A kaj da danas kuham? (439)

Dobili smo još jednu vnučicu

Kak morete videti z tjedna v tjedan pri nama se nekaj događa ili da bum precizneši pri nama v Draganovcu se stalno nekaj događa. Mirni dol 24 je ove jeseni baš oživel i to ne samo zbog berbe gorici nego i zbog kojekakvih drugih važnih događanja. Na svu sreču do sad nas je vreme baš lepo poslužilo pa nismo morali biti samo v kleti. V kleti se blaguje a na podolju se uživa na friškome zraku.

Daklem ovak. Đuro je dobila peto unuče pa sad ima tri vnučice i dva vnuka. Znala se često zbuniti i pobrkati imena a od sad mora malo vežbati i popamtiti sva imena. Srečom kaj deca imaju uglavnom kratka imena jer je to kakti sad v modi. Bum ih nabrojil po starini: Jan, Viktorija, Vita, Rafael i Tia. Do sad ste uglavnom od mene mogli čuti kak spominjem samo Jana obzirom da je on svaki tjedan kakti redovito sredom i petkom pri nama na obedu. Ostale klince baka redovito posečuje dok sam ja zadužen za deteče rođendane ili slične prigode. Morti vas malo buni kaj spominjem samo Đurine vnuke a ne „naše vnuke“. Naravno da sam i ja tu al je neko rekel dok se rodil Jan da sam ja „kvazi deda“ jer sam ja Đurin drugi muž kak i ona meni druga žena. To vam tak nekak i dojde al verujte  da klinci to baš ne razlikuju jer su uglavnom rasli kraj „bake Seke i dede Ivana“. Stalno ih vučim da je baka „baka Đuro“ al svi uporno i dalje baku zovu „baka Seka“.

Ovak vam je to zgledalo prošle subote dok našu vnučicu Tiu dildikaju baka Đuro i deda Ivan

No da prejdem na krstitke. Prva je ideja bila da Đuru i mene roditelji Irena i Goran ne koriste kakti kuhare jer imamo nekakve zdravstvene probleme pa „nas nečeju opterečivati z tak velkim poslom“. Radilo se o tridesetak gostiju.Kaj odraslih kaj dece. Ideja je bila da taj dan zemeju ketering. To vam je bila jedna „prelepa cifra“ za jelo i to bez aperitiva, pijače, kolači i kave. Onda smo rekli da nek prepustiju organizaciju baki i dedi jer imamo fala bogu ogromno iskustvo oko sastavljanjka jelovnika, nabave namirnica a da se o realizaciji i ne govori. Da smo nekaj mlađi mogli bi otprti i restoran koj nebi imal konkurenciju v Koprivnici i okolici.  I krenuli smo v akciju.

Naš mesar Tomo je dobil listu potrebnoga mesa, na koprivničkom placu smo pokupovali sve dodatne namirnice i lepo se dogovorili ko je za kaj zadužen. Za pojačanje smo pozvali Đurinu sestru Violetu koja je navek od velike koristi i pomoči v takvim situacijama.

Sve vam je to skup ovak zgledalo.

Roditelji, kuma i ostala znatiželjna rodbina je imala svoj protokol oko krštenja koje se obavilo v Močilskoj crkvi na periferiji Koprivnice. Tam več letima stoluje svečenik Leonard Markač v jednom goričkom ambijentu. Naime iznad te crkve su od navek gorice stanovnika Koprivničkog Ivanca od kud je i moja pokojna mama.

Mi radnici smo imali svoje obaveze več od osme vure v jutro. Ak imate tolko ljudi na obedu treba se fakat pobrinuti da sve bude na vreme. Goste smo očekivali oko podneva. Kaj smo mi to sve pripremili naši gostima? Naravno da smo za tu priliku napravili nekolko sledova ili kaj bi ugostitelji rekli gangova.

Doček  gostiju:Na stol ispod brajde smo deli jednu košaricu punu grožđa: bele plemenke i kardinala. Z iskustva znam da si ljudi vole z aperitivom pozobati koje zrno grožđa.  

Aperitiv: Deli smo na stol tri vrste rakije (šljivovicu, kruškovaču i podravsku travaricu), metaksu ( ko li je samo to donesel v klet?), domaći pelinkovec i višnjevac. Verujte da se onak z nogu z štamprlom rakijice v ruki navek ljudi lepo pospominjaju i upoznaju. Bilo je i ljudi koji su bili prvi put pri meni v kleti.

Predjelo: Domača šunka, pašteta od pilečih jetrica, kozji friški sir, jedan tvrdi dimljeni kravlji sir z  češnjakom i vlascom, zelene filane masline, kiseli kornišoni, tostani francuz i puterštangice. Deca su uglavnom navalila na paštetu a odrasli na konkretno.

Juha: Juha od bočinga z dodatkom bogatih junečih kostiju, zakuhana z leberknedlima i domačim sitni rezancima.

Toplo predjelo: Kuhani bočing, sos od hrena i kopra, kuhano povrče z juhe.

Glavno jelo: Ponovil sam jednu varijantu jela z moje berbe: cela pečena svinjska lopatica z kožicom i rolada od carskoga mesa. V jedan protvan od pečenja smo uvalili krumpir a v dugi njoke i blago ih zapekli. Dali smo i dve vrste šalate: zelenu i friško zelje. Moram vam nekaj reči: pečenje v peči na drva je čist nekaj drugo nego doma dok pečem na struju.

Desert: Rekli bi Podravci da je bilo kolača „kak na Božić“.  Kak se zovu moral bi pitati kumu male Tie Ivanu jer se ona pobrinula za taj dio ponude. A da je bila i torta to i vi znate. Kaj je bil moj zadatak v desertu? Pokazal samo mlajšima z koje bačve trebaju nositi vino i gde se hladi, mineralna, piva i sokovi. Niste valda mislili da sam ja na taj da bil fiškuš? Moje je zadatak bil i skuhati rundu kave.

Kakti posluga su uskočile mlajše ženice kojima ni teško nositi zdele i tace z hranom.

I da se vrnem na na troškove. Sve ovo kaj sam nabrojil, i sve ono kaj je ostalo, koštalo je otprilike trečinu od predviđene cele keteringa. O kvaliteti da i ne govorim. Je da su nas drugi dan malo bolele naše postareše nogice al je to ipak jedno veliko zadovoljstvo.

Verujte da sam ovaj tjedan malo v „brigi“ kaj kuhati. Malo smo zasičeni od ovoga učestaloga blagovanja a moram vam reči da je i dosta toga ostalo od berbe i krstitki kaj smo morali potrošiti sledeče dva-tri dana. Moja je mama znala reči da je „grehota božja hitati hranu. To ga se i ja od navek držim.

No kak je jesen znate da je obilje svega pa mi nebu teško prilagoditi jelovnik za ovaj tjedan.

Pondelek

Juha/Glavno jelo: Krem juha od mešanoga povrča z rižinim rezancima; nadam se da razmete zakaj tak skromno
Desert: Kolač od jučer

Tork

Juha: Jedna Podravkina z vrečice
Glavno jelo: Omlet šunkom, zdela šalate; za omlet koristim onaj sitniš od šunke koj se nesme deti na tacu pred goste
Desert: Samo zdeni sok

Sreda

Juha/Glavno jelo: Junetina v saftu z domačim širokim rezancima
Desert: Šnenokli

Četrtek

Juha/Glavno jelo: Složena od povrča z malo nekavoga mesa; koristil bum „obreske“ od bočinga i plečke.
Desert: Nekakva vočka

Petek

Juha: Juha od škarpine
Glavno jelo: Škarpina i  kuhani krumpir na putru
Desert: Čaša vina za mene i desert za Jana kojega bu zbučkala baka Đuro

Subota

Juha/Glavno jelo: Špagete karbonara
Desert: Verojatno nekakav sok ili malo voča

Nedela

Juha: Lagana kokošja juha z kašicom
Glavno jelo: Kuhana kokica, pire, sosparadajz
Desert: Štrukli od jabuki