A kaj da danas kuham? (448)

Gastronomija ispred psihologije

Priča je stara a pri meni je bila nekak prepoznata pred otprilike devet let.Čim sam otišel v penziju počel sam zmišljati kaj bum sve delal i z čim bi se čovek mogel bavitida održinekakav kontinuitet aktivnosti. Več vam je poznato da sam uključen v kojekaj a jedna me stvar baš počela interesirati: da počnem nekaj pisati. Onda vam je to ovak zgledalo.

Najprije sam otišel v naš „Glas Podravine i Prigorja“ i predložil tadašnjem glavnom uredniku suradnju. Pital me je da o čemu bi ja to pisal a ja sam rekel da sam psiholog, da delam to i to i da bi štel pisati o poslovnoj psihologiji. Rekel je nekaj ovak:“Ha čujte. To je v redu alo to vam ljudi baš i ne čitaju. Imate još nekakav predlog?“ Onda sam predložil da pišem priče s tjednim jelovnikom i na to je mam pristal. Uglavnom: za te novine sam napisal oko 300 tekstova na temu „A kaj da danas kuham?“, jedno 110 tekstova na temu „Poslovne psihologije“ i još jedno pedesetak tekstova v mojoj kolumni „Kaj reči sam vam štel!“. I znate na kaj je bilo reakcije? Samo na onu prvu kolumnu. Čitatelji, zapraf čitateljice, su me zastavljale v trgovini, na placu, na pošti pa i na vulici i pitali:“Kaj bumo danas kuhali?“ ili „Kak se kuha ono kaj ste predložili za obed v četrtek?“.

Nekak v isto vreme počel sam pisati i ovaj blog i vidite do kud sam doteral? Nisam mogel ni slutiti da bum doteral do 100 tekstova a evo več jurim prema broju od 500 tekstova i jelovnika.

U našoj knjižnici „Fran Galović“ imal sam v protekla dva leta predavanja na temu i gastronomije i psihologije. I več pogađate: na teme z psihologije je došlo jedno petnajstak ljudi a na gastronomiju su došli i oni kaj neznaju skuhati niti juhu z vrečice do onih kaj su se došli malo okrepiti. Naime na onim prvim predavanjima nema nikakve klope a na ovim drugim navek ima nekaj za prigristi i za popiti. Razgovor i mudra rasprava o gastronomiji se razvije tek nakon predavanja z čašom v ruki. I verujte da me to ni ne čudi. Ljudi su ipak društvena biča a čaša vina jako unapredi kvalitetu razgovora.

Onda vam se dogodi sledeče kak ti potvrda ovoga mojega „velkoga otkriča“. Negde pred par meseci javila mi se profesorica Mirjana Krizmanić poznata komentatorica nekih događaja i pojava v našoj svakidašnjici. Morti ju poznate po njezinim knjigama koje objavljuje v ritmu od jedne knjige svako leto na temu jako prihvatljive popularne psihologije. Čuli ste sigurno za „Tkanje života“ ,Jesenji valcer“ i slične naslove njezinih knjiga  koji lepo na jedan prihvatljiv način pojašnjavaju neke životne situacije. Kak smo ona j i ja tu i tam razmenili poštu  v jednom e-mailu mi je predložila da se pridružim ekipi psihologa koja bi zapisala svoja iskustva na temu gastronomije. Naravno da sam pristal obzirom da sam do grla v toj priči. Tak sam vam ja poslal dva teksta v kojima sam zapisal dva „moja recepta“ za koje znam da su jako dobro prihvačeni v krugu mojih prijatela. Moram priznati da sam ja na to več i zaboravil kad eto mi prošli tjedan  mail z ovakvom porukom:“Poštovani kolega Ferenčak molim vas da mi pošaljete vašu kučnu adresu da vam pošaljemo knjigu!“ To če reči da je profesorica Krizmanić marljivo delala na toj knjigi. Prikupila dost zainteresiranih psihologa i njihove priče i knjiga je ugledala svetlo dana. Verujte da sam jako znatiželjen i uzbuđen i jako nestrpljiv da vidim kak je to ispalo. Kaj vam to ni još jedan dokaz da je gastromonija ispred psihologije? V mojoj zbirki kojekakvih kuharici to bu još jedan raritet. Naravno da vam bum o toj knjigi nekaj napisal čim ju prelistam i vidim kaj su poštovane kolege to sve zapisali na tom za njih hobi području.

I još jedan mali prilog razmišljanju na tu temu. Probajte se setiti kolko ima na tv-u, v novinama ili internetu tema z gastronomije a kolko z psihologije? Nema tv kanala koj nema nekakav gastro-šou. Otprite bilo koj portal i sigurno bute našli kojekakve preporuke i recepte kak dobro i zdravo kuhati i jesti. Doduše ima i slučajeva da se gastronomi, a posebno nutricionisti, totalno razijdu v preporukama oko kvalitete namirnica. Tak jedni nekaj toplo preporučaju a drugi baš to proglase za jako „štetnu“ namirnicu. Psihologiju pak morete najti eventualno v emisijama za stare ljude ili nekaj malo za decu. Nekak mi se čini da je omjer 80:20 za gastronomiju.

Ovi dani do kraja leta su mi fakat jako dinamični ze svim mojim „poslovnim obavezama“ i, kraj ovih naših kojekakvih  obiteljskih obaveza, bum imal dost problema da sve to stignem napraviti kak bog zapoveda. Znate da mi je poseban problem za koga, kaj i kad skuhati. Ima nas na sve strane. Srečom kaj je završil štrajk prosvetara pa barem znam kad na obed dolazi Jan.

Pondelek

Juha: Prežgana juha z jajcima; dobro bu doška kakti promena
Glavno jelo:Ostalo bu kuhanih kobasa od rođendana pa bum na Đurinu molbu složil  francuski krumpir
Desert: Znate da ima i kojekakvih kolači od rođendana

Tork

Juha: Krumpirova juha
Glavno jelo: Pečenice z dinstanim kiselim zeljem
Desert: Puding

Sreda

Na današnji dan imam predstavljanje svoje knjige „Ko to ne voli Podravce?“ i nebum imal preveč vremena za kuhanje. Bum složil nekaj na brzinu.
Juha/Glavno jelo:Rezanci z makom
Desert: Nekakav sok

Četrtek

Juha: Juha od piletine z kašicom
Glavno jelo:Kuhana piletina, pire, sosparadajz
Desert: Morti samo mandarine?

Petek

Juha/Glavno jelo: Rižoto od lignji z puno parmezana, cikla ili nekaj slično
Desert: Lagani gemišt

Subota

Ak bu sve kak sam se dogovoril z mesarom danas su koline pa bu i takav jelovnik
Predjelo: Naglo pečena jetrica z češnjakom i turšija; bum dodal i par falačeci naglo pečenoga friškoga mesa
Glavno jelo: Najprije kolinjsko zelje pa onda pečene krvavice, čurke i kobase;
Desert: Za deserti bi mogli biti čvarki i ak bu Đuro pri volji morti dobimo i salenjake

Nedela

Znate več kaj ide posle kolinja
Juha/Glavno jelo: Kolinjsko zelje od jučer; znate ono staro pravilo: kolinjsko zelje i sarma su najbolši dok se triput pritopiju
Desert: To bu Đurina briga