Ona teška leta oko rata čovek bi najrajše zaboravil al su bila tak puna sadržaja da nekak ostaju trajno v sečanju. To vam je tak navek v životu: pamtimo krajnosti, ono najlepše i ono baš jako grdo. Morate rešiti nekakve repove v privatnom životu ali i priviknuti na realnost i pokušati nekak krenuti dalje bez preveč gledanja v retrovizor. Pitanje je dal v ratnim vremenima imate opče drugu mogučnost osim biti v tvrdoj stvarnosti.
Povijest mojih godišnjih odmora (3)
Devedeseta i devedest prva su bile uglavnom leta gde saniram posledice razvoda i pratim kaj se događa širom Lepe Naše. O godišnjem nema ni govora i uglavnom se sve događa od kuče do posla v Podravki ili pak od kuče do gorici v Draganovcu.Velku promenu donosi početak rata i moj odlazak na ratište v zapadnu Slavoniju. Nakon dva meseca vojničke obleke dobivam poziv na seminar za vojne psihologe v Zagrebu a nakon toga nas, več ozbiljnu gospodu, oslobađaju obaveza pa se morem vrnuti svojem starom poslu. Naravno da više ništ ni bilo isto osim kaj sam v leto 1992. mogel razmišljati o nekakvom godišnjem.
Nekak krajem moje soldačije sam zahvaljujuči nekim mojim obavezama vu vojski, upoznal i Đuru, moju sadašnju gospođu, i počel sam razmišljati kak se malo odmoriti od razmišljanja o ratu. V to mi se vreme nekim povodom javil moj šulkolega Mirko i pozval me na desetak dana k sebi na Pag. To je nekak i bila zadnja točka do koje ste mogli sigurno dojti makar je v daljini još odjekivala topovska paljba. Prihvatil sam poziv kolege i dve lete obavil godišnji z Đurom pri dragom prijatelu. Mirko je inače naš Podravec z Kalinovca, zbavil je gimnazijsko školovanja v Koprivnici, zaštudiral faks v Čakovcu i nekim se slučajem našel na Pagu gde je i do današnjega dana. Ta su mi dva godišnja ostala v jako lepom sečanju. Prisetili smo se naših đačkih dana i dragih kolegica i kolega, kuhal sam za Đuru i mene v apartmanu, z Mirkom bi popil koju čašu vina a do plaže je bilo, kak bi Mirko rekel, „morti i dvadeset i pet metri“. Sreča nas je poslužila jer se Mirkov zet Nikola, strastveni ribič, navek pobrinul za frišku kvalitetnu ribu. Upoznali smo i jednu zgodnu čakovečku familiju i svi se skupa lepo družili ta dva leta. Kaj očete lepše i ugodneše. Drugo leto nam se pridružila i Đurina kčer Irena. Jedan mali raritet: obadva leta smo na godišnji putovali z autobusom jer smo još bili „sirotinja“ bez auta. Ništ nam ni falelo, putuješ z kuferima kak kufer i to za male nofce.
Prošloga sam tjedna krenul z prijeratnim godišnjima v Milni v prelepoj uvali „Kupinove luke“. Posle ratni „pohod“ na Brač i Milnu počinje u vrlo neobičnim, zapraf povijesnim vremenima. Đuro i ja smo sve več splanirali ali smo budno pratili kaj se događa na jugu Lepe Naše. Naime kolovoz je leta 1995. i svi pratimo kaj se bu dogodilo v Kninu i oko njega. Po završetku akcije „Oluja“ znali smo da sad moremo krenuti južnije od Zadra, prema Splitu i Braču. Verojatno je to bilo dva-tri dana iza akcije jer smo uz cestu sretali kolone ratnika na povratku svojim kučama ili pak kak se odmaraju za stolovima kafiča i ispijaju neko osveženje.
Na putu prema Braču svratili smo u Kaštele al ovaj put je to posve „nova ekipa“ koju sam moral privikavati na „dalmatinski spizu“ ali i na dalmatinski dijalekt. Upozoril sam kuma Franu i kumu Vinku da ne pokušavaju „prevoditi“ naš razgovor jer sam užival gledati kak Đuro i njezina kčer Irena grozničavo očekuju da im prevedem „kaj su to rekli“. Naravno da je i jelovnik bil čisto kaštelanski onak kak sam ga upoznal v nekim davnim danima moje „kaštelanske mladosti“.
Ova je ekipa zapraf nastavila prve dve godine našeg godišnjeg z prijeratnih vremena. Sve se ponavljalo kak i prije rata. Domačini su moj cimer Ljubo, njegova supruga Biba, Jozo i Jela, naš kučni ribar i prevoznik Roko a ja pak svako jutro „planinarim“ do Milne i natrag.
No jednoga se dana dogodila promjena v planovima za sledeči godišnji. Naime ja često srečem na kavi starog prijatelja Duška, takaj Podravkaša, koji nas je jednoga dana pozval na obed v „njegvu uvalu Osibovu“ na južnoj strani Milne. Dobro se sečam da je na jelovniku bila i tuna na žaru koju smo morali zalijati z dobro rashlađenom bevandom. I kaj da vam velim? Dopalo nam se, nismo mogli odbiti ljubazan poziv domačina i sledečih sedamnajst let smo bili „stanovnici“ Osibove.
Kak je to zgledalo dal sam več naslutiti prošli tjedan čez „podravski obed“ za Velku gospu na Braču al o neki divnim momentima svih tih let sledeči put.
Pondelek
Juha/Glavno jelo/Desert:
Verojatno bu i nekakvih ostanjki ili bum složil samo jednu bogatu šalatu koju sam spomenul prošli tjedan: paradajz, paprika, vugorki, luk. Malo octa i svakak koščično ulje. Stostajte šnitu-dve kruha i za desert ga potunjkajte v ostanjke tekučine.
Tork
Juha/Glavno jelo:Čušpajz od vugorki z kobasama
Desert: Vočna šalata ili morti bogati smuti?
Sreda
Juha: Koprova juha z fritatama
Glavno jelo: Musaka od krumpira, šalata od crvenoga zelja
Desert: Kaj vam paše: zdeni sok ili sladoled?
Četrtek
Juha: Prežgana juha z krutonima
Glavno jelo: Krmenadli na češnjaku, restani krumpir, šalata
Desert: Morti čaša pive?
Petek
Juha: Krem juha od mešanoga povrča
Glavno jelo: Pohani šaran, prilog od mešanoga povrča “ala sataraš” z dodatkom šake kuhanoga graha
Desert: To bu svakak iskalo nekakvu konkretnu tekučinu: recimo retki zdeni gemišt
Subota
Juha/Glavno jelo: Špagete milanez; delajte ih svakak na malo luka, češnjaka i sitno narezanoga pisanoga špeka.
Desert: Zdeni sok
Nedela
Juha:Juha od pilečeg sitniša ala anjgemahtec
Glavno jelo: Pohana piletina, rizibizi; ja ga bum malo obogatil z vrganjima
Desert: Štrukli od jabuki;
:(Još nema komentara