A kaj da danas kuham? (467)

Inventura kulinarske literature

Ja sam vam ovih dana išel malo napraviti inventuru moje kulinarske literature. Imam jedan stari problem: kak to sve najti. Moram priznati da baš nisam bil jako sistematičan pa se kojekakvih kuharici i knjižica z receptima našlo posvakud. No ko išče taj i najde.Tu i tam se malo iznenadim z nekakvom knjižicom o hrani za koju nisam ni znal da ju imam.To me malo i razveseli. Pred dva tjedna sam spomenul onu Kishonovu knjigu „Jesti je moje najdraže jelo“ na kojoj vežbam malo njemački al sam nekaj važno zaboravil. Evo o čemu se dela.

Da bi to malo pojasnil  Kishon je dodal i jedan podnaslov knjigi koj glasi: Sakupljene satire o drugoj najljepšoj stvari na svetu! Malo me samo malo muči kaj on misli pod prvom najlepšom stvari na svetu? Ja imam i tu rešenje samo nisam baš siguran da se Kishom i ja tu slažemo. Na početku te zanimljive knjige z jako duhovitim pričama autor je citiral Sokrata i ovu njegvu izreku:“Čoveku moreš sve zeti, njegov posjed, njegvu slobodu, čak i njegvu čast. Samo jedno ne- to, kaj je pojel!”

E sad. Ja bi vam rado prevel kaj v toj knjigi sve piše al moram priznati da je to za mene ipak malo prezahtevan posel. No tu mi je sam Kishom pomogel. On vam je naime naslove svih poglavlja v knjigi najavil v obliku jednoga jako bogatoga “jelovnika” kak to ima svakinormalan restoran. Nadam se da vam bu jako interesantan i duhovit.

Aperitiv

• Nema špinata za staretinara
• Kakao kao generacijski konflikt
• Želudac čezne za domovinom
• Daj majmunu šečera
• Čovjek vidi crveno
• Psihologija u obliku pereca
• Neobjašnjiva magija lubenice

Predjelo

• Epidemija ekspresnog lonca
• Neželjene orgije klipiča/slanci
• Pet zvezdica za posljedni obrok robijaša
• Vočne šalate su opasne
• Umjetnica emancipacije
• Nakon istočnoga greha
• Mamurluk u plavom

Juhe

• Prvoređenac kao posebna ponuda
• Glavica zelja sa smislom za humor
• Bijeg faraona
• Jaje na biciklu
• Kulinarski trač
• Gutač vatre voli juhu

Glavno jelo

• Kad padne žlica
• Kuhinja kao stambena zajednica
• Trijumf hrabre muhe
• Igra šišmiša
• Željno očekivani osmjeh konobara
• Kad vura otkucava
• Servis uračunat
• Dar za četveronošca

Desert

• Koraba uzvrača udarac
• Slatki plodovi masaže
• Tutifruti od špageta
• Kolanje složenca
• Ciganski šnicl na “način tuđe supruge”

Sir

• Maraton dobročudnosti
• Roštiljanje jedne supruge
• Restoran sveta Helena
• Samoposluživanje na račun kuče
• Strategija  socijalne banane
• Stereo čir
• Sam protiv mafije

(*Oprostite mi za eventualne pogreške v prevodu)

Ak ste bar malo potkovani z njemačkim jezikom nabavite pod hitno ovu knjigu jer nažalost ova nije prevedena na hrvatski. Nebute zažalili je kak veli Kishon, antropolozi su več davno utvrdili da je jelo najstarija ljudska navika.  A kak to ovaj čuveni židovski pisac z mađarskim korenima lepo opisuje prava je poslastica za čitati.

No imam jednu kuharicu od našeg poznatog intelektualca od kojega se čovek nebi nadal da bu napisal tak nekaj. Zapraf su „Bračnu kuhinju“ napisali  Igor Mandić i njegva supruga Slavica i dali v podnaslovu dve zgodne rečenice: „Preko trepeze do postelje i obrnuto“ i „Kuhajte ljubeći se, ljubite se kuhajući“.

Priznajte da su ove dve rečenice baš kak skrojene za ovu našu današnjicu. Zapraf je to drugo izdanje al me ono prvo nekak štrajfalo. Sama knjiga nije nekakvo preveliko iznenađenje, nije nekaj „revolucionarno“, al je očito napisana z puno ljubavi. I praktična je jer na jednom mestu imate sve kaj bi rado pojeli ili skuhali. Igora sam kak gurmana zapamtil pred dost let dok je v jednom intervjuu izjavil kak obožava fileke iliti tripice. Jako mi se to dopalo jer i ja spadam vu velike zaljubljenike vu fileke na sve moguče načine.

No štel bi vam tu spripovedati jednu anegdotu vezano za ime Igora Mandića, našega poznatoga i priznatoga pisca, polemičara ali i gurmana.

Pred neko vreme sam bil pozvan na rođendan jednom prijatelu i našel se pred poznatom dilemom: kaj mu pokloniti? Ja to inače  rešavam manje više na isti način: kupim nekakvu knjigu. Knjige kupujem i sebi za rođendan pa zakaj nebi i prijatelima. Našel sam se v knjžari z „milijardu naslova“, teško mi se bilo odlučiti kad mi oko zapne za ime Igor Mandić i naslov Prijapov problem, „Vulgarni eseji ili eseji o vulgarnosti“. Dok sam došel doma, krenem zamatati poklon al mi vrag ni dal mira pa sam išel malo prelistati sadržaj. Ljudi moji imal sam kaj i videti. Očekival sam tak nekaj al je ovo bilo malo više od očekivanoga. Naime naš se Igor upustil v pisanje eseja o našim najintimnijim delovima tela i o kojekakvim tabuima vezanih za našu intimu. I kaj da ja sad delam? Nemrem baš tu knjigu pokloniti  prijatelu mojih leta koj osim toga ima i jako strogu ženu. Kaj si bu ona mislila o meni i mojemu poklonu. Srečom kaj sam imal doma jednu čisto novu knjigu koju nisam još stigel prečitati. V nju bum napisal posvetu a sebi bum tu istu kupil prvom prilikom.

A jelovnik za ovaj tjedan? Ništ novoga. Koristil bum naše zalihe z frižidera i škrinje.

Pondelek

Juha/Glavno jelo: Kisela juha od pilečega sitniša i gljivi
Desert: Našel se bu nekakav kolačič

Tork

V škrinji je Đuro držala još nekaj kiseloga zelja pa bum danas skuhal
Juha/Glavno jelo: Sekeli gulaš i dodal bum samo malo slanoga krumpira; Ostala je još glavica zelja za jednu sarmu. Z tim rešavam navek dva obroka. Pritopljena jela z kiselim zeljem su navek bolša drugi dan.
Desert: Biskvitna rolada z pekmezom

Sreda

Juha: Jedana Podravkina z vrečice
Glavno jelo: Pohani mesni doručak, pomfrit, kiseli krastavci; verujte da to nisam kuhal letima. Našel sam doma jednu konzervu doručka i za Đuru i meni je to čist dost za jedan obrok.
Desert: Jedan zdeni Pan

Četrtek

Juha/Glavno jelo: Prisiljeno zelje z paradajzom; da dobim malo na kvaliteti podinstal bum malo junečega mesa
Desert: Nekakvo voče ili sok

Petek

Juha/Glavno jelo: Grah zeljem; ostalomi bu onoga finoga zelja od sekelija pa ga bum oženil z šakom-dve graha
Desert: Kuruzna zlevanjka

Subota

Juha/Glavno jelo: Kajgana, zelana šalata; da nebu pazna bum narezal malo špeka
Desert: Lagani gemišt

Nedela

Juha: Juha od junečih kostiju; ono malo mesa bum iskoristil za toplo predjelo
Glavno jelo: Pohani krmenadli, pekarski krumpir, šalata od friškoga zelja
Desert: Kifli z pekmezom