A kaj da danas kuham? (55)

Utakmice debelih i mršavih študentof

Bila je to jedna kratka ali slatka študentska tradicija. Prije određenog vremena je i kolega Čim, poznati koprivnički novinar, v svojoj rubriki "Sportska nostalgija" objavil sliku, na kojoj je i moja malenkost, z jednog davnog meča debelih i mršavih ekipa koprivničkih študentof. To vam je bila smijurija. Igrali smo na koprivničkom sajmištu, bez golštangi, bez dresova i kopački a svaki je zmogel nekakve svoje šlape još iz gimnazijskih dana. Ne sećam se baš točno, al mislim da nismo mogli zdržati više od dva put dvadeset minut, no bilo je glavno ono kaj se je događalo za vreme trećeg poluvremena utakmice. Stariji Koprivničanci se buju sigurno setili jedne poznate birtije "Kod Kaha", (za koju mlađi Koprivničanci ni neznaju da je postojala prek puta sajmišta), gde smo u domaćoj atmosferi mogli zdržari duže nego na terenu. Dali bi speći odojka ili janjca, mladog luka u izobilju i friški kruh. Pive i gemišta kolko ti srcu drago. Rado se setim nekih zgodica jer je ta utakmica bila jedan mali cirkus i verujte da se ne sećam kojim rezultatom su te utakmice završavale. Tak je na pr. naš prijatel Davor Švarc igral za mršave. Ha-ha!! More neko danas uopće zamisliti da je on bil najmršaviji među mršavima. Da bu štos veći igral je v beloj košulji i hital se je naglavce za loptom iako je pol vure prije opala kiša i morete zamisliti kak je zgledal teren. Jedno leto smo pak imali i "masera i doktora" v istoj osobi. To vam je bil legendarni koprivnički konobar Viktor, koji nas je nažalost prije kratkog vremena ostavil. Imal je nekakvu moju doktorsku torbicu v kojoj su mesto inštrumentof i lekova bile flaše z gemištom. Ko je prvi ožeđal ili ni mogel više bežati, naglo se hitil na zemlju a Viki bi brzo utrčal v teren i pružil ozleđenome "prvu pomoć". Posle dva tri dobra cuga sve je pak bilo v redu. Bome je taj dan Viki imal pune ruke posla. Nekim slučajem su se pak jemput za vreme utakmice na sajmištu pod šatorom našla dvojica mladih Francuza, koji su v čudu gledali kaj se tu događa. Ja bi se z njima spominjal  z jakim "francuskim naglaskom" po sistemu "ivožandaržene pipa" ili "kravatravupastelerepommaše" a oni  bokci nikak nisu mogli razmeti kak tak dobar francuski naglasak oni ne razmu. No zato smo ih na kraju pozvali v birtiju i dobro ih nahranili i napojili. Ko zna morti bi se ta tradicija nastavila i do dandanas da jedne godine za vreme utakmice ni došel čovek, koji je zakupil na sajmištu travu, i lepo nas steral doma. Sve si mislim da bi naši mladi koprivnički študenti mogli tu lepu tradiciju nastaviti. Mi im moremo dati savjet kak to organizirati.

Pondelek

Juha, glavno jelo i desert: Samo hrpa šalate; složim ju od friškoga zelja, šečerca, cikle, a osim soli i malo octa dodam samo fest koščičnog ulja. Napravim ju već v jutro i dobro ju ohladim. Na kraju malo tunjkam kruha v onoj zdenoj tekućini na dnu zdele a kaj ostane popijem. 

Tork

Juha/Glavno jelo: Sarma (imamo još kiselog zelja), pire krumpir; ak se sećate ja sam ju delal na dalmatinski način ala arambašići: više ju dinstate nego kuhate uz dodatak špekeca i kobasa
Desert: Kaj god popijete bu dobro 

Sreda

Juha/Glavno jelo: Kisela juha od fileka
Desert: Palačinke kakve vole vaša deca 

Četrtek

Juha: Povrtni ragu
Glavno jelo: Đuveč; dodate po krmenadl po glavi ukućana
Desert: Voćna šalata

Petek

Predjelo: Šalata od plodova mora
Glavno jelo: Pržene skuše i lešada od kelja i krumpira
Desert: Čaša vina

Subota

Već su pomalo lepša vremena pa se v goricama more delati i roštilj ili peka.
Predjelo: malo sira z vrhnjem, špekeca i mladog češnjaka i luka
Glavno jelo: Peka; kaj god denete pod nju bu dobro: celog piceka, svinjsku koljenicu, teleču koljenicu ili celu vratinu. Dost krumpira i začini. Za prste oblizat.
Desert: Tu vam nikakva sugestija ne treba. Vi to znate bolje od mene. 

Nedela

Juha: Ajngemahtec s noklecima
Glavno jelo: Špikani janjeći but, mladi krumpir, šalata
Desert: Mi bumo imali štrukle s tikvom i makom; pijača po želji ukućna