sandrine
/slika/362851/Priprema
- Vrijeme pripreme:
-
Nono
Fažol preberite i operite, pa stavite par ur močit, najboje po noće za drugi dan. -
1
Namočeni fažol stavite kuhat najprvo kratko, par minuti va jednu vodu ku ćete prolet, pa dolejte frišku teplu vodu, poten vrnite na oganj, pokrijte i neka se pomalo kuha jeno uru ili da je napol kuhan.
-
2
Kapulu na grubo nasečite i stavite frigat va suru na uje.
-
3
Kobasice i pancetu narežite na fetice pa hitite na požutelu kapulu. Neka se lepo pofrigaju, a vi sako malo podlejte z vodun i zmešajte. Za zadnje podlevanje zmešajte ocat domaći va malo vode, pa šufigajte dok se ne posahne. Na ten storite smok od malo muke i kratko mešajte na ognju da muka so uje popije. Onda na to dolejte malo vode va ke se fažol kuha da dojde gusto kot zapešt. Va gotov smok zmešajte konšervu.
-
4
Va fažol ki je skoro kuhan stavite pašticu. Ako nimate kratku pašticu, zamite špigeti pa jih zlomite na kratko. Lepo zmešajte, dolejte teple vode ako treba, stavite travi za dih i gušt i još bičić česna na sitno, posolite i zapaprite kuliko volite, pokrijte i neka se na pomalo kuha onuliko kuliko pašte treba da omehne.
-
5
Kad je pašta skoro kuhana, zamočite ze smokon z kobasicami, pokušajte ako je dosti slano, pa kad sve nazad zavre i mineštra malo zgusne, pogasite oganj. Hitite na to malo natrganega petrsine i pustite stat pokriveno magar kvarat ure prvo leh stavite na pijati.
Posluživanje
Parićajte na stol sakemu pijat ove dobre mineštre i po fetu-dve domaćega kruha. Velen juden dajte i po žmuj vina, a dičine će bit kakova limunada.
Neka van je va gušt!
Sastojci
- Broj osoba:
- 30 dag fažola šarega
- 0,5 dl maslinovega uja
- 1 vela glavica kapule
- 2 pari domaćeh kobasic
- malo pancete
- 15 dag kratke pašte ili zlomjeni špigeti
- 2-3 česna češnja
- 1 mića žlica domaćega diha i gušta
- 0,5 dl domaćega octa
- 1 žlica muke
- 1-2 žlice konšerve od pumidori
- malo soli i popra
- malo nakidanega friškega petrsina
Ostalo
Grupa jela
Ostalo
Tagovi
-
Iz Prehrambenog rječnika
-
Uvjeti korištenja i autorska prava
© Podravka d.d. 2003.—2012.
12 komentara do sada…
Bravo za ričetu.
Jušto tako je i moja nona parićevala paštu i fažol (šupioti), ma na kraju va pijat bi stavila još friško nadrobljenega cesnja ,
a ako se to ne bi storilo na jušno s paštun se more zagustit
malo više šofrigat kapuli , dodat mlevene papriki i konšervi, pa dobijemo fažol na padelu , al pak pirun . se najboje s Lovran !
Kastavac, i ja puno puti storin na padelu. pozdrav va Lovran!
I da znaš volim ove tvoje recepte ispisane u originalu :)) bude sećanja na silna leta provedena u Istri kod rodbine :))) Samo tada mi se činilo (makar prvih 10-ak dana dok se ne bih navikla)da svako selo priča drugim jezikom :)))
Mada javiše sam volela slušati one koji su školu svršili na Talijanskom pa bi u priču ubacili još i podosta talijanskog :))) ..... a onda me pitaju odakle mi talenat za razgovor na više jezika istovremeno …. pa ispraksala sam se kao mala :)))