Morti ste pomislili da je gotovo z Međimurjem? Ne nije. Ak ste vidli prošli tjedan moje razloge za početi od Međimurja onda znate da tam moram ostati barem još ovaj tjedan. Sad kad gledamo i njihovu "Srce" televiziju nekak su nama Podravcima još bližeši a moram priznati da nam znaju lepo vrnuti jer svaki čas daju nekakav prilog o Podravini i Podravcima.
Kaj se fino jede v Međimurju? (2)
Dok sam svojevremeno pisal tekst za Glas Podravine, taman se na radiju vrtela najava za već tradicionalnu feštu u Vrbavcu "Kaj su jeli naši stari?" I nekak si mislim kak su se ovi naši lepi kajkavski krajevi morti i prije trebali pokrenuti i tak nekaj organizirati. Kaj god sam nekad na toj fešti v tek jel sve je to već bilo poznato v Podravini a bome i v Međumurju. Vrnimo se mi lepo na međimursku papicu.
Dok sam malo bolje proštudiral sve kaj nam nudi kuhinja naših severnih suseda, zaključil sam da gotovo i nema nečega kaj nebi rado del na svoj jelovnik ili barem tu i tam probal. Evo na pr. kuruzni žganci. Moram priznati da ih do pred par let nisam štel ni videti na tanjuru. Danas si ih čak i poželim vjutro ali onak z vrhnjem i čvarkima. Nisu loši ni kao prilog za kojekakve saftove ali nikak ih nemrem zmisliti z mlekom ili kak to jedan moj prijatelj jede z čokoladnim mlekom. Onda recimo kaše. Nemremo si zamisliti čurke bez hajdinske kaše, a pečena raca ili guska naprosto išću hajdinu za prilog. A kakva je tek juha od hajdine i još k tome z vrganjima. Nema gurmana koji tome more odoljeti. Nekaj me je doduše neki dan šokiralo. Kilu te kaše sam platil 30 kuna! Ljudi moji pa kolko pilećeg ili carskog mesa na nekakvoj akciji morete dobiti za samo jednu kilu kaše?
Pred jednom delicijom skidam svakak Međimurcima kapu: meso s tiblice! Delamo i mi to Podravci ali nekak ovo njihovo ima posebnu draž. Delaju i finu kosanu mast no tu moram pofaliti moje pajdaše Husa i Bobu. Sigurno se moreju meriti z kvalitetom njihove mašće. Ono kaj mi se posebno dopada pri susedima je i korištenje koščićnoga ulja. Nemrem si zamisliti baš nikakvu šalatu bez crnoga ulja, jer su sva ova kupovna ulja tak pusta i dosadna. Oduševljavaju me i bogate juhe koje moreju biti same za sebe fino jelo: pretepena juha, razne kisele juhe, gulaši i paprikaši a bome i kojekakvi čušpajzi. Kaj se slatkoga tiče tu smo z Međimurcima čist jednaki: zlevke, mi bi rekli zlevanjke, štrukli svi vrsti, orehnjače, makovnjače i sva digana testa. Neznam jeli međimurska gibanica baš izvorni međimurski kolač jer se na više mesta dela slični kolač. V Sloveniji se jede prekmurska gibanica (ovih sam dana videl da su ju zaštitili kakti slovenski izvorni proizvod), a pri nama v Podravini vam je to "bregovska pita". Sve su to varijacije na istu temu. Međimurci tvrdiju da je "turoš" njihov izvorni proizvod al nisam siguran da tak ne misliju naši Bregovci i Ivančani za svoju prgu pa čak i Belovarčani za svoju prgu obzirom da su ju prvi registrirali kakti hrvatski proizvod. Ovaj tjedan nek bu skroz v znaku međimurske kuhinje. Ak si date malo truda a željni ste i promjene nebute požalili.
Pondelek
Juha/Glavno jelo: Krumpir gulaš ala Međimurje na moj način; za boljim okus z lukom zdinstajte najprije malo špeka i kožice. Bute jako zadovoljni.
Desert: Poterajte z gemištom
Tork
Juha: Pretepena juha
Glavno jelo: Kuruzni žganci z vrhnjem i čvarkima; more i nekakva šalata
Desert: Kifli z orehima
Sreda
Juha/Glavno jelo: Pileći perket z domaćim širokim rezancima
Desert: Palačinke kakve jedu vaši ukućani
Četrtek
Juha: Juha od hajdinske kaše z gljivama
Glavno jelo: Pečena svinjska lopatica, pečeni krumpir, zelena šalata z koščičnim uljem
Desert: Dobro razmislite kaj tu popiti!
Petek
Juha: od nekakve rečne ribe ala lagani fiš
Glavno jelo: Pržena rečna riba (kvaliteta nije bitna) vu smesi od kuruznog brašna i krumpir šalata z koščičnim uljem
Desert: More to prejti bez gemišta? Naravno da ne!
Subota
Zdeno predjelo: Sir z vrhnjem, domaći špek i mladi luk
Glavno jelo: Kuhani svinjski buncek, restani krumpir, šalata
Desert: Posle toga nesmete nikak piti vodu!
Nedela
Juha: Juha od racinog sitniša z žličnjakima
Glavno jelo: Pečena raca, hajdinska kaša, šalata od friškoga zelja
Desert: Međimurska gibanica; tu bu dobro došla kakva čaša štrigovskog vina
:(Još nema komentara