Posle "Podravine moje mile gastronomske" bilo je malo predaha i sad pak nastavljamo put po "Lepoj našoj" a najprije se bum bavil malo z našim prvim susedima a onda bum krenul dalje po svim onim prekrasnim krajevima po kojima sam se celi život potepal. Osim toga naši susedi i mi imamo fakat puno toga sličnoga: od jezika do odlične klope kaj je, morate priznati, jako važno v životu svakog poštenog čoveka.
Kaj se fino jede v Međimurju? (1)
Zakaj posle Podravine v Međimurje a ne recimo v Zagorje? Jako važan razlog! Pa zato kaj sam nekad davno bil zaručen za jednu Međimurku a i današnja mi je žena na pol Međimurka. No pravi je razlog čist nekaj drugo: Međimurci imaju stvarno dobru kuhinju a osim toga su među prvima širom otprli vrata domaćoj kuhinji i starim skoro već zaboravljenim jelima. Dok sam prvi put došel v Međimurje kakti potencijalni zet, stol je fakat bil jako bogat i to sve domaće papice: od sušene šunke, fine kokošje juhe do kojekakve peradi i naravno štrukli. Moram priznati da mi je i nakon četrdeset let posebno ostalo v sećanju jedno divno toplo predjelo: panirane palačinke filane z šunkom, prelijane z vrhnjem i onda lagano zapečene. To jelo ima samo jednu falingu: strašno je kalorično. No ono kaj sam posle imal prilike čuti, videti i jesti, mi je posebno bilo simpatično, jer su Međimurci morti i najviše v Lepoj našoj napravili da gurmani upoznaju kak more biti dobra i interesantna domaća papica. Doduše ima tu i kojekakvih utjecaja: mađarske, austrijske ali i naše podravske kuhinje. Ali vam je to i normalno. Em smo živeli dugo v zajedničkim državama, em smo susedi, em smo i kajkavci kak bi to lepo rekli Žiga, Adam i naš Vid.
Danas nam je morti pri spomenu međimurske kuhinje prva namirnica krumpir. Godinama su Međimurci dolazili v Koprivnicu, a naravno i šire, i po vulicama vikali: "Krumpira, krumpira.....". Jemput me je jedan prefrigani (ili morti pokvareni?!) Međimurec lepo nasamaril. Čovek je došel v našu vulicu i, da ne hodam po placu, kupil sam vreću od pedeset kil. Sve je bilo v redu dok nisam otprl vreću i videl sadržaj: okolo je bil lepi debeli krumpir a v sredini sitni z blagim dodatkom kamenja. Svaka čast. Krumpira nisam prestal kupovati od Međimurci pa je kak i navek v našoj kuhinji još najčešći prilog kojekakvim jelima. Samo usput: moja je žena kao polumeđimurka tipična "krumpirača": krumpir svaki dan na sve mile načine, a francuski krumpir za fruštuk, obed i večeru.
Najpoznatiji pak međimurski krumpir je onaj kalapajsani ili kaj bi Međimurci rekli kalapajsani kalamper. Morete ga jesti kakti prilog uz svakakva mesa al za nuždu je dobar i kakti glavno jelo. No da vi dragi moji nebi pomislili da Međimurje živi samo na kalamperu drugi put vam bum otkril obilje predivnih delicija v kojima pravi gurmani moreju stvarno uživati. Znate kaj? Ovo nebu baš međimurski jelovnik ali obzirom da smo v teškoj gospodarskoj krizi nek bu za svakoga pomalo i nek bu šparni.
Pondelek
Juha, glavno jelo i desert: šalata od mešanog povrća i testenine. Začinite z onim kaj najviše volite: standardni začini, majoneza ili nekaj slično. Ak baš nemrete bez mesa dodajte malo kuhane piletine ili konzervu tunjevine.
Tork
Juha: od goveđe kocke z rezancima od palačinki.
Glavno jelo: Palačinke filane sirom ili naseckanom šunkom za pizze. Zalijte z vrhnjem i zapečite. Bogata šalata.
Desert: Sigurno imate u frižideru zdeno pivo ili sok.
Sreda
Juha: Napravite laganu juhicu od mrkve, može i krem juha od mrkve i dodajte malo sitne testenine
Glavno jelo: Sataraš na kajkavski način; prodinstajte luk, papriku, paradajz i na kraju zalite s tri-četri jajca. Ako ste baš ovisnik o mesu dodajte po naglo pečeni krmenadl po glavi obitelji.
Desert: Pogledajte dan prije!
Četrtek
Juha vam danas i ne treba.
Glavno jelo: Mesnatu poveću papriku, po mogućnosti crvenu, napunite z namazom od friškog kravljeg sira, spanirajte i spečite. Prelite z tartar-umakom.
Desert: Znam da već imate ideju kaj vam bu pasalo. Sam pogodil?
Petek
Znate kaj već sledi: riba! U nedostatku friške dobra bu i smrznuta.
Glavno jelo: Ja bum napravil "fažol na bruet". Kupil bum smrznutu škarpinu, napravil brodet, ubacil malo mladog kuhanog graha i domaće široke rezance.
Desert: Pasal bu domaći zdeni gemišt od graševine.
Subota
Juha/Glavno jelo: Čušpajz od korabice s dosta vrhnja. Mali dodatak bu par kranjskih ili, ak imate klince, par hrenovki.
Desert: Sok.A kaj drugo more tu pasati?!
Nedela
Ak imate bilo kakvu mogućnost odite v prirodu i najte se preveć motati oko peći.
Hladno predjelo od povrća kakvo bi vam ponudili Makedonci: narežite na kockice paradajz, krastavce i papriku i lagano ih posolite. Uz to se navek posluži zdena rakijica kakvu imate. Makedonci uz to piju mastiku a mi Podravci bi zeli šljivovicu ili tepkurušku.
Glavno jelo: Bogati roštilj naravno ali uz dodatak pečenih patliđana, paprike i gljiva. Kod pečenog povrća najte štediti na češnjaku i ulju.
Desert: Muški buju sigurno nekaj zdeno tekuće a žene se nek odluče same. Deca buju nekave sokove ili nekakav sladoled.
:(Još nema komentara