A kaj da danas kuham? (456)

Priča o jednoj „purici“

Kak sam i rekel da sam v kuči glavni nabavljač namirnica za kuhanje. Doduše moram nekaj priznati. Ja volim kupovati samo ono kaj mi treba za „slani“ dio jelovnika: meso, ribu, povrče, testenine, začine i slično. Sve oko „slatkoga“ jelovnika prepuštam Đuri. Kak znate zadnjih par meseci kak čuva vnuku Tiu manje peče kolače al se negda raspištolji pa počne peči kolači i v deveti vuri navečer. Valda ju malo peče savjest kaj to ne dela redovito sredom i petkom dok dolazi Jan ili ono kaj je normalno v nedelu i zapovedane svetke. Tak je prošle subote navečer išla peč jastuk-tortu da nas malo podmiti. No ovaj se put zmešala i v nabavu mojega „asortimana“. Neki dan vam veli ona meni:

„Čuj. Zvala je Slava (naša prijateljica z Gole) i ponudila mi da z njom kupimo pol purice.“

Nisam to zel preveč za ozbiljno jer mi vam puricu ne kupujemo več letima. Osim toga ak več kupujemo kaj bumo z pol purice. No v subotu veli meni Đuro da moramo skoknuti do Gole jer je Slava nabavila „puricu“. Da bu mir v kuči idemo mi po tu puricu pa ju bu več neko pojel. Meni je inače več desetlječima bilo dost da pojedem puricu z mlincima jemput godišne na Štefanje pri mojem pokojnom pajdašu i rođaku Pepeku. Tu i tam sam ju pojel na nekom poslovnom obedu da nebum nekakva iznimka.

Dojdemo mi v Golu, Ivina me ponudi z gemištom i veli:“Odi da mi dva sredimo tu puru?!“ Mislil sam da me zafrkava jer još nisam čul da dva muškardina trebaju savladati jednu „puricu“.

Kad ono dojdemo mi v komoru a ja mesto purice vidim „noja“! Kaj je to sad? Iznenađenje! Čista prevara. Vidim čak da je i Đuro razrogačila oči od čuda. Ta vam je „purica“ imala 22 kile čiste vage bez iznutrica. A kaj bi tek bilo da je bil puran? Imali smo Ivina i ja fanj muke dok smo ju nekak uspeli raslopoviti na kolko-tolko jednake polovice. Fakat sam bil srditi na Đuru kolko se god opravdavala da ni ona ni znala kaj je to za „puricu“. Donesli smo ju doma a kak sam još navek bil „uvređen“ kaj se zmešala v moj posel z nabavom, samo sam joj tu polovicu spandlal na poveče delove a ona si je onda sam rezala šnicle i spremala porcije za kuhanje. Jedino kaj moram priznati: od takve polovice „purice“ fakat ima puno mesa. Kaj sad od toga svega pripremati to bumo tek vidli. Mislim da bum češče surfal po Coolinariki da pronajdem recepte za takvo meso.

Kad smo več pri puretini evo jedne anegdote z purečim fileom.

Svojedobno sam vam ja delal v Karlovcu v jednoj autokuči a odsjeli smo Đuro i ja  v jednom privatnom novouređenom hotelu. Prepustim ja Đuri da zbere kaj bumo večerali i mirno čekam. Predjelo je bilo nekakvo standardno a za večeru fura konobar puno toga na kolicima. Dene on pred nas one moderne ogromne tanjure ali pokrite z oni velkim poklopcom. To pri čoveku izazove znatiželju i velko očekivanje. Dok je digel poklopce vidim ja „šlapu“ od šnicla z kojekakvim prilogima. Zaželel nam je dobar tek i mi krenemo. Dragi moji Coolinaričari. To vam je bil jedan prestrašno velki ali suhi pureči file na roštilju. Đuri je bil odličan a ja sam ga jedva savladal i na to popil par čaši vina z čiste potrebe. I žeđi naravno.

Več v prošlu nedelu smo na obed zvali sestričnu Zvjezdanu i Atača jer oni su od onih kaj vole sve moguče fileje. I to pohane. Ja sam kuhal juhu i priloge a Đuro se hrvala z pohanim filejima. Dok imamo tak nekaj, moreju to biti i krmenadli, šnicli ili pileči fileji onda imamo jednu posebnu pripremu takvoga mesa. Dan prije napravimo ovo:

Meso se nasoli i povegeta, doda se malo tople vode, malo ulja i senfa. Sve se to dobro „zamesi“ da se meso totalno nasafta, dene v odgovarajuču posudu z poklopcom i dene da odstoji prek noči ili bar dve-tri vure prije paniranja.

Dok je to friško pečeno i onak lepo toplo jako je ukusno. No kaj se mene tiče teško ga je malo v tek pojesti dok se ohladi. Najbolje ga je narezati i zmešati z nekakvom mešanom šalatom. To sam negda prije več i delal i vama preporučil.

Znate da sam nedavno rekel kak se moram vrnuti posle svetki zimskome jelovniku i to bum i napravil ovih dana. Još sad ima nekaj kiseloga zelja, ima kojekaj od kolini v škrinji pa sve to treba potrošiti. Nebum valda te zimske delicije spremal v srpnju. Ima još jedan razlog. Dok recimo delate sarmu, sekeligulaš ili hladnetinu, imate obed za bar dva dana. Ili za jedan dan ali količinu podelite deci ili prijatelima.

Moram vam se na nekaj „požaliti“. Kobasice sam delal negde tam polovicom prosinca, dal ih posušiti i obesil. Znate kaj se događa? Nema vetra, nema prave zime i te su kobasice furt mefke i teško se režu. Več sam pomislil kak sam nekaj zaribal v „proizvodnji“ kad ono svi mi se pajdaši jadaju da imaju iste probleme. Tolko je vlage v zraku da bu prošlo još barem desetak dana dok bumo mogli kobase tanko rezati na daščici. To mi je posebni gušt.

Pondelek

Juha/Glavno jelo/Desert: Mislim da bu kak i inače v pondelek: ostanjki od jučer jer je šteta hranu hitati

Tork

Juha: Koprova juha z rezancima; neki sam dan našel v dučanu Podravkinu vrečicu ze suhim koprom pa bum malo eksperimentiral
Glavno jelo: Svinjska jetrica na naglo z dost češnjaka, hajdiska kaša, cikla
Desert: Dobar bu i nekakav sok ili kompot

Sreda

Juha/Glavno jelo:Krvavice z dinstanim zeljem i restani krumpir; v Podravini neki delaju sekeli z vrhnjem al meni ne paše. Ak nemate krvavice more te ih zameniti za pečenice
Desert: Bela zlevanjka

Četrtek

Juha/Glavno jelo: Musaka od krumpira, nekakva šalata
Desert: Puding

Petek

Juha/Glavno jelo: Grah z repom i suhim mesom; jedna svinjska nogica tu navek dobro dojde
Desert: Palačinke z pekmezom a more i zapečene sirom

Subota

Juha/Glavno jelo: Domači rezanci z orehima/makom
Desert: Voda, sok ili nekaj treče kaj vam paše; doduše more mi se dogoditi da nekaj iskrsne pa bum moral menjati jelovnika. Bum posegnul za nečim v škrinji. Meso tak i tak nesme dugo biti v škrinji.

Nedela

Juha: Juha od junečih kostiju
Glavno jelo: Filana teleče prsa, pekarski krumpir, šalata od friškoga zelja
Desert: Štrukli od jabuki; jabuke nam strašno brzo propadaju pa ih moramo iskoristiti