Moj profil

A kaj da danas kuham? (45)

Dok sam spomenul "Goranina" setil sam se kaj smo tam znali prezalogajiti. Kad bi došli u malo sitnije sate pred fajrunt jedna dobra poznata kuharica nam je spohala krmenadle,  a za prilog je bil posoljeni luk. Pogodite jel uz to pasal gemišt?

Kak sam se hranil kak študent (3)

Zadnji put smo malo "popljuvali" onaj naš restorančić na Filozofskom, ali je jedna zgodica ostala zapamčena u našoj generaciji. Nekak je zišlo da smo imali rupu između dva predavanja pa smo nas četvorica kolega otišla prekratiti vreme uz jednu kavu i sendvič. Alkohol se inače ni smel tam točiti za študente, ali kak je z nama bil jedan ozbiljniji gospon L., kojeg je policija poslala študirati psihologiju, znal je prek svojeg lancman konobara da se more popiti i nekaj konkretno. Štos je bil jednostavan: naručiš čaj i u velikoj šalici dobiješ više ruma nego čaja. A kaj da vam velim?  Za jednu vuru smo zaboravili na sljedeće predavanje, a oko jedanajste vure se je vu kafići sred Filozofskog orila popevka. Vu retkim prilikama smo na bakalar išli v restoraciju "Split" v Ilici ili pak v "Pulu" v Nikolićevoj. Bilo je jeftino, bakalara smo iskali po tanjuru, ali študenti baš i nemreju prigovarati. E onda smo se na jedan Badnjak nas četvorica odlučili malo počastiti i seli se v restoran "Korčula". Kaj bumo sad naručili? Preuzel sam inicijativu i predložil za predjelo kamenice, a posle bumo vidli. Sastav je bil: dva purgera, jedan Dalmatinac i jedan Podravec. Trebali ste videti purgere kaj su delali z kamenicama. Nisu to mogli progutati, scedili su cele limune pa ni to ni pomoglo i tek su z celom šnitom kruha uspjeli to precerati. Fala bogu, Dalmoš i ja nismo imali tih problema i lepo smo se pogostili z školjkicama pa posle z ribom. Naši su pak purgeri mam prešli na grah a jedan od njih je prokomentiral: "Dobar neki bažul, odličan bažul!"  Kak sam bil sklon upoznavanju zagrebačkog ugostiteljstva posebno sam se veselil tzv. "križnom putu". Naime moj saksofonista Ranac i ja smo imali običaj jemput tjedno poduzeti malu šetnju po centru Zagreba. Našli bi se v "Goraninu" na početku Jurišićeve, popili gemišt i otišli sto metri dalje do "Mosora". Tam bi nekaj prigrizli, eventualno popili po gemišt i krenuli prek Trga do uspinjače. Prije uspinjače desno je bila birtija "Kutjevo". Točili su odlične gemište, a uz to su pasali odlični sendviči od kuhane slavonske šunke i žemle. Dalje smo krenuli na gornji grad do "Fanike" (kak se zapraf zvala ta birtija pojma nemam) i tu bi potegnuli gemišt-dva. Malo dalje je bila gostiona "Pod starim krovovima" gde smo pojeli po jedno trdo kuhano jajce jer je ono jako žedno. E onda smo se kroz dvorište muzeja (zaboravil sam kojeg) spustili na Dubravkin put u "Baraku". Sad je već bilo vreme za sesti. Pojeli bi dobar roštilj i naravno popili litru i vodu. Onda smo se spustili do "Tri lovca", kroz Streljačku navrnuli u "Tingltangl", odslušali po koju recitaciju pokojnog Darka Čurde i njegovih pajdaša i onda prešli u Frankopansku v "Grafičar". Na putu do Pravnog faksa je bilo još i "Zagorje" a ponekad bi navrnuli i u "Operu" tek da vidimo koga tam ima. Znam da već mislite kak imate posla z kroničnim pijancem, ali bože moj, bilo je to pred više od četrdeset let dok naprosto iščete vraga po gradu i sve je bolje nego v miru otiti doma.

Dok sam spomenul "Goranina" setil sam se kaj smo tam znali prezalogajiti. Kad bi došli u malo sitnije sate pred fajrunt, jedna dobra poznata kuharica nam je spohala krmenadle, a za prilog je bil posoljeni luk. Pogodite jel uz to pasal gemišt?

Z moji dragim prijateljem iz detinjstva Zlatkom Kauzlarićem-Atačem, poznatim akademskim slikarom, sam jedno vreme jel u mlečnjaku na vuglu Ilice i Gundulićeve, gde se mogel za male novce pojesti dobar čušpajz. Atač v ono vreme ni bil nikakav jelec pa bi onda to ovak zgledalo: naručimo keljčušpajz z hrenovkom. On počne jesti i štigati na kuharice jer je klopa totalno bez okusa. Zeme sol i papar i jako začini. Dene žlicu kelja v zube i onda počne druga priča: "Ja to ne razmem. Kak moreju tak jako zasoliti i zapapriti klopu". Nakon dva-tri put kak se priča ponovila nisam više z njim štel jesti. Verujte da danas jede puno bolje i kak vikende i zapovedane blagdane provodi doma v Koprivnici, navčili smo ga jesti kak bog zapoveda.

Jedno sam vreme imal cimera koji je nosil od moje mame domaću klopicu jer sam ja prek vikenda sviral. I tak jemput v pondelek za obed jedemo lepo pečenog maminog piceka z kiselim krastavcima i friškim kruhom, kad čujem neki čudan zvuk iza cimera. Najprije pomislim da mi se nekaj pričinja, ali se to začas pak ponovilo. Moj vam je cimer za vreme obed puštal lagane vetrove. Pitam ja: "Čuj cimer, kaj ti to stvarno delaš?". "Da", veli on bez mucanja. "Pa kak to za stolom?", pitam naivno, a on mi veli: "Znaš, striček Albin (naš nekad pokojni koprivnički doktor), je rekel da se to nesme držati i da je to zdravo!". Od tog dana više nismo skupa obedovali v našem sobičku.  I još jedna istinita priča iz tih dana. Mi smo vam u Tkalčićevoj imali nekavog velkog čupa v kojega smo hitali sitne peneze od dvodinarke, dinara do pedeset para. Skupilo se već fest penezi, sigurno prek kile, pa su moji cimeri, ja sam već otišel na ljetnu gažu, odlučili otiti malo se pogostiti vu "Vinodol". Zagrepčani znaju da je to onda bila preštimana restoracija, gde se stvarno fino jelo. Nakon kaj su se napapali i popili koju litru pozvali su konobara da naplati. Dok je sve zračunal videl je da se nekak čudno smeškaju i naravno odma pomislil kak študenti nemaju dost love za platiti. Oni su onda ispod stola zvadili škrnicl pun železa i deli na stol. Konobar je pogledal odmeril ih i rekel: "Čujte fakini jedni. Od nekolko hiljada konobari v Zagrebu vi ste našli baš mene. Nebum brojil, ali brišite odma iz lokala!"  

Mislite da nema više?  Prevarili ste se, al nastavak ovih priča nek ostane moja mala tajna.

Pondelek

Dok sam jedno vreme stanoval pri vujcu v Dubravi to je navek bil isti obed v pondelek.
Juha/glavno jelo: Čušpajz grah i suho meso
Desert: Žemljača
(Ne znate kaj je to? Malo se raspitajte!)

Tork

Juha: Krem juha od mešanog povrća
Glavno jelo: Pohane palačinke filane z bukovačama, šalata od friškog zelja
Desert: Scedite čašu soka od naranđe

Sreda

Juha: Paradajzova juha z kašicom
Glavno jelo: Pečena špicrebra z krumpirom, turšija/kisela paprika
Desert: Morti čaša pive?

Četrtek

Juha/glavno jelo: Podvarak od kiselog zelja; nek bu više vrsti mesa, a more i malo suhoga
Desert: Malo razmislite kaj bi vam tu pasalo?

Petek

Juha: Od pastrvinih glava i povrća
Glavno jelo:Pečene pastrve v kuruznom brašnu i začinima
Desert:
Ne grešite dušu z vodom

Subota

Juha: od vode v kojoj su se kuhali rezanci
Glavno jelo:Kraljevski rezanci z dost parmezana
Desert:
Pred vama je vikend pa se malo opustite

Nedela

Juha: od goveđeg repa z grisknedlima
Toplo predjelo: kuhani goveđi rep z hrenom
Glavno jelo: Goveđi šnicli ala vild i
semerknedli, zelena šalata
Desert: Buftli z pekmezom, čaša vina i kava ak vam paše

:(Još nema komentara

Budi prva/i, podijeli svoje mišljenje o slici i pomozi nekome u odabiru savršenog jela.