Kak morete videti ovih dana najemput su došle prestrašne vručine kak da smo sred leta a ne na početku. Moram dobro razmisliti kak ublažiti tih trideset i nekaj stupnjeva ali i kaj kuhati. Srečom kaj je na placu fakat ponuda više nego dobra i čovek puno toga more skombinirati.
Jedan ugodni vikend v goricama
Kak sam nedavno napisal ovo bu sigurno najmirneši lipanj kak se ja sečam. Svi ti negda zapovedani svetki i datumi čekaju neka druga, nadam se bolša vremena. No čovek si more napraviti nekaj intimneše i skromno za jedno malo društvance. Tak smo onaj prošli vikend odlučili napraviti obed za nas četvero: sestričnu Zvjezdanu, njezinu Jelenu, Đuru i mene. Zadnji smo čas rekli: idemo napraviti obed v goricama al nekaj jednostavno da se ne motamo puno po kuhinji. I verujte da smo se brzo dogovorili oko svega.
Zvjezdana i Jelena su napravile za predjelo friško frigane sardelice a mi malo domačih kobasi. Priznajte da je kombinacija za predjelo malo neobična. One su napravile šalate i kolača a mi smo donesli jednoga domačega piceka. Piceka smo dobro nasolili, narezali kojekakvo povrče, dobro začinili i sve hitili pod peku. Dobra vatra i za vuru i pol imate prefini obed.
Morate priznati da lepo zgleda i potvara apetit.
Znate kaj je sledilo? Ženski dio ekipe je ubil oko v ležaljkama ispod brajde a ja sam spružil stare kosti na krevetu v kleti. Morem vam reči da je temperatura v kleti v ovim vručim danima taman onak kak treba. Tek posle laganog popodnevnog dremeža Jelena je poslužila kolač a ja sam skuhal djevojkama kavu. Navodno da kuham dobru kavu: jaku z malo cukora.
Jedna je novost v našemu Draganovcu. Ovih smo dana vidli da radniki nekaj delaju po našem klanjcu al nismo mogli odgonetnuti o čemu se dela. Kad ono za koj dan saznamo da nam buju položili „asfalta“. Bilo nam je malo čudno da se tak nekaj dela pa sam onu reč asfalt del v navodnike. Onda doznamo z novini da se fakat nekaj tak dela al z nekakvom novom njemačkom tehnologijom. To i je i nije asfalt al je bitno ovo: više nam se nebu prašilo po našem putu. Kak v našem Mirnom dolu ima desetak kuča starosedilaca, a oko rata se doselilo i dost novih stanovnika koji su pokupovali malo bolše kleti, naši su komunalci morali nekaj napraviti za poboljšanje standarda življenja. Vele ljudi da nam je i porasla cena naših nekretnine. Mene to ne zanima jer ne razmišljam o nikakvoj prodaji.
Jedan ugodni vikend je ovih dana imal i moj pajdaš Joso na Krku.Veli da mu je dosta tih potresa v Zagrebu pa je na poziv kuma Imbre skoknul na Krk. I znate kaj mi dela? Obzirom da su v kuči koja ima balkon z pogledom na more, prenosi mi kakav ima pogled, kakva je temperatura zraka i mora i kaj sve njih dvojica delaju i kaj krkaju. Uglavnom su si dali truda i hitili se na čistu mediteransku klopu z naglaskom na ribama. Kak je ponuda plodova mora jako dobra od obroka do obroka samo menjaju vrstu ribe i način pripremanja. A da bi opravdali ono da riba mora tri put plivati pobrinuli su se i za dobru kapljicu. Barem Krk ne oskudeva z odličnim vinima.
Setil sam se kak je naš bend negda davno sviral v hotelu Park v Puntu a po vino smo odlazili do Vrbnika. Tam je naime baka jednoga našega konobara držala konobu i imala odličnu žlahtinu. Mi bi kupili malo vekšu količinu, rastočili vu flaše od litre i hladili v onim velkim hotelski frižiderima.Dok bi završili svirku i pospremili instrumente, čisto bi se opustili uz nekakvu malu zakusku i koju čašu dobro ohlađene žlahtine. Mogu vam reči da je to znalo i potrajati. A kam se je to nama žurilo?
Nadam se da ste ovih dana osim epidemiologa slušali i nutricioniste. Svi preporučaju, kaj ni nekakva novost, da se hitimo na lakšu hranu i na vekšu količinu tekučine. Doduše nisu rekli koje tekučine. Mislim da bu to dobro došlo nekima da povečaju dozu konzumacije pive i gemišta. Mi smo pak povečali količinu vode vu frižideru jer je voda z pipe fakat pretopla. Tak moremo piti čistu vodu ali i slagati si sokove od naših sirupa. Trenutno smo na bazgi, koprivi i aroniji. To su još zalihe od prošloga leta.
Ovaj se bum tjedan probal maksimalno držati lakše hrane.
Pondelek
Juha/Glavno jelo: Sataraš z malo više jajci
Desert: Voče; moremo birati između kruški, breskvi i višnji sve friško nabrano vu vočnjaku naših prijatela i rođaka
Tork
Juha/Glavno jelo: Čušpajz od krastavci i faširanci
Desert: Sok
Sreda
Obzirom da je danas na obedu Jan mora biti juha
Juha: Krem juha od karfiola
Glavno jelo: Mesna pita, zdela zelene šalate
Desert: Sladoled
Četrtek
Juha/Glavno jelo:Šalata od hrenovki/safalade, jajci i još nekakve zelenjave
Desert: Vočna šalata
Petek
Naruđba od Đure i Jana
Juha/Glavno jelo: Oslič ala bakalar; obično denem jedan celi blister filea od pol kile
Desert: Šnenokli
Subota
Imam dve varijante
V 1: Ak bumo doma onda buju samo kraljevski rezanci i nekakav sok
V 2: Ak bumo v goricama
Predjelo: svega pomalo
Glavno jelo: Mali roštilj (čevapi i ražnjiči) z dosta povrča
Desert: To znate i sami
Nedela
Juha: Juha od pilečeg sitniša
Glavno jelo: Zagrebački od pilečega filea i samo mešana šalata
Desert: Nekakav vočni kolač po Đurinom izboru
:(Još nema komentara