A kaj da danas kuham? (367)

Moje predavanje

Pred mesec dana sam napisal kak sam imal predavanje v našoj Gradskoj knjižnici „Fran Galović“ a prošli sam tjedan nastavil z mojom temom komuniciranja. Ovaj put sam to nazval jednostavno „Asertivnost“ jer mi se činilo da je to v zadnje vreme pri nama jako zanimljiva tema makar je pri širokoj publiki zapraf dost nepoznata. No kak se ja z tom temom već duže vreme bavim na svojim seminarima, činilo mi se zgodno da to bu nastavak teme  o komuniciranju.  V našem lepom jeziku vam zapraf nema pravoga izraza pa rabimo engleski koren. Ak pogledate v engleski rečnik onda reč assertion znači: tvrdnja, branjenje ili pravnim rečnikom traženje svojih prava. Moje kolegice Majda Rijavec i Dubravka Miljković su to lepo prilagodile našoj situaciji i rekle da je to „ljubazna odlučnost“. Još jedno malo pojašnjenje: biti asertivan znači boriti se za svoje pravo al pri tome ne ugrožavati tuđa prava. I to je to. Nemam nameru da vas z tim dalje gnjavim jer tu temu inače na svojim seminarima delam celi seminar-dan a mi tolko mesta i vremena nemamo. Uglavnom: ovaj sam put imal nekaj manje publike kaj je i razumljivo. Predavanje je počelo v 18.00 za beloga dana a svi kaj malo držiju do sebe imaju još kojekakvoga posla oko vrta, cvetnjaka ili goricama. Imal sam jednu pravu seminarsku grupu z kojom sam se mogle lepo pospominjati, neke stvari pojasniti i napraviti kratke vežbice kak ilustraciju za takav način komuniciranja. Ono v kaj sam sad jako siguran je: bilo bi lepo da o asertivnosti i asertivnom načinu komuniciranja znaju malo više i mnogi „čudni“ ljudi na našoj javnoj, posebno političkoj sceni. Ko zna: morti se jednoga dana zbudiju i prepoznaju kaj to je i kak bi bilo dobro prihvatiti jedan drugi način komuniciranja z drugim ljudima.

Svenovi svati

Sad se morti pitate: a ko je to Sven? Ak ste me redovito pratili bute se setili da sam svojedobno pisal o mojem prijetelju Bobi koj nas je napustil još 2014. leta. Najmlađi v našoj klapi a, par meseci prije nego je prešel prema gora, pri meni je v kleti proslavil svoj šezdeseti rođendan. Družili smo se desetljećima, nekak od vremena kak se je priženil  i z Virovitice došel v Koprivnicu. Godinama smo Hus i ja pri njegvim roditeljime vu Virovitici delali koline, to smo nastavili i v njegovom podrumu v Koprivnici. Dobil je dva sina a jedan od njih je i Sven, koj se v subotu 12. svibnja oženil  i priredil lepe svate na Varždin bregu v hotelu „La Gus“. Zakaj je zval v svate našu ostarelu klapu? Dok nas je pozival rekel nam je:“Ja zapraf nemam baš puno rodbine po tati. Vi ste njemu bili najbliži da bi mi bilo jako drago da budete na mojim svatima“. Naravno da se nismo mogli oglušiti na takav poziv. Mali nam je „problem“ bil kak se organizirati da nejdemo z puno auti a šoferi su uglavnom trezvenjaki  a ostali se moreju malo opustiti.

Daklem okupljnje je bilo predviđeno od 14.00, lagano druženje, popije se koje piće i sprema se za odlazak na venčanje. Đuro i ja nažalost nismo mogli biti ni na okupljanju ni na venčanju v crkvi jer nam je v zadnji čas iskrsnula jedna neodgodiva obaveza pa smo došli dobru vuru iza većine pozvanih gostiji. Sve se odigravalo, kak sam već rekel, v hotelu La Gus. Ja sam taj objekt poznal od ranije pod drugim imenom i v jednom puno skromnijem izdanju. Sama je zgrada prilično doterana, ima lepu terasu iza hotela i poveći šator mam do hotela z kapacitetom od 260 ljudi. Dok smo čekali povratak mladenci i gostiju z crkve Đuro i ja smo naručili kapučini, ja sam popil i jednoga Jegera, i pomalo smo raspredali o kojekakvim našim trenutnim  problemima. Dok se skupila većina gostiju posluženo je bogato hladno predjelo i naravno piće po izboru. To nam je pasalo jer smo doma nekaj prizalogajili tek tolko da moremo zdržati do prvog obroka.  Sreli smo tu neke prijatelje koje nismo već dugo vidli i znate da smo pretepli sve kaj nam se dogodilo od zadnjeg susreta a posebno su tu bila sećanja na našeg prijatelja Bobu koj bi danas sigurno bil jako zadovoljan i sretan tata. Popili smo za pokoj njegve duše dva tri gemišta jer bi se sigurno i on jako rado pridružil takvom jednom sećanju.

 Malo iza sedme vure poiskali smo svoja mesta za stolovima koji su bili složeni po nekakvoj povezanosti gostiju koji si imaju kaj za reči. To i ni teško posle popijenih par gemišti. Štel bi nekaj reči baš o tom gemištu, ili bolje rečeno, o vinu za gemišt. Pri jednom poznatom vinaru z Međimurja Kojteru ,Bobo je letima kupoval vino za svoje potrebe i moglo bi se reči da su bili pajdaši. Sven je sad otišel do gospona Kojtera, rekel ko je i zakaj mu vino treba, a on ž je za njegve svate napravil jednu dobru kupažu, vino baš za takve prilike.

Sad vam moram nekaj reči o jelovniku koj ni bil onak „svatovski“ na kakav smo mi Podravci nafčeni od navek. Bil je to moderni jelovnik kojega su očito birali mladenci ili su morti  dobili sugestiju od hotela. Velko je razočaranje za mene bila juha koja je bila za moj ukus jako prozračna, mlaka, z industrijskim rezancima i tu i tam kojom mrkvicom.  Mi Podravci očekujemo bogatu svatovsku juhu z kokošetinom i junetinom i domaćim rezancima česti i dodatkom gris ili leberknedli. Naravno da se očekuje posle toga kuhano meso z hrensosom ali toga nije bilo. Mesto toga je bilo posluženo bogato glavno jelo z tri vrtse mesa: bečki, pileći file z aromatičnim travama i ramstek na lovački. Kak prilog je bil mladi krumpir na ploške, riža, kroketi i mešano povrće na putru. Obilno i ukusno al to ni ono kaj bi jedan Podravec očekival na svatima gde je većina gostiji baš z Podravine. No verujte niko ni ostal gladan. Za desert su poslužene dve varijante: drobni kolači na švedskom stolu i dve vrste štrukli, od sira i višnji z preljevom od vanilije. Ništ od toga nisam probal pa vam nemrem reči ništ o kvaliteti deserta. Da je bilo i torte to se podrazumeva. Bila je torta i svatovska torta. Kak smo Đuro i ja morali zbog nekih svojih obiteljskih obaveza v polnoći otijti doma nismo dočekali drugu večeru za koju je poslužen „Pikantni juneći gulaš sa žlicnjacima“.

No kak stari iskusni  muzikant koj je odsviral po hotelima i dost svati moram vam reči nekaj o organizaciji posluživanja i samom bendu.

Od hladnog predjela do juhe je proteklo prek jednu vuru. I to ni bil tak velki problem kak vreme od juhe do glavnoga jela. Pauza između ta dva jela je bil debelo prek jedne vure kaj se naprosto ni smelo dogoditi. Pauza između dva sleda je ipak bila prevelka. Naravno da to govorim kak kuhar amater, ali i kak gost na kojekakvim svatima ali i muzikant koj je z velikom pažnjom pratil kaj, kad i kak se poslužuje. Konobari su pak bili jako brižni i furt su obilazili goste da vide kaj ko treba.

A sad nekaj o bendu. Mislim da to ni bil bend koj ima nekakvoga velkoga iskustva z svatovskim repertoarom. Nekakvo je „staro pravilo“ da se pri skupljanju gostiju svira lagana animir muzika, pjevaju se starogradske, dalmatinske i kajvavske popevke. Za vreme večere se goste ne uznemirava a posle prvoga deserta počne čista plesna glazba i to v trajanju  od trideset do četrdeset minuta. Gostima date pauzu da malo odmore i osveže se z čašom pića pa onda spočetke. I tak do jutra.

Mesto toga dečki iz benda su na početku puštali z diskova modernu i to superglasnu muziku tak da se nismo mogli ni spominjati. V živo je bend počel svirati tek negde od pol devet i to v istom stilu kak i nasnimana muzika: jako glasno i prek jednu vuru v jednom ritmu. Mi bi stari muzikanti rekli da  nisu potrefili repertoar za ovak jednu šarenu publiku kak je to navek na ovakvim svatima. Tek negde oko 22.30 su počeli svirati kolkotolko svatovski repertor ali je glasnoća benda bila na granici izdržljivosti. Udarci bas bubnja i bas gitare su me pratili celim putem do Koprivnice.

Sad bute morti zaključili da svati nisu više za ljude v ozbiljnim godinama i bute v pravu. Daleko mi više na svatima odgovara glazba tamburaša ili pak jednoga diskretnog zabavnog benda koj zna kak ugoditi svim gostima. Ko zna. Morti jednog dana pak moji kompići muzikanti i ja napravimo jedan veteranski bend koj je taj zanat odavno savladal.

Mislim da vam nebum od svatovskoga jelovnika ništ predložil. To bu jedan običan svibanjski tjedan.

Pondelek

Juha/Glavno jelo: Povrtni ragu
Desert: Imamo kolača od jučer

Tork

Juha: Paradajzova juha z kašicom
Glavno jelo: Svinjska jetrica na naglo, pomfrti, šalata
Desert: Kokos šnite; to vam je kolač za Jana i Đuru jer je poznata stvar da ne jedem ništ od kokosa i ananasa

Sreda

Juha/Glavno jelo:Kisela juha od pilećih želučeki
Desert: Palačinke z pekmezom

Četrtek

Juha: Koprova juha z krutonima
Glavno jelo: Rižoto od lopatice, šalata od friškoga zelja
Desert: Dobar gu i nekakav sok 

Petek

Juha/Glavno jelo: Oslić ala bakalar; ne štedim na osliću i začinima jer Đuro to obožava
Desert: Čaša vina

Subota

Danas bu malo obiteljsko okupljanje v goricama pa bum pripremil nekaj jednostavno i praktično
Predjelo: Malo nareski, malo sira i kojekakve povrčke. Đuro bu doma spekla klipiće
Glavno jelo:Mešani roštilj, malo patliđana na žaru i bruskete
Desert: Kaj se v goricama pije nije tajna a morti bu i kakva orehnjača ili makovnjača

Nedela

Juha: Juha od goveđih kostiju; naravno da se bum za predjelo „počastil“ glodanjem kostiju
Glavno jelo: Rolano carsko meso, pekarski krumpir, zelena šalata
Desert: Đuro bu pak napravila nekaj z jagodama