodne dok pak odlaze v Split. Verujte da ni to ni lako. I sad vi rečite da to ni dilema. Mislim da bu odluka pala zadnji čas. Moja gospođa i ja se moremo spremiti prek noći.

Sledeća dilema je: Kaj z goricama? Ne sećam se da su nam gorice tak dobro zgledale zadnjih desetak let. Pijače bu za tuširati samo ako nam Sveti Ilija Gromovnik odzgora ne pošle kakvo zlo. E sad. Ak oćete sve to zadržati morate se o tome i brinuti. Odavno su ljudi rekli da gorice ne trebaju gazdu nego slugu. I to vam je živa istina. Obzirom da baš nemamo kome ostaviti brigu oko gorici, v Koprivnici moramo čučati sve do polovice kolovoza kad obično završava zaštita loze od kojekakvih boleština. To vam lepo znači da se moremo prema Jadranu otputiti tek v drugoj polovici kolovoza.

Imam još nekakve dileme a jedna od tih je i kaj i kak kuhati za vreme ovih letnjih sparinjava? Tu nam doduše pomaže i Coolinarika, malo iskustvo ali i kojekakvi saveti od doktora i nutricionista. Pitanje samo kolko se oćemo i moremo toga pridržavati. Prošli sam tjedan napisal, i predložil, jedan onak lepršaviji jelovnik, a mislim da bu tak i ovaj tjedan ili čak celi mesec. Doduše zna se dogoditi da uleti nekakav izazov, ala iznenadni obed ili večera kod prijatelja, i onda vam lepršavi obroki otidu vu veter.

Vredne cure iz Coolinarike su se zbilja potrudile da nam preporuče "brze i lagane obroke", na čemu sam im zahvalan, al se ja ipak pribojavam izazova. Zamislite da se odlučim ipak otijti na Brač i mesto fileki pajdašiji napravim ovak nekaj za obed:

• Za predjelo: šalata od mrkve ili celera
• Za glavno jelo: blitva z malo krumpira
• Za desert:eventualno kakav sokić

Za večeru serviram ono kaj je ostalo od obeda. Kalorija kolko te volja a i dobra je podloga za gemišt. Mislim da me sledećeg leta više nebi zivkali da dojdem na kartaški maraton.

I još jedna dilema vezano za kuhinju. Koje meso odabrati za letnji jelovnik? Mogel bi v napred pogoditi kaj bi mi znalci predložili: lakša bela mesa i riba! Da slažem se. Samo nisam siguran da bi se z tim složili moji pajdaši z klape. Mi v Podravini nemamo baš preveć velke navike kaj se tiče konzumacije ribe a, da prostite, dobra riba je malo i preskupa. I za obične srdele morate v Koprivnici dati 25 kuna za kilu a carsko meso dobite za 19,90 kuna. Tu nisam zračunal da bar 20 posto od ribe morate hititi. Kaj bi tek bilo da oćete recimo na žaru speći oradu. Za kilu orade kupite oko tri kile vratine. Moj prijatelj Slavo i inače sve cene pretvara i uspoređuje z  kilom vratine i zračuna kolko se od toga ljudi more najesti.  Nekaj moram za kraj reči i o pilećem/purećem fileu koj je zadnjih par let strašno v modi. Dok smo bili klinci svi smo šteli jesti samo bocke i nadbocke od piceka. Dok me zapalo belo meso nos mi je bil do poda. Ja bi najrajše da je picek stonoga. Danas ovi mladi hrdaju samo belo meso i tvrdiju kak je to "nekaj od mesa". I nek im bu. Tu vam se sad lepo vidi generacijska razlika. Na nedavnoj proslavi Atačevog rođendana bili je fakat sega pa je na roštilju među ostalim bilo i "pilećeg filea". I znate kaj se dogodilo? Dok smo drugi dan došli v gorice na ostanjke našli smo hrpu filea a pljeskavicama i krmetini ni traga. Probal sam spasiti kaj se spasiti da pa sam napravil od toga mesnu šalatu uz kojekave dodatke i dobro natopil z uljem. Verujte da je i to bilo teško pogutnuti.

I tak vam je dragi moji imam dileme. Bum se već nekak snašel uz pomoć Coolinarike i moje gospođe. Ona ima rešenje za sve.

Pondelek

Juha/Glavno jelo: Gulaš juha
Desert: Voćna šalata

Tork

Juha: Tarator (zdena juha od kiselog mleka)
Glavno jelo: Jetrica na venecijanski
Desert: Hrpa voća; mi smo dobili od kumova nektarine a imamo i svoje marelice

Sreda

Juha/Glavno jelo: Domaći rezanci z makom; druga jer varijanta zapečeni rezanci na putru z dost parmezna
Desert: Malo pivce

Četrtek

Juha/Glavno jelo: Mesno-povrtni složenac; sad fala bogu ima povrća v izobilju a mesa bu dve tri vrste; između ostalog sam neki dan kupil krasne mlade juneće repove.
Desert: Pita od jabuki

Petek

Juha: Paradajzova juha
Glavno jelo: Punjene lignje, kuhani krumpir na putru
Desert: Svakak čaša vina

Subota

Predjelo: bum zmešal pomalo od svega
Glavno jelo: Pljeskavice (moj prijatelj ih sjajno dela), za prilog bum za promenu zmučkal sataraš, imamo kajmaka a morti bu i koj pečeni krumpirek
Desert: Ja bum sigurno lagani gemišt, za ostale bu malo voća i sladoleda

Nedela

Juha: Juha od janjetine
Glavno jelo: Lešo janjetina z juhe, šalša od pomidora; nikak da to prevedem na podravski. Kak bi zvučalo da napišem: dinstani paradajz na maslinovom ulju? Ostal bum na šalši!
Desert: Ledeni veter; najte me pitati kak se to dela al znam da to moja gospođa mora delati za svoje vnuke