A kaj da danas kuham? (279)

Ko bu popili sve to vino?

Morti sam propustil prošli tjedan v tekstu o zimnici nekaj reći i o goricama jer mi je to nekak nekakav drukčeši posel i doživljaj. Ak ste me samo malo pratili čez ovi pet i nekaj let pisanja bloga bute se setili da mi je baš to vreme nekakva posebna inspiracija. Sad morti mislite da je to nekak jesenska gorička idila al verujte ni baš tak. I to je jen jako velki i odgovorni posel. Jer: kaj ako napravite krivi korak i upropastite celogodišnji trud i muku? To se nesme nikak dogoditi jer o tom ovisi kak bute dočekali sledeće leto, kak bute ugostitli pajdašiju i z čim bute dočekali sledeću berbu. Govorim naravno o količini i kvaliteti vina. Pajdašija koja mi je pomagala i koja je redoviti gost v mojoj kleti fakat zavređuje da se okrepi z dobrom kupicom vina.

Daklem ovak. Za koj dan počinju pripreme za berbu a to je verujte jako važan, ak ne i najvažneši, dio posla v rujnu. Trebalo bu oprati bednje, bačve, prešu i ostalo sitno mertučje z kojim se bumo služili v berbi. Nikak se nesme zaboraviti niti omaljati podrum jer ga tak malo dezinficiramo i sprečimo morti kakvu plesnjivoču i neželjenu gamad. Kak vidite posla za jednog penzića i njegvu gospođu ne manjka. Onda se zvleče lista berača i ostalih potrebnih pomagača od prošloga leta i obavestimo ih od datumu toga prevažnoga posla. Manje više se ta naša penzić-ekipa zna ali si moraju malo poriktati svoje obaveze. Olakšavajuća je okolnost kaj nam više nikakvu ulogu ne igra dan v tjednu. Nama je svejedno jel to pondel, sreda ili subota. Nama je svaki dan vikend.

Sledi jako važan dio: jelovnik za berbu. Nema tu nekakvih velikih promjena ni iznenađenja al pripreme treba napraviti. Za jutarnji aperitiv su navek dve-tri vrste rakijice i domaći slatki likeri za gospođe. Onda sledi prvi obrok. Zadnjih par let šunku ne ostavljamo v komadu nego osušimo posebno bunceka a posebo tzv ruže. Prava šunka ima tri lepe ruže. Za predjelo se nareže jedna ruža na mesoreznicu, v škrinji imam još prelepoga domaćega špeka, doda se sir z vrhnjem, morti kakav namaz ili domaća pašteta, onda kakvi slanci, dve-tri vrste kruha i naravno diganci od orehi i maka. Đuro dela i digance z ružičkima jer neki z naše ekipe to obožavaju.  Juha je vu pravili od pilećega sitniša z noklecima koju svi obožavaju osim mene.Za glavno jelo je obično pečenje z krumpirom i šalatom. V zadnjih par let kupim lepu svinjsku lopaticu i morti friškoga capastoga bunceka. Pića ima po izboru, od soka, pive do gemišta, a kava se kuha za par ovisnika koji “nemreju bez nje živeti”. Godinama na berbi imam “problem”. Imam tolko težaki kaj je berba jako brzo gotova.  Pokušavam to nekak navek produžiti kaj moji međaši nebi pomislili kak je pri meni slabo rodilo al ni z tim prisilnim pauzama nemrem berbu produžiti za više od jedne vure. A čujte. Važan je i onaj posel oko prešanja a još je veći “posel za stolom”. Malo sam razočaran kaj su berbe već par let dosta rano pa nemamo za desert kostanje koji dolaze desetak dana iza berbe. Morali bumo upriličiti posebno samo kostanjijadu, naravno z reskim moštom. Nekaj vam moram priznati. Posel oko prešanja su zadnjih par let preuzele žene. Najprije Đuro i njezina sestra Violeta a zadnje dve lete Violeta i naša prijateljica Marica.  Njih dve vrede za tri muška. Srećom kaj preša ni prevelika a grožđe niti ne scedim do kraja. Pustimo samo čisti sok, mi bi Podravci rekli lit, a ostalo prosledim do Đurinog sina koj z tim oplemeni svojega tuduma.   Kak smo stareši pojavljuje mi se jedan novi “problem”. Do berbe mi ostane preveć vina a trebam  napraviti mesta za mlado vino posle prvoga pretoka, negde krajem studenoga. Pri meni se staro vino još pije za Martinje i za moj rođendan početkom prosinca. Viška još navek ima. Prošlo sam leto moral pod hitno dosta vina podeliti. Nekaj sam dal jednom i drugom šogoru koji su svoje gorice skrčili a meni ostavili svoje inox bačva, jedan je prijatelj je dobil vnuka a ni imal vina, a prijatelj Ivina z Gole je trebal vino za težake. Kak bu zišlo ovo leto neznam jer je jedna fanj bačva još navek puna. Gdi su ona divna vremena dok smo Andrija, moj kum i međaš, i ja morali kupovati vino već v srpnju. Vremena su se fakat promenila a naši su kapaciti konzumacije sve manjši. Sve je manje pajdašije, sve smo stareši i  sve je manje pravih vinskih goričkih susreta. Nažalost mlađa je pak generacija više na pivu i bambusima a pravi gemištaši su iznimka.

Ono pak kaj v meni dela posebni ugođaj v jesen je Galovićeva poezija. Svaki Podravec koj ima gorice, pogotovo oni kaj imaju pravu starinsku klet,  osećaju Galovića kak nekaj svoje. Niko nigda nije, pa ni nebu, napisal tak lepe stihove o koprivničkim goricama, kletima i goričarima kak je to napravil naš veliki Fran Galović. “Z mojih bregov” je zbirka popevki koju svaki pravi podravski goričar mora imati. Naš nezaboravni prijatelj, svojevremeno poznati glumac koprivničkog GAK-a (Gradskog amaterskog kazališta) Joško Gudić je verojatno bil najbolji interpret Galovićeve poezije. Godinama smo ga prigodice slušali v ambijentu draganovečkih kleti. Galović i boje jeseni su neponovljivi jesenski ugođaj v podravskome kraju.

Odmor “ratnika”. Završetak prošlogodišnje berbe. Dio umornih težaki v očekivanju obeda.

Pondelek

Juha/Glavno jelo: Složenac od povrće i mesa; dajte si mašti navolju obzirom na obilnu ponudu povrća na placu in a vrtu.
Desert: Tu more svakaj pasati pa čak i jedna dobra voćna šalata z dost ruma ili maraskina

Tork

Juha: Tarator; još je navek toplo pa bu jedna ovakva osvežavajuća juha dobro došla
Glavno jelo: Spečite nekakvu pitu ala burek il ak imate decu jednu bogatu pizu; mene najte zvati na pizu jer znate da fastfood  nije baš moje omiljelo jelo
Desert: Morti jedno malo pivo?

Sreda

Juha/Glavno jelo: Čušpajz od krastavci, faširanci; ja ovakve čušpajze kombiniram i z krmenadlima ili bočingom na češnjaku ili z kranjskima
Desert: Palačinke z pekmezom; imam samo problem z koji od silnih pekmeza

Četrtek

Juha: Krem juha od karfiola z krutonima
Glavno jelo: Punjene tikvice, pire
Desert: Zdeni sok od maline

Petek

Bili smo na obedu pri mojoj nećakinji Jeleni o kojoj sam nedano pisal. Preporučam i vama ovak nekaj za petek
Juha: Francuska juha od luka; je da se kuha jako dugo al vredi potrošiti malo vremena za tak nekaj. Pojel sam dva tanjura.
Glavno jelo: Hobotnica z krumpirom ala peka; šalata od mešane zelenjave
Desert: Neznam kak se to zove al meni je zgledalo kak mini torta od čokolade; naravno da je iza hobotnice bila i čaša crnoga a bome i gemišt od graševine

Subota

Juha/Glavno jelo: Saft od junećeg bočinga s fužima; naši bi Dalmatinci rekli jednostavno makaruni u šugu od…
Desert: Tu svakaj paše: može nekakva tekućina a može i nekakav kolačić

Nedela

Na akciji si moremo negda i mi penzići privuščiti teletinu
Juha: Juha od telećih kostiju
Glavno jelo: Filana teleća prsa, pekarski krumpir, šalata
Desert: Štrukli z kruškama; Đuro to dela pogotovo sad dok je tolko domaćih kruški