A kaj da danas kuham? (507)

Leta ne poznaju granice

Ovih dana, dok su se oko nas odvijale drame, donesel mi poštar paketiča kad v njemu iznenađenje. Zapraf ne iznenađenje jer su v paketiču bile dve  knjige nove zbirke popevki gospona Zvonimira Tomca, ovaj put pod naslovom “Povečernja zvonca”, naravno v vlastitoj nakladi kak i letima do sad. Gospon Zvonko investira svoju ušteđevinu vu svoje knjige  i slike pa se nadam da nam bu napravil iznenađenje i k letu. Daklem ovak.

Gospon Zvonimir Tomac bu ovo leto navršil 102 (sto dva) leta i još je navek aktivan. Rođen je naime 27.1.1919. v Koprivnici, maturiral je v koprivničkoj Realnoj gimnaziji 1937. , završil je šumarski fakultet v Zagrebu 1941. i stekel zvanje diplomirani inženjer šumarstva. I onda se čovek  počel “potepati” po šumarijama Lepe Naše al je nekak največi dio svojega profesionalnoga života delal v Istri i Gorskom kotaru. Tam se je i nastanil i danas živi v Rijeki. No čovek se ni prepustil penzionerskom mirovanju nego se je prijel posla i postal jako plodan pjesnik i slikar. Za njega sam slučajno saznala prek bivše ravnateljice Gradske knjižnice gospođe Dijane Sabolović Krajina jer je z njim jako dugo surađivala. Da ne verujete. Taj se čovek pred devet let dopelal z Rijeke v Koprivnicu, napravil recital i izložbu svojih sliki v našem Domu za stare i nemoćne, pronašel v domu neke svoje poznate ze svoje mladosti i isti se dan vrnul v Rijeku. Kapa dole. Naša je udruga “Gekoma” v svojoj knjigi “Maturanti staroga kova 5” objavila prilog o njemu, v kojem smo ga predstavili ne samo kak koprivničkog maturanta i inženjera šumarstva nego i kak  slikara i pjesnika. Nebute verovali da je taj gospon do sad napisal i tiskal barem desetak zbirki pjesmi. V toj našoj knjigi smo otisnuli i njegvu popevku Knjižnici “Fran Galović” Koprivnica z koje vam bum citiral par stihova:

Ja Galovića nesem poznal
Jerbo sam došel na svet
Gda FRANA već tukaj neje bilo.
Znal sam samo za
Galovićevu klet
Kaj se z goric
Na brežeku Bilogore,
Spod visokog kostanja belela,
Spram Koprivnice
I još dalšega Peteranca...
...

A ja Ti velim:FALA TI FRAN

Starogradska ulica (1936), vulica gde se je gospon Tomac rodil

Očem va reči kak je v sečanju toga čoveka ostala Koprivnica i Podravina za navek ne samo v popevkama nego i na njegvim slikama. Imamo nekolko njegvih slika z prizorima stare Koprivnice al i prizora z koprivničkih goric. Čovek svoj rodni kraj ni nigda ostavil  zaboravu.

Samo prije devet let gospon Tomac i organizatori izložbe v Koprivnici

Čak i na Baniji ima optimizma

Nemrem se ne dotaknuti malo postradale Banije i slika koje nas sve prate z dana vu dan. Posebno me fasciniraju kuhari koji su pristigli ze svih krajeva Lepe Naše i po cele dane pripremaju hiljade obroka za sve postradale, službene osobe ali i za nebrojene volontere koji su među prvima došli v pomoč. Skidam kapu onim chefovima koji v svojim restoranima kuhaju isključivo ala cart, kuhaju samo z probranim namirnicama a ovde delaju v totalno nemogučim uvjetima. Onda se dogodi da tam neki selski svečenik podigne glas jer mu, pazite ovo, smeta buka hladnjače kraj crkve. Pa kak da ti ljudi sačuvaju namirnice svežima ako, makar je zima, nemaju kam spremiti sve ono kaj im treba za te gladne, preumorne ljude? Vidim mlade ljude koji stignu do zabačenih sela, dojdu k napuštenim ljudima koji spiju po autima, improviziranim skloništima ili čak štagljima. Malo svetla v tom mraku, v atmosferi stalnoga straha kaj bu se pak dogodilo, jedna topla reč, kratki razgovor i nekaj najpotrebneših namirnica je bar za moment melem na ranu. Od volontera svih vrsti bi trebali vučiti i ovi “veliki organizatori” koji reč suosečanja još nisu nafčili. Lepo mi je čitati kak je među mnoštvom ljudi koji pomažu i ekipa naših koprivničkih volontera, vatrogasci i HGSS-ovaca ali Podravkinih kuhara. To je takaj ekipa koja kuha kojekud po svetu, po biranim hotelima i restoranima ali su se eto našli ina ovakvom mestu v misiji pomaganja postradalim stanovnikima Banije. Podravkino srce se pak pokazalo v pravom svetlu.

V ovim momentima se setim jednoga prizora od pred par let z jednoga zagrebačkoga  suterenskoga stana. Nekak v ovo vreme oko božičnih i novoletnih dana jedan je reporter nekak došel do jednoga staroga bračnoga para i pital ih jel morti imaju kakvu želju za svetke? Gospođa je rekla da bi jako rada pojela falačec purice z mlincima. Muž ju je pogledal i rekel:”Budi bez brige. Bum ja tebi kupil celoga piceka i mlince!” Verujte da me ta slika prati več letima. Nekak sam siguran da se je našlo dost dobrih ljudi koji su donesli i puricu i mlince ak to nije napravil i sam reporter.

Skromna kuhinja

V ovim zimskim mesecima se često setim zimskih ferji pri baki i dedi v Ivancu. Setim se i onih velkih sanjki z konjskom zapregom koje je imala svaka hiža v Ivancu koja je imala konje. To ove generacije danas moru videti samo na starim slikama ili negde v Gorskome Kotaru i Liki. Zimsko ferje je bilo navek v prvoj polovici sečnja i dobar sam dio vremena znal provesti baš pri dedi i baki. Bila je to velka familija od osmero duša gde se je živelo tipičnim selskim životom v pedesetim letima prošloga veka. Velko imanje, konji, krave, svinje i bezbroj kojekakve peradi. Baka je kak glavna gazdarica određivala kaj se bu jelo, naravno prema mogučnostima i tadašnjim uvjetima. Ni bilo frižidera pa se, koje li sreče, sve pripremalo friško za sva tri obroka. A imalo se i odkud. Bilo je tu prvo dvorišče, drugo dvorišče z kojekavim vočem i puno kojekakve peradi a na kraju imanja nepregledni vrt z povrteljem. V tim se uvjetima fakat moglo skombinirati puno toga i bez mesnice i placa. Kojekakve juhe, testenina svih fela, kaše, žganci i naravno mleka i sira kolko ti srcu drago. Danas bi ljudi rekli da je to bila jako skromna kuhinja al ako malo bolje razmislite kuhinja moje bake i mnogih drugih baki na selu bi se danas zvala “zdrava kuhinja”. Mislite da sam zaboravil na meso? Ni govora. No i tu je bilo nekaj kaj današnje domačice nemreju ni zamilisti. Čak ni one na selu.Od mesa se čez leto jela friško zaklana perad, pečeno meso zalejano v masti i suho meso dok je duralo. Svinjske frišketine je bilo naravno jedno vreme v zimi oko Božiča. Posebni doživljaj su bile koline na ivanjski način. Naime tam se svinjče nije furilo kak v gradu nego smudilo na vrpi slame. Mi smo deca obožavali jesti friško osmuđenu kožu pa čak i vuha. To ste trebali probati. Zdavnja se to više ne dela a bojim se da Ivanec  nema preveč ni “modernih” kolini. Kupuju meso v mesnici kak i ljudi v gradu. Uostalom Ivanec bi odavno bil dio koprivničke periferije, jedan lepo uređeni koprivnički kvart, da se smel širiti prek smrdečega kanala v Gospinju prema Koprivnici.

Zapraf bi štel reči da se čez povijest sve nekak vrti v krug: od mode do gastronomije. Ono kaj je negda bila „hrana za sirotinju” danas je jako “trendi” i poželjno. To vam je tak recimo z čvarkima čija je cena otišla v nebo, ze svinjskom maščom koja je pak jako cenjena i preporučaju ju čak i nutricionisti, to je tak z crnim i kuruznim kruhom i z puno drugih namirnica koje su neopravdano bile v zapečku.

Ak vam je falel ovih dana jelovnik bum vam probal pomoči

Pondelek

Juha/Glavno jelo:Kisela juha od pileče sitnine
Desert: Palačinke z pekmezom

Tork

Juha: Povrtna juha
Glavno jelo: Musaka od kelja
Desert: Nekakvo voče

Sreda

Juha:Jedna Podravkina v vrečice
Glavno jelo: Francuski krumpir, cikla
Desert: Puding od vanilije

Četrtek

Juha: Krem juha od mešanih semenki
Glavno jelo: Krmenadli na naglo, pomfrit, šalata od kiseloga zelja
Desert: Sok

Petek

Juha/Glavno jelo: Grah z repom i suhim mesom
Desert: Štrukli sirom

Subota

Juha: Juha od vode v kojoj sam kuhal rezance z vrhnjem
Glavno jelo: Zapečeni rezanci sirom
Desert: Kompot od jabuki

Nedela

Juha: Juha od goveđih kostiju
Glavno jelo: Juneča vratina vu saftu od gljiva, zemerknedli, šalata
Desert: Kifli z pekmezom