Ovi sam dana doživel jedno lepo i ugodno iznenađenje. Nakon skoro dvajst let sam ima prilike pak sresti čoveka z kojim sam lepo surađival oko trideset let al su nam se nekak putevi malo razišli sve do prošloga četrtka. Dok vam se tak nekaj dogodi nigda kraja priči.
Iznenadna posjeta prijatelja i suradnika
Bila je 1970-ta, bil sam pripravnik z jedva mesec-dva dana staža dok sam se priključil kakti psiholog timu za izbor novih suradnika širom bivše države. Prvi je put bil v Beograd i Novi Sad i mam za tjedan dana v Ljubljanu. E baš v Ljubljani počinje jedna duga poslovna suradnja pa i prijateljstvo. Čovek se zove Andrej Zeme. Kak i ja i on je bil friški Podravkaš z možda mesec dana većega staža od mene. V jednom restoranu v centru Ljubljane birali smo degustatorke za celu Sloveniju i verujte da smo se toga događaja setili i ovaj put makar je od toga prešlo punih 49 let. V međuvremenu se puno toga događalo. Ja sam bil i vu vojski v Ljubljani, v Sloveniju sam poslovno putoval jako često kak Podravkaš al bome i kak vanjski suradnik Podravke. Dogodilo se pak da i moji današnji prijatelji Tonč i Davor, takaj Podravkaši, budu direktori Podravkine firme v Sloveniji pa i oni dobro poznaju našega Andreja. Ja sam zadnji put v živo Andreja videl nekak na svojemu zadnjemu putu po Sloveniji dok sam od njega dobil jedan poklon kojega imam i do danas. V to je vreme Andrej bil član nekakvoga sportskoga društva i v trenutku dok smo se pozdravljali setil se da v bunkeru ima hrpu novih tenisica. Dal mi je da si zberem jedne mojega broja i da znate: kvaliteta tenisici je vrhunska. Je da ih baš ne nosim svaki dan al sam si za ovu priliku baš njih obul da Andrej vidi da ga nisam zaboravil.
Stalne veza su Andrej-Tonč i svaki razgovor završava otprilike:“Čuj se morti dobimo?“I nakon ohoho let „smo se dobili“. Ovaj put se nismo našli v mojoj kleti nego pri Tonču koj je na udaljenosti od kakvih 200 metri od mene. I nebute verovali: ja čak nisam niti pripremal ništ za klopu. Kak sam ovih dana malo „blesiran“, imam problema z kolenom, svu brigu oko jelovnika je preuzel Tonč kak domaćin.
Vertojatno morete pogoditi kak je tekel razgovor? Sve je bilo v znaku: „gdje je ovaj, gde je onaj, jel živ ovaj ili se sećaš dok smo bili…“ Tako vam je nekoč bilo su bile teme celoga našega dugoočekivanoga susreta.
Andrej je inače jedan vrlo nemiran duh i makar je napunil 74 još je navek jako aktivan i neprestalno je v pokretu. V Podravki je počel kak trgovački putnik, postal direktor prodaje i na kraju direktor Podravkine firme za Sloveniju. No kak i mnogi od nas starih Podravkaša i on je v jednom trenutku poiskal svoju poslovnu sreću na slobodnom tržištu.
Za vreme našega druženja tam sedamdesetih i osamdesetih najviše naravno pamtim naša druženja nakon posla v nekom od odličnih ljubljanskih restorana. Boljega vodiča kroz ljubljansko ugostiteljstvo od Andreja nisam mogel ni zamisliti. Dvojica ljudi koji imaju podjednake gastronomske ukuse se jako lako i brzo slože oko izbora jelovnika ali i izbora božje kapljice. Bilo je samo pitanje kapaciteta. Naravno da vam sad nebum nabrajal sve te slučajeve al dva štikleca i dandanas rado spominjem. Prvoga sam već jemput davno opisal al vas bum podsetil. V restoranu „Jernej“ smo jemput za predjelo dobili govedinu z hren sosom kaj meni ni bilo baš bogznakaj. Meso je bilo „jako suho“ pa sam štel nekaj bolje z nekakvom „žlundricom“. Andrej je pozval konobaricu i prosil ju da mi pokaže v kuhinji ono „malo slabše meso“. I fakt. Dobil sam pristup v kuhinju gde je bila hrpa toga „slabšega mesa“ koje je personal valda ostavil za sebe. Znaju i oni kaj je dobro. Dok sam došel za mesec-dva pak v taj restoran ona me je konobarica pozdravila:“Dober den gospod žlundrica“. Ovaj sam put dobil ono kaj sam i očekival.
V Sloveniji je svojedobno svaki malo bolji restoran držal na jelovniku „žrebičeka“. Kak se to meni jako zdopalo Andrej mi je v dva navrata sredil da si odnesem meso i za doma. Jemput sam to dobil v restoranu a drugi put pri jednom poznatom ljubljanskome mesaru. To vam je delikatesa. Sečam se da su na mesoreznicu mogli narezati jako tanke šnicle koje morate samo ostaviti prek noći v marinadi i onda ih naglo speći na roštilju ili tavi. Ne treba vam par sekundi z jedne pa z druge strane. Za poklonike toga mesa informacija: more se kupiti na zagrebačkom Dolcu ili vu Varaždinu pri poznatom mesaru Šanjeku.
Kaj nam je Tonč pripremil kak domaćin? Moram priznati da me je malo iznenadil obzirom da ga nigda nisam videl „z kuhačom v ruki“. Poslužil nam je za predjelo Podravkinoga jegera z paprikom i paradajzom a za glavno je spekel mešanoga roštilja. Za njega kakti kuhara više nego dobro. Posebno priznanje za hrabrost kaj je roštilja pekel v sred bela dana po zvizdanu. Svaka čast. Čak je poslužil i desert: mađaricu. Naravno da je bilo i gemišta i njegovoga čuvenoga portugisca.
I tak reč po reč, zalogaj po zalogaj, gutljaj po gutljaj i tri-četri vure razgovora je prešlo kak tri-četri minute. Naravno da smo dobili poziv za posetu Sloveniji a dali smo si obećanje da nebumo dozvolili da pak prejde tolko let do novoga susreta.
Moram vam još nekaj reči. Andreja već letima prosim da z menom razgovara na slovenskome jer fakat nemam nikakvih problema v toj svakodnevnoj komunikaciji. Tak sam se navek dogovaral i z mojim seminarcima dok sam delal v Sloveniji. Mi se kajkavci jako dobro z njima razmemo a pogotovo dok je v pitanju „stručni marketinško-prodajni“ rečnik. No Andrej nam uporno oće ugoditi i onda govori kakti „hrvatski“ a zapraf ispadne jedna lepa „hrvatsko-slovensko-srpska“ kombinacija. Glavno da se mi na kraju ipak razmemo.
Kak sam već i gore spomenul mislim da bu pri nama doma, zbod povrede kolena, ovaj tjedan dost improvizacije v jelovniku jer moram obaviti neka snimanja i snimku pokazati ortopedu. A znate kak je to pri nama v zdravstvu. Rekla mi je moja doktorica da se moram vučiti strpljenje!? Pa kaj se bum ja v tim mojim letima vučil strpljenju?
Pondelek
Znate kaj je danas? Ivanje naravno. To je vele najvekši Ivan iako nas ima v katoličkome kalendaru čak 24 tokom leta. Danas bumo na obedu pri pajdašu Ivini v Goli. To bi moglo biti jako „opasno“. V toj dobrostojećoj seljačkoj hiži ima svega a Ivinina žena Slava još k tome jako dobro kuha. Teško mi je prognozirati kakav bu jelovnik al sam v jedno siguran.
Aperitiv bu sigurno njegva poznata rakijica od tepke ruške
Predjelo bu stara šunka. Ivina mi ju je pokazal pred mesec dana i mislim da bu danas „otvorenje“. K tome bu sigurno i friški sir z vrhnjem. Znate kak je to žedno?
Glavno jelo: To mi je teško predvideti al bi moglo biti i pečenja ali i hrpa pohanci. Slava hrani nepregledno jato kojekakve peradi.
Desert: Ivina i ja bumo na gemištu a žene i deca naravno na kojekavim kolačima.
Tork
Juha/Glavno jelo: Kad već imam mladoga graška bum pak složil jednu bogatu juhu ali ovaj put bum zmešal: dinstanu piletinu, mrkvicu i grašak. V tome uživamo i Đuro i ja.
Desert: Verojatno voćna šalata
Sreda
Bez obzira kaj je škola završila Jan i dalje dolazi na obed sredom i petkom pa mora biti nekaj konkretnije
Juha/Glavno jelo: Teleći paprikaš i domaći rezanci. Đuri mesto rezanci dodam njezine rižine rezance.
Desert: Neznam baš kak se to zove al mi je Đuro rekla nek napišem „ljetna fantazije“. Ima vam tu svega. Od biskvita, malina, panakote i još nekakvih dodatki. Znam da se sve to mora dok je gotovo dobro ohladiti. Meni vam to dojde kakti nekakav sladoled.
Četrtek
Juha: „Tarator“- zdena juha
Siguran sam da ste to barem jemput v životu jeli. Meni je to bilo otkriće negda davno dok sam bil v Makedoniji. To je inače bugarski specijalitet: ovčje/kozje kiselo mleko, more i jogurt ili kefir, rezani orehi, friški krastavci i začini. More biti v ovim žegama i glavno jelo.
Glavno jelo: Složil bum kajganu i zmešal zdelu zelene šalate.
Desert:Bazgin sok; na tome soku smo već danima. Vu frižideru držim i sirup od bazge i zdenu vodu. To mi ovih dana jako paše.
Petek
Juha:Morti samo prežgana juha z kašicom? Zbog Jana naravno.
Glavno jelo: Pofrigane sardelice i krumpir šalata ili krumpir lešo na maslinovom ulju.
Desert: Šnenokli za Đuru i Jana i lagani gemišt za mene.
Subota
Jako mi je teško predvideti kaj bu ove subote. V ovom trenutku imam informaciju da bu Atač slavil rođendan koj mu je 30. lipnja. Onda bi jelovnik mogel ovak zgledati:
Predjelo:Svega pomalo kak i obićno.
Glavno jelo: Bogati roštilj i kojekakvi prilogi.
Desert:Već je tradicija da se cure z klape dogovore kaj mu buju spekle pa se tu najde i par vrsti kolača. A gemišt se podrazumeva.
Atač inače već dugo predlaže ovak:“Čuj stari. Kaj mi nebi mogli za ove naše fešte napraviti recimo kanapeiće?“ Morete zamisliti ovu ozbiljnu gospodu da recimo na njegvome rođendanu jedu kanapeiće, popiju gemišt i kaj sad? Mislim da bi rođendan završil za pol vure.
Nedela
Jedna bu mogućnost da
a) idemo na ostanjke od rođendana v gorice a druga
b) da si doma složimo laganu juhu od junećega flama i onda z kuhanim flamom složim koparsos i malo pirea
Za desert bu dobar i dobro ohlađeni sok. Ili morti malo pivo?
:(Još nema komentara