A kaj da danas kuham? (36)

Blagovanje za Božić i Novo leto

Za ove božične dane navek rado vrnem v mislima u moje najranije detinstvo. Velika iščekivanja, velike pripreme i jedno predivno raspoloženje. Zakaj? Mogućnosti su nam bile jako skromne, stol je čez leto retko bil bogat i naravno da smo jedva čekali tih nekolko božičnih dana. Već za koline su počele pripreme: ostaviti materijal za hladnetinu, spacati krmenadle za pohanje, osušiti kobasice za kuhanje. Guska se je šopala barem dva do tri tjedna prije Božića. Kolači su se pekli takaj koji dan prije i to uglavnom oni koji moreju dugo stati: mašinski keksi, vanilkifli, medenjaki, pišingeri i slične mamine slastice.

Badnjak je počel z posnom hranom: kakva ribica iz konzerve, eventualno frigane sardelice ili dravska sitna riba, grah ili krumpir šalata. Za bakalar v to vreme nismo ni znali. Nestrpljivo smo čekali Badnju večer i slaganje bora, stola ukrašenog z tri jabuke, ružmarinom, posudom z pšenicom i kuruzom i naravno slama pod stolom na kojoj smo se mi deca valjali do mile volje, pa i prespali do polnoći. Večera je bila vrlo skromna, a vrhunac smo dočekali iza polnoći dok je tata došel od polnočke, jer smo onda jeli friško kuhane kobase z ribanim hrenom. Božićno jutro je krenulo s čestitanjem i nakon toga doručak: hladnetina i kolači. Za obed malo raskoši: goveđa juha z domačim rezancima, kuhano meso z hrensosom. pohani krmenadli z pečenim krumpirom i naravno pečena guska z mlincima. Ta ponuda je naročito veselila mene,  a desert mojeg starog jer je obožaval kolače. Ovakav jelovnik se kod nas doma zadržal uglavnom i do danas, ali je Badnji dan obogaćen ribljim specijalitetima uz obavezni bakalar, a mesto guske more biti i raca. Vu svemu tome ima i jedna falinga: isti dan nismo mogli sve pojesti pa smo ostanjke hrdali i do Novog leta.

Novo leto mi nikad nije bilo nekakav posebni gurmanski događaj obzirom da smo za Božić, Štefanje i Ivanje već fanj toga konzumirali. No znalo se je da mora biti sarma i nekakav komad odojka. Ja nekak to izbegnem već par let i sklon sam kolko-tolko lakšem jelovniku, iako prijatelj Slavo navek skuha veću količinu sarme pa pošle i nama, tak da se malo zlečimo od svih napora kroz te dane. Da vam pošteno velim, nekak mi najviše paše bilo kakva kisela juha ili samo ostanjki zelja od sarme. Trebam vam uopće spomenuti da ovo obilje hrane prati i odgovarjuća količina kojekakvog pića?  Sigurno ne! To vi i sami znate.
Ovotjedni predlog vam bu otprlike ono kaj bum i ja kuhal. Nek vam je u slast!

Pondelek

Mislim da se treba pomalo pripremati za svetke. Odlučil se bum danas samo za ćoravi gulaš, a morti nutra za žmah hitim par domaćih kobasa. Nema deserta. Ovih dana ga bu i preveć.

Tork

Juha/Glavno jelo: Podvarak od svinjskog mesa s kiselim zeljem. Kak prilog morete poslužiti kuhani slani krumpir.
Desert: Ni danas ništ osim ak vam ovo jelo baš ne išće nekaj tekuće.

Sreda

Juha: Prežgana juha s kašicom
Glavno jelo: Krpice sa zeljem; ja uz to podinstam malo junetine, a krpice su mi kakti prilog.
Desert: Voće

Četrtek

Juha/Glavno jelo: Francuski krumpir i turšija. Juhe nema, a obzirom da moja gospođa obožava francuski krumpir, nek joj bu.
Desert: Ja nebum ništ. Ako vama nekaj fali, bute već nekaj zmislili.

Petek

Juha/glavno jelo/desert: Znate kaj?  Svega bu ovih dana. Skuhajte nekaj malo. Recimo samo nekakve špagete. Ja bum složil špagete ala karbonara s puno parmezana. Popite nekaj osvežavajuće.

Subota/Badnjak

Juha: Kod mene je danas nema. Post je i jelovnik se zna.
Glavno jelo: Pržene ribice z grah šalatom ili bakalar z krumpirom.
Desert: Samo čaša vina za okrepu i morti koji drobni kolačić.

Nedela/Božić

Juha:Juha od racinog sitniša z leberknedlima; morti dodam kocen-dva goveđeg repa pa bumo imali i malo toplo predjelo.
Glavno jelo: Pečena raca z mlincima, zelena šalata.
Desert: Kardinal šnite, kava sa šlagom, draganovečka graševina.

Izvor slike: http://www.cvijet.info/slike_cvijeca/zagorka/bozicna_psenica/4834.aspx