A kaj da danas kuham? (395)

Koline

Već se desetlećima oko ovih datuma krajem studenoga delaju koline v Podravini al i širom Lepe Naše. No v zadnje vreme se, barem pri nama doma, nekaj počelo menjati z leta v leto.  Priroda dela svoje i nema više onolko snage kaj je to negda bilo. I kaj sad? Sve smo posložili malo drukčeše, moramo se prilagoditi mogućnostima a sve vam to malo više košta i treba malo više vremena. Kak smo se organizirali? Jedan mesar i njegva ekipa v Prekodravlju mi bu sredila  sve oko samoga čina raspremanja pajceka ali pod mojom kontrolom. Točno znam kaj oću i nesmen dozvoliti da se vništi dvesto kil mesa. Obzirom da već treće leto delimo to meso z Đurinnom kćerkom Irenom i njezinom obitelji moram imati dodatnu brigu i z mesom za škrinju i z proizvodima za sušenje i brzu konzumaciju.  Kak je to fakat velki posel podelil sam ga na dva dana i tak rasporedil snagu. V ovim letima čovek mora paziti kaj i kak dela. Drugi dan je onaj fini posel kojemu treba pristupiti ozbiljno a treba i dost pomagača. Ovo leto je bila jedna mešovita ekipa pod mojom kontrolom i diregintskom palicom jer mi Hus više nije v onakvoj snagi kak negda dok smo hodasali po celoj koprivničkoj okolici. Kak se žene već dugo bore za ravnopravnost spolova, a ja sam ih navek podupiral, ovo leto su imale jednu od glavnih uloga. Imal sam čak tri moćne žene: Đuru, njezinu sestru Violetu, nećakinju Jelenu a sestrična Zvjezdana je uskakala po potrebi. Od muških je tu bil, kak već i letima, Robi moj verni pratilac još z Podravke, Irenim muž Goran i naravno ja kak najiskusneši „mesar“. Kaj smo delali od proizvoda? To je tradicija i standard: kobase za sušenje i pečenice, čurke, krvavice i naravno prezvuršt. To vam se morti ne čini bogznakaj al se radi o količinama. Osim mesa i iznutrica od našega pajceka još moram navek dokupiti kvalitetne iznutrice: srca, jezike i kožice.  No kak sam i najavil ovo leto smo koline preselili v gorice. Za to su bila najmanje dva razloga: peć na drva i štenge. Makar i doma imam v podrumu velki stol,  kojega je napravil još moj pokojni Blaž , v goricama su čak dva velka stola koji moru poslužiti za takav posel. Ono kaj je pak najvažnije su štenge. V goricama je to sve v jednom nivou pa ne moram bežati furt gore dole za vreme kuhanja materijala v kotlu. Osim toga imal sam dost pomagača koji su brinuli o vatri i svim onim poslićima i prtljanjima oko finalnih proizvoda. 

Verojatno vas zanima kaj je bilo na jelovniku? Svaka podravska familija koja dela koline desetljećima zna kaj je tih dana na jelovniku. Ima više varijanti al vam bum nabrojil sve kaj se pri našoj familiji dela od navek:

• Mozak z jajcima; to vole jesti mesari al i deca
• Jetrica na naglo z češnjakom ili pak jetrica i friško meso na saft; jedna je pak varijanta friško meso na naglo. Z tim pak jako dobro paše turšija ili nekaj drugo od zimnice.
• Za vreme mešanja smese za kobase mora se dva-tri put sprobati jel sve dobro začinjeno. Na brzinu se napravi pljeskavica, bez luka naravno,  kak bi se moglo dodati još začina po ukusu gazde ili, još važnije, gazdarice.
• Već na početku posla se mora deti kuhati čuveno kolinsko zelje kak bi bilo posluženo za večeru. Za ovo zelje je jako važno da se v zelje denu pravi komadi mesa. Za mene je to tzv kočnica, špicrebra i obavezni rep. Stare gazdarice su navek tvrdile  da se meso nesme prati jer se zgubi onaj fini okus  frišketine.
• Pečene čurke, krvavice i kobase su kakti pokazatelj prave kvalitete majstora. Na to su svi jako osetljivi i svakome majstoru je najvažneše kakvu bu ocenu dobil od cele družine.
• Kakti desert su friški čvarki, naravno ak se stignu speči do večere. Tu vam moram nekaj reči.  I dok smo delali koline doma Đuro i njezine babe su išle čvarke peći v gorice. Doma na plinu se to negda ne speče tak dobro kak v goricama dok se kuri z drvima. To su dve različite kvaliteti čvarki. Svojedobno su za desert bili kakti obavezni salenjaki al ih više nema ko napraviti. Čak ni Đuro to neće delati.

Skupština naše Udruge „Gekoma“

Ovo vam moram reči samo onak usput. Naime naš je dosadašnji predsednik dal pred par meseci ostavku iz njemu znanih razloga i prisiljeni smo napraviti izvanrednu i izbornu skupštinu. Mislili smo kak smo četri lete bez brige a sad smo nakon samo leto i pol prisiljeni birati novo rukovodstvo i neke nove funkcije. A kak to obićno ide v takvim udrugama niko se toga baš preveč ne lovi . Tu nema nikave love ni drugih pogodnosti pa nema ni jagme za tim poslom. I tak sam v četrtek pak ja izabran po drugi put za šest let. A znate kaj to pak znači? Još više posla i obaveza. Ima i jedan problem. Bojim se da me ne dohvati Poverenstvo za sukog interesa obzirom da je Đuro skladištar i kurir. Pri nam v podrumu je skladište naših knjiga, Đuro piše kojekakve papire a ja bum moral to potpisivati. Kak bu to zišlo bute morti vidli  za koj mesec po kojekavim medijima.

Naravno da bumo posle skupštine imali malu zakusku v restoranu „Klas“

Dug prema Coolinariki Tokaannito

Još tam v desetom mesecu, dok sam pisal o mojem boravku v Njemačkoj, zamolila me je Tokaannito  da nekaj napišem na njemačkom. Ispričavam se kaj to nisam mam napravil pa eto ze zakašnjenjem od mesec dana bum to malo ispravil. Nisam ja baš vičan pisanju na njemačkom al bum probal.

Jedna je onak vesela pesmica za sve ledične osobe. Ide ovak:

Verliebt Dich oft
Verlobt Dich selten
Heirate nie.

To će reči:

Zaljubi se često
Zaruči se retko
Ne oženi/udaj se nikada.

Ja sam se donekle toga v životu i držal.

Ovo je pak jedna prelepa kratka pesmica J.W Goethea kojom je nekak najavil svoj kraj. Zove se:

„Wandrers Nachtlied“
Ueber allen Gipfel
Ist Ruh
In allen Wipfeln
Spuerst du
Kaum einen Hauch
Die Voeglein schweigen imWalde.
Warte nur, balde
Ruhest du auch.

Najte mi zameriti ak prevod baš nebu kak bog zapoveda.

Preko svih vrhova
Je mir
U svim vrhovima drveća
Jedva naslućuješ dašak
Ptičice šute u šumi.
Pričekaj, uskoro
Ćeš  se i ti smiriti.

Nadam se da je Tokaannito zadovoljna.

I kaj da ja sad vama predložim za ovaj tjedan. Gore sam nabrojil kojekaj od krmetine i verujte da bumo glodali ostanjke celi tjedan.  Zberite si kaj vam paše a ja bum sugeriral smo ono kaj bum ja skombiniral za odmor organizma o prevelkoga kolesterola.

Jedan dan bu juha od svinjskih kostiju. To je jako slatka juha pogotovo ak nutra još zakuhate leberknedle

V ono kolinsko zelje bum nakon dva-tri dana uvalil graha. To je najbolji grah na svetu.

Napravil bum jedan dan jetra na saft i kuruzne žgance.

Za kraj tjedna buju pak jemput čurke z dinstanim kiselim zeljem a ono kaj mi je navek fino su špicrebra z pečenim krumpirom.

Ono kaj se bu sigurno dogodilo je jelovnik v subotu 8. 12. pri meni v goricama. Svi kaj me letima prate znaju da kuma Biba i ja slavimo skupa rođendan. Ona je rođena 7. 12. a ja 9. 12. pa nam taman subota 8. 12 lepo paše za pozvati pajdašiju na obed/večeru.

Tu nema promene već prek dvajst let.

Hladno predjelo: „Stara“ šunka, prezvuršt i kojekakvi dodatki.
Toplo predjelo: Friško dimljene kuhane domaće kobase z friško ribanim hrenom, senfom i ajvarom
Juha: Kobasičja juha z noklecima; to je navek  jako okrepljujuća ali pikantna klopica
Glavno jelo: Pileći pohanci i svinjsko pečenje z prilogima i šalatom
Desert: Gemišt od staroga ali i mladoga vina; za kolače su zadužene kuma Biba i Đuro.

Nadam se da bute mogli i vi nekaj zebrati za svoj ovotjedni jelovnik