sandrine
Jedanajstemu mesecu tu puli nas va Kastafšćine stari judi deju "martinjski mesec" aš je to mesec va ken se slavi Sveti Martin ale Martinja. Da njin rečeš studeni, ale novembar, bledo bi te gjedali, ne bi te pravo razumeli.
Va oven, martinjsken mesece so veje popada z dreva. Deju judi da to Martin stane na vrh kranjskega Snežnika i da zame dugu majčinu, pak oklati so veje od Snežnika do mora. Zato se i reče po staru "Martin je veje oklatil". Ma za Martinjun užaju trefit lepi dani, pak to zovu "martinjsko leto". Onput judi užaju ruži obrezat da bi h lete va sakoj jagode bila popčica manje i tuliko vina više...
Va Kastafšćine ni užanca da se na Martinju vino mlado "krsti". Za vino j' važneje ono vreme kad se vino otače, ale otakalnica, a to je fanj raneje leh Martinja, aš je i trganja raneje, najkašneje do pol devetega, mihojskega meseca. Na otakalnicu rada pride sused susedu pomoć i mlado vino provat ako j' dobro, a najveći blagdan od mladega vina j' Bela nedeja. A dobro j' ovo naše vino, kastafska belica. Pilo se j' nekad i va cesarskoj kuće va Beče. Ni jako kot dormatinska i istarska vina, ale ima dih lepi i neki dobri gušt. I nikada ga ni rabilo krstit. Ma sad, va ovo vreme kad su se zmešale užanci od seh kraji i kad su se skoro posvema zatrle one stare užanci, juden i tu mlado vino dojde "Sveti Martin" blagoslovit.
Ma ja ću van rada povedet ča se tu, va Kastafšćine kakova j' nekad bila, užalo delat na Martinju.
Nekada j' bila užanca da j' župan hodil po seleh na Martinju jutro i zijal "Martinja je! Trebe po staroj užance jarušića na ražnje speć! Boje da selo zgori lego da se užanca zapusti!" A jarušić je mladoletni jančić. Onput su judi čuda ofci imeli i užanca j' bila da se na Martinju i još ki put va lete, utinut na Vazam, jančića odere i speče.
Ma jeno selo va Kastafšćine - Garići - imelo je još jenu martinjsku užancu - martinjsku brigaču. Današnji judi morda ni ne znaju za to, stari su pozabili, a mlaji morda nisu ni čuli. Deju stari judi da j' neki Franina, pred čuda i čuda let, za martinjski obed, ča mu ga j' nevesta skuhala, na pijat dobil kapuz z ulen zasmočen namesto zapeštan, a za večeru kavaradu. Tuliko se razjadil ča ni dobil ono ča j' stara martinjska užanca, da j' storil tištament i svoj parat pustil neč crekve, neč "za brigaču" drugen va sele. Tista brigača j' bila njiva za ku su se skrbili i uživali susedi. ma nisu ju dobili za niš - onista kuća ka j' uživala njivu, morala j' na Martinju svetu mašu platit i parićat veli i bogati obed ale večeru za si muški susedi. Ta obed al večera se 'j zvala "martinjska brigača". Ženske su jako skrbele da jilo bude dobro i bogato, aš ako bi martinjska brigača slaba bila, susedi bi mogli miselt da su slabo skrbeli za njivu, pak ju zet i dat drugemu, za kega su misleli da će boje gospodarit i obdelevat, skrbet za njivu. Užanca j' bila da se brigača parićuje va konobe, a ne kot vavek va kamare ale va kuhinje, i da mora ob ubroke bit mesna juha, kakovi makaruni va dobren šuge i siron poribani, presnac, urehi i najbojo vino... Ni više stareh judi, ni više ni brigače, zadnja j' bila leta 1898., ma njiva negdere pul Garić, ta del su zvali Brigačno, još vavek stoji i ki zna ki ju sadahna obdeleva, ale j' morda kakova vela moderna kuća na njoj zilezla nebu pod oblaki, ne kot nekadajne starinske kući na pod.
Martinja je. Va soj Kastafšćine već 100 let ni nijene ofci pak se neće jarušić na ražnje obrnjat. Ni župan ne zija po sele. Ni ni selo zgorelo, ma stara se j' užanca sejeno zapustila... I belice kastafske j' malo, lih kade kakova ruža ča'j zdavna ostala... Sad su neke nove užanci, vino se krsti va sake oštarije magar ni više tuliko mlado, i guska z mlincima i maruni se peče...
A se ove stare užanci vredno je zapiševal barba Zvane Jardas, a ja se to rada čitan, i potla van povedan.
© Podravka d.d. 2003.—2012.
46 komentara do sada…
Na žalost , sve manje je blaga oko nas, pa novi naraštaji neće ni znati razliku između koze i ovce.
Kona, da postoje vrlo različiti dijalekti. Mene je fascinirala sljedeća sličnost u različitosti:
Jedan moj barba s Hvara, težak, zna govoriti samo po Pitovsku(Pitve na Hvaru) i rijetko kada je bio van otoka, bio je ovdje i razgovarao s mojim susjedom(sad pokojni Tonić), koji je isto tako znao samo trdo po domaći ( govor Lovranšćine).Oni su se na temu trsja i općenito obrade zemlje, težašćine fantastično razumjeli i dugo razgovarali . Da nisam čula, ne bih vjerovala, jer to su za mene dva vrlo različita narječja, iako su oba čakavska.
O jeziku rode da ti zborim....
Divno narječje, godinama idem u Istru, slušam, slušam i skoro ništa ne razumijem, ali slušam i dalje, jer ti dragi, stari ljudi, kao da pjevaju, a ne govore
I još nešto, kada čujem domaće roženice i sopile srce mi zaigra 
Članak pročitan sa razumijevanjem,
lakše je čitati nego slušati
Hvala ti!
da, zapravo je lakše čitati jer će čitalac pročitati s naglaskom kojeg i uobičajeno koristi. No kad slušate razgovor na ovoj čakavici - jer svaki kraj ima svoju "sortu" - e treba to znat razumjet. Puno uzlaza, silaza, spajanja, baš kao da pjevate. I sad zamislite karameline stare u razgovoru na dvije slične, a opet vrlo različite čakavice!
Draga sandrine o narječijima bi ja mogla napisat cijelu kjigu komedija. Kad sam ja 1961 došla u Opatiju sa svojim kajkavskim, a većina Opatijaca je znala samo čakavski.Dolaskom radia i televizije svi smo naučili pomalo hrvatski .Ja sam brzo savladala čakavski , jer mi je bio jako sipatičan a i radila sam na takvom mjestu gdje sam svaki dan učila . A usamo početku ljudi koji su radili samnom iz Pobri Bregi Opatije valjali su se od smijeha. Ne samo oni nego i njihove familije svima sam uljepšavala dan neko vrijeme .Dok se nisam zainatila sama sasobom i naučila čakavski ,koji je zapravo u nijansama različit od mjesta do mjesta.
Sandrine, Sandrine...
hamerinka, a zamisli mene u obratnoj situaciji, jadno dijete od 4 godine koje nije znalo ama baš ni riječi književnog, odjednom u vrtiću u Sisku, među djecom koja su me blijedo gledala jer nisu kužila ni riječ moju
ali dobro je bilo što je to njima bilo jako simpatično i zanimljivo što pričam drugačije, pa sam stalno morala nešto pričat i kad mi se htjelo i kad mi se nije htjelo... valjda zato sad ponekad meljem bez prestanka 
Damira... reci...
Draga sandrine samo jedan biser,kojeg pamtim zauvijek .Šef me poslao po marendu ireko mi je donesimi jednu puticu ima i malo šunkarice . Dok sam ja čekala na red gospe su govorile ja bi jednu pinku kruha a ja onda nisam znala ni ča je puntica a ni pinka . Pa sam šefu za marendu kupila jedu pinku kraha i malo salame. Kad sam se vratila s marendom ,šef je bio jako fini gospodin i nije mi niš rekal , ali drugi dva su se za trbuh držali od smeha, A ja sam mislila da je na meni nešto smiješno .Idanas poslije pedeset godina kad kupim pinku kruha sjetim se tog bisera .
Bila i uživala...jako me lijepe uspomene,vežu za Kastav...