Morti se sečate da sam često znal pisati o lipnju kakti mesecu v kojem se nagomilalo jako puno datumi i svetki koje se nekak trebalo obilježiti. Trebalo je dobro splanirati da se pomiriju rođendani, imendani, proščenja i još kojekakve prigode. Ovo leto baš to i nebu tak naporno
Sred smo lipnja
Ovo bu verojatno najmirneši lipanj kak ja pamtim v zadnjih trideset i više let. Čak i za vreme rata je bilo više života v našim goricama nego bu ovo leto. Nije samo korona. Imamo i kojekavih drugih ne baš lepih situacija pa nas i nije volja. Prošli sam tjedan napisal nekaj o odgodi promocije knjige a tak bu i z obilježavanjem nekih drugih zapovedanih svetki i datuma v našoj klapi.
Prošli je tjedan bilo Antunovo kaj je velki svetek v Goli. Nismo bili al bumo otišli v Golu na Ivanje dok nam bu stari pajdaš Ivina imal imendana. Antunovo je i veliko proščenje pri fraterskoj cirkvi v Koprivnici al se bojim da bu i to jako skromno obilježeno. Bilo je tu i nekih imendana i rođendana v prvoj polovici lipnja al se sve završilo na telefonskoj čestitki ili sms poruki.
Jan je baš ovih dana sred mature i jedino kaj nam v predahu od štrebanja more dojti pokositi ili pošpricati gorice. Za vreme letnoga ferja moral bum z njim održati i krtaku poduku o stručnijih poslova oko loze i podrumarstva jer neko mora zameniti nas stariju generaciju. Naravno da mu bumo morali to nekak honorirati. Jest da mu kuham barem dvaput tjedno ala cart al pri toj deci z letima apetiti sve više rastu.
Naš mladi vincilir Jan v akciji.
Za one koji se ne razmeju baš preveč v gorice jedna mala poduka z vinogradarstva. Ovih dana je dobar dio loze v cvatu. Počele su najprije zobatice a baš danas sam videl da je krenula i graševina. Podravci bi rekli „baš se lepo kaže“ al moramo biti malo strpljivi. Najprije moramo videti kak bu odcvalo a onda čekati da nam se priroda smiluje i ne kazni nas z nekakvom salaukom tokom leta. Jedna stara podravska izreka veli:“Piceki se v jesen broje!“
E sad ima jedan datum kojega bi svakak šteli dostojno obilježiti. Naime tridesetoga lipnja naš prijatelj Atač navršava sedamdeset pet (75) let života. Letima smo to baš onak zapraf proslavili al nisam siguran da to moremo i ovo leto. No navek se najde nekakav izlaz.Tak je jedan predlog da sve te datume koje smo do sad preskočili ili se trebaju tek dogoditi, lepo objedinimo, zberemo jedan zgodan vikend i onak združenim snagama to obilježimo. Imamo jako puno iskustva oko organizacije kojekakvih fešti pa bu to jedna lepa prilika da malo zaboravimo na sve ove neprilike. Ak se sve to tak i ostvarimo Coolinaričari buju to sigurno prvi doznali. Naravno da nas mora poslužiti i vreme a ak se Vakulina prognoza obistini ovo leto bu jako sušno i toplo.
Verojatno mnogi od vas nisu ni čuli za jednoga sveca koj se zove Medardo. Naime v pondelek 8. 6. je bil sveti Medardo koj je za nas goričare i ostale poljoprivrednike jako važan. Moj kum Fjaka mi je još negda davno rekel jednu izreku njegvoga dede Jendraša koju pamtim i dandanas:”Kaj Medardo daje četrdeset dana traje”. Medardo je inače bil sin jedne plemičke obitelji koj se rodil tam negde oko 457-moga leta a več z 33 je postal biskup v Noyonu. Kum je na to jako pazil, zapisal v svoj kalendar goričkih radova i navek pratil kaj se događalo v tih četrdeset dana. Kolko se to baš tak i dogodilo nemrem baš z nekakvom sigurnošču reči. Tu proročansku rečenicu morete najti i na internetu v kojekakvim tekstovima a z njom se negda služil legendari metereolog Milan Sijerković. To če reči dragi goričari: Ak ste pratili vreme v pondelek morete zaključiti kakvo bu vreme pred vama i tak morete planirati svoje poslove v goricama.
Z jelovnikom imam ovih dana fakat slatke brige. Ima svega na placu, friški su piceki pospremljani v škrinju, trgovine normalno delaju. Malo dobre volje i malo mašte i nema problema oko sastavljanja jelovnika.
Pondelek
Juha/Glavno jelo/Desert:
Ak pogledate jelovnik od prošle nedele znate da bumo imali ostanjke z friškim prilogima i šalatom.
Tork
Juha/Glavno jelo: Pileči paprikaš, široki rezanci
Desert: Voče
Sreda
Juha/Glavno jelo: Čušpajz od poriluka z malo suhoga mesa
Desert: Zapečene palačinke sirom
Četrtek
Juha: Juha od bočinga; zakuhal bum rezance od palačinki koje su mi ostale od jučer. Kak i navek dok pečemo palačinke ostane koja pa onda narežem na rezance, osušim ih morem zakuhati v kojekakve bistre i krem juhe.
Glavno jelo: Kuhani bočing, kopar sos, pire
Desert: Sok
Petek
Juha: Krem juha od graha i mrkve
Glavno jelo: Frigane sardelice, grah šalata z crnim uljem
Subota
Ovo bu gorički jelovnik. Jučer sam od viška graha napravil
Predjelo: Paštetu iliti namaz od graha i dodal malo jegera ili špeka
Glavno jelo: Najverojatnije mali roštilj ili peka. Ovisi kolko nas bude i kaj bumo delali
Desert: V goricama nebi trebalo puno filozofirati oko deserta: gemišt, sok ili čista voda. Promena more biti samo ak Đuro odluči dan prije doma napraviti nekakvoga kolača. Pri kumu Fjaki ima i prekrasnih ceplenih črešnji.
Nedela
Juha: Povrtna juha
Glavno jelo: Zagrebački od pilečeg filea, fino varivo, zelena šalata
Desert: Štrukli od trešnji
:(Još nema komentara