A kaj da danas kuham? (400)

Evo me već 400-ti put na Coolinariki

Baš za ove naše blagdane uspel sam dojti do ovak okrugloga broja a na početku mi se činilo da se to naprosto nemre dogoditi. I kaj sad? Probam se setiti o čemu sam sve pisal, gde sam sve bil na putovanjima po ovoj našoj zemljici, kaj sam ja to mojim dragim Coolinaričarima predlagal za kuhamje v mojim  jelovnikima? Svačega je tu bilo. Moram se svakak najprije setiti svoje pokojne Mame, koju sam letima zval Baka, jer je ona „kriva“ kaj sam se opće hapil pisati tak nekaj. Ta njezino vječito jutarnje pitanje „A kaj da danas kuham?" prati me kak vidite već letima. I svaki put dok vidim to pitanje setim se Bake i njezine vječite dileme oko kuhanja. Već sam to negda ranije napisal al bum ponovil: Baka je bila majstor za skuhati „od ničega nekaj“ i kaj je još važneše navek je ispalo jako dobro. Negda sam srdit sam na sebe kaj su njezini čušpajzi bili navek bolši nego moji današnji iako imam puno bolšega materijala. No svako vreme nosi svoju kvalitetu.

Dok malo pogledam o čemu sam sve pisal vidim da je to zapraf bilo jako interesantno putovanje. Držal sam se svoje Koprivnice, mojih gorica v Draganovcu, moje Podravine al sam obišel i celu Lepu Našu bilo kak muzikant ili pak poslovni čovek. Obišel sam i  bivšu nam državu i to ne samo negda nego sam i za naše mlade Hrvatske imal prilike obijti ovo naše sadašnje inozemstvo i pak proveriti dal se još navek i tam dobro jede. Napravil sam krug po nekim evropskim državama gde je Podravka imala svoje firme a eto dogodilo mi se da nekim slučajem pred dvajst i nekaj let budem i v Tanzaniji. O Zagrebu sam pisal vu više navrata jer me za njega vežu jako lepe uspomene i kak studenta i kak muzikanta. V jednom sam trenutku bolje poznal zagrebačko ugostiteljstvo nego ovo naše domaće koprivničko.

Malo sam se pozabavil z nekakvom statistikom i to vam zgleda ovak:

• 400 priča na kojekakve teme
• 400 jelovnika
• To je sedam let  i 36 dana na Coolinariki
• Do danas imam v svojoj arhivi 980 stranica teksta
• Slikama ni broja neznam
• Kolko je bilo posete blogu nemam pojma al dugo nisam videl tekst bez barem 200 pregleda a sećam se da ih je bilo i nekolko stotina.

Verojatno ste vidli da sam jako retko daval recepte. Od samoga početka sam krenul z idejom: žene znaju kuhati samo ih muči ono "A kaj da danas kuham?" Samo na Coolinariki imate na hiljade recepti. Ako pak zemete one hrpetine kuharici koje imate na svojim policama  morete biti bez brige još sto let. Samo da je penez i da morete nabaviti sve te namirnice koje nekoji recepti iščeju.

Sad se morti pitate gde ja to kuham svaki dan? Dok sam malo pregledal kojekakve slike najemput sam našel tolko sliki kaj nisam niti znal da ih imam. Evo najprije jedne moje svakidašnje situacije.

To vam je moje radno mesto. Verojatno si mislite da mi ovo v ranjgli ni baš bogznakaj za obed, al negda se mora pojesti i nekakav čušpajz.

Ovo je snimljeno v kleti v mojoj kuhinji na jedno Martinje još pred par let dok mi Hus nije „zel“ kuhaču. Morate priznati da guska baš dobro zgleda.

Kak morete videti na sliki Hus mi je v mojoj vlastitoj kleti „zel i kuhaču“ al se „šmuca“ i oko Đure. Ovak njih dvoje pripremaju obed za težake na berbi.

Nisam siguran da sam vam negda pokazal i kak sam ja zgledal kak bubnjar? V mojim tekstovima sam puno pisal o mojim iskustvima po hotelima dok sam bil muzikant pa vam bum samo za ilustraciji pokazal kak sam zgledal za bubnjevima pred par let dok sam se odlučil prekinuti z aktivnim bavljenjem mužikom.

Nekak mi se čini da tu više zgledam kak ostarjeli profesor nego kak ozbiljam muzikant.Ova je slika snimljena na in memoriam koncertu povodom 45-te godišnjice smrti mojega prijetelja Brace.

No kak uskoro imam promociju svoje knjige „Zvjezdana prašina“ bum vam pokazal nekolko sliki čez moju bubnjarsku karijeru.

Kak drukčeše završiti ovaj tekst nego z dobrom papicom. Al znate kaj? Ovo je prigoda da se setim svega kaj zapraf volimo jesti moji bližnji al naravnoi  ja. Doduše sebi nekaj ređe ispunjavam nekakve posebne želje al nastojim da buju svi moji zadovoljni z onim kaj skuham.

Predjela

Tu sam nekak orijentiran na domaću papicu, posebno v ovim zimskim meseci, ali znam da se svi rado hapiju jesti friško dimljene kobase z hrenom ili pak domaćim ajvarom. Pašu mi i nekakve špagete z puno parmezana a navek su dobro došli plodovi mora na šalatu ili pak bilokakav fini rižoto. Pršut i sir nisu pri meni v prvom planu. Prije bi to bila domaća šunka i sir z vrhnjem ili pak kuhana šunkaili buncek  z hrenom. Onak kak za Vuzem. Često delam i paštetu jer to vole Đurini vnuki.

Juha

Tu bi fakat mogel napisati romana. V zadnji par let  se ravnam po tome kaj voli jesti naš vnuk Jan. Fala bogu kaj juhe obožava. Najprije je bila favorit juha od paradajza, pa je okrenul na kobasičju juhu z vrhnjem da bi sad došlo na ono: daj kaj daš samo da je juha. Danas je za obed pojel puna tri tanjura bistre mesne juhe z rezancima. Ja sam sličan njemu al v nekaj skromnešim količinama. Ak ništ drugo na brzinu skuham prežganu juhu z nečim ili pak poberem kojekavo povrće z frižidera i juha je za deset minut gotova. Važno mi je da imam navek nekakvu Podravkinu kocku ili bujon. Njih rabim i za juhe i za čušpajze a bome i ta gulaše i paprikaše.

Glavna jela

Verujte da sam tu jako skroman. Kuham sve moguće čušpajze, gulaše i paprikaše, kojekave složence, nekaj ređe klasična pečenja ali mi pašu pohanci. Naročito pohana piletina. Ono kaj si stvarno tu i ta poželim su fileki na sve mile načine. Morti ste primetili da ih retko  v zadnje vreme kuham al za to ima jedan važan razlog: giht.

Od mesa najrajše jedem perad i to ovim redom: raca, guska pa picek. Kak prilog mi posebno pašu rezanci od palačinki koje dela Đuro. Naravno od bezglutenskoga brašna. Purica mi nigda ni bila moj favorit.

Ono kaj sam nasledil od mame a kaj mi je i dandanas jako fino su nekakava mesa dinstana na češnjaku. I krmetina, i junetina, i piletina pa i teletina su odlične na češnjaku a tu pašeju kojekakvi prilogi: krumpir, riža, testenina i hajdinska kaša. 

Jemput je k meni za vreme obeda došel jem prijatelj dok je mama složila nekakav čušpajz a k tome su bile svinjske nogice na češnjaku. Ponudil sam mu da mi se pridružil alo me je v prvi moment odbil. Nije prešlo dve-tri minute a već je rekel: „Daj mi prosim te tanjura i falačec kruha“. Nogice su brzo nestale.

Ono kaj mi fakat paše su kuhana mesa: stara kokoš, junetinam janjetina pa i krmetina. Toplokuhano  meso blago posoljeno, malo povrća ili šalša su papice koje bi navek mogel jesti. Kak da sam Dalmoš.

Desert

E tu vam moram nekaj priznati. Navek v jelovniku predlažem nekakav desert al verujte da ga sam retko jedem. Posle obeda najčešće nekaj popijem, v zadnje vreme je to zdeni kompot, ili zdena voda, a desert pojedem tek popodne. Posle popodnevnoga odmora I Đuro i ja pojedemo nekakav kolačić ili voće. Iznimka je morti dok je za obed čušpajz pa mi paše nekakva palačinka.

Da je ovih dana bilo kolača sigurno vas ne trebam uveravati. Kak pak Đuro voli peči kolače, pogotovo dok na obed dolazi Jan, verujte  da nekakvih kolačića ima navek. Meni je samo problem kaj Đuro eksperimentira tu i tam z njezinim brašnom a verujte da se neki kolači nemreju speči z tim brašnom. Znaju biti suhi kak Sahara.

Znate koj je moj favorit: štrukli z tikvom i makom al mi kak sam stareši pašeju i nekoji kremasti. Sigurno je jedno: sve samo ne limun,  kokos i ananas.

A piće?

Vina imam kolko ti srcu drago al ga pijem samo z društvom v goricama i doma z ribom. V zadnje vreme izbegavam i gemišt jer su sva gazirana pića velko zlo za čir na želucu ili gastritis. Čaša čistoga vina je fakat najzdraveše piće. Već znate kja obićno predlažem: zdeni kompot od jabuka ili sokovi od sirupi koje dela već letima Đuro.

A pivo? Samo v leti i to v malim količinama. Dok v goricama po leti kosim volim popiti pivce al si ga natočim v jedan pivski krigl.

Eto dragi moji tolko za ovaj moj velki uspeh. Morate priznati da se penzić z tolko let čisto dobro nosi ze svim tim moji zanimacijama. V novo leto sam startal z 400-tim tesktom i sad treba samo tak nastaviti.

Još jemput sretno vam bilo v ovoj Novoj 2019-toj.