A kaj da danas kuham? (394)

Đuro je peti put baka

Pred par dana Đuro je postala i peti put baka pa sad ima pet vnuki: dva dečka i tri curičke. Sad morti mislite da sam trebal najprije spomenuti vnučice al sam se držal nekakvoga redosleda po starini. Najstareši je Jan, ja ga zovem Đanko, koj je već v trećem razredu gimnazije i kojega najčešće spominjem jer je prvi, jer je najčešće pri nama i znate da je moj jelovnik navek poriktan po jelovniku koj je njemu po volji. On je Irenin sin.

Onda slede Kristijanova deca Viktorija, Vita i Rafael i eto ovih dana je Irena dobila kćerkicu Tiu. Đuro je daklem peterostruka baka a ja sam peterostruki deda makar mi moji prijatelji vele da sam Kvazideda. Ha čujte. Dok nemate svoju rođenu decu onda prihvatite ženinu decu i vnuke kak svoje. Dok buju krstitke i kak je prešlo bum vas izvestil.

Zakuska posle mojega predavanja

Kak i svaki put dok imam predavanje na temu gastronomije tak je bilo i ovaj put. Žene z naše klape su napravile male zalogajčiće kaj smo lakše mogli popiti čašu portugisca. Jedna manja dvorana je, dok je v pitanju klopica, bila puna ljudi jer nakon nekaj više od vure vremena malo ogladne i ožedne. Kaj su mi cure napravile?

• Kuma Biba je napravila pogačice od kolko-tolko testa za koje je majstor.
• Nećakinja Jelena je napravila prutiće z parmezanom
• A Đuro je poznat po svojim klipićima.

Dok sam prijatelju Davoru rekel da bu hrpa klipići rekel je da „nemre biti tolko klipići kolko ih on more pojesti“

A znate kaj? Imam ja i prijatelja koj zna nekaj speči. Moj prijatelj Hus je rekel da bu i on dal svoj doprinos pa je napravil svoje čuvene pogačice z čvarkima.

Čak i da niste gladni i žedni posle ovih zalogaja bute sigurno vtečno popili čašu portugisca. Afričkih specijaliteta ni bilo iako je Jelena imala nameru nekaj kupiti v zagrebačkom afričkom dučanu al je nažalost dučan bil zaprt radi preuređenja. No mesto toga  mi je Jelena prevela hrpu tanzanijskih recepti. Zbral sam jednoga nad kojim sam se „zgrozil“. Naime ja vam obožavam fileke al mi se čini da nemrem biti tak gladen da bi napravil i pojel fileke po ovome receptu. Kaj velike na ovo:

Juha s tripicama

• 0,5 kg tripica (u daljnjem tekstu po kajkavskom fileki)
• 6 velikih zelenih banana, mekana vrsta poput matokea
• 1 velika sitno narezana rajčica
• 1 veliki sitno sjeckani luk
• 1 velika žlica gheeja
• 3 nasjeckana češnja češnjaka
• 1 limeta ili limun
• 1 kokos
• Sol i papar prema želji

Postupak:

Meso operite nekoliko puta u hladnoj, slanoj vodi. Ispecite tripice na užarenoj tavi (?!). Dodajte sok od limete ili limuna. Ogulite banane i uklonite tvrdu jezgru. Izrežite banane na tanke prutiće i dobro isperite u hladnoj vodi ili iskuhajte kako biste uklonili sluz s jako mladih banana. Dodajte banane, luk, rajčicu i začine u meso na tavi te kuhajte dok se banane i fileke ne omekšaju (otprilike pola sata). Dodajte vode po potrebi. Obradite kokos, izvadite mlijeko i dodajte ga u tavu. Kuhajte još 10 do 15 minuta. Maknite fileke, stavite na tanjur i narežite na komadiće. Usitnite banane do konzistencije pirea. Dodajte meso narezano na komadiće. Ponovno prigrijte i poslužite toplo. 

Jako me zanima kaj mislite o takvim filekima? Ko uspije napraviti nekaj jestivo po ovome receptu svaka mu čast.

Českina godišnjica

Se sećate ko je Česka? Vinko Česi, najpoznateši koprivnički novinar   s dugim stažom vu nekolko zagrebačkih novina.On je naš prijatelj koj nas je napustil već pred puno let al ga se prijatelji z Koprivnice i njegovi negdašnji međaši i prijatelji z Nespeša ne zaboravljaju. Ico, Dražen i Ludva svako leto dojdu 20. 11. v Koprivnicu, vužgeju mu svečicu i onda dojdu k meni vDraganovec. Naravno da vužgeju svečicu i njihovom prijatelju Fjaki, mojemu kumu, jer su Česka i  Fjaka i sad „susedi“ kak i negda.

Ovom prigodom vam moram prepričati jednu malu zgodu ovoga leta dok smo bili v gostima tim istim ljudima v Nespešu. Da nejdem v detalje bum samo rekel: nismo se baš prejeli al smo dobili lepu priliku da se na taj račun zafrkavamo već dobra tri meseca. Naravno da si mi nemremo dozvoliti da oni odu doma gladni pa im bumo kak i navek pripremili jedan obed koj ih bu malo obavezal dok drugo leto pak krenemo v Nespeš.

Posle našeg poseta Nespešu ima jedna anegdota koja ima dve verzije. Prijatelj Tonč je čul kak je Hus navodno na odlasku rekel:

„Bolji ste gosti nego domaćini“ (?!)

Hus je pak rekel da on to nigda nebi tak rekel nego da je rekel:

„Nezna se jeste li bolji domaćini ili gosti“(?!)

I jedno i drugo dobro zvuči a vi si zberite kaj vam paše.

Zadnji posjet Nespešu  nam je donesel i jednu jako slatku pobjedu v klađenju. Dražen i ja smo se kladili oko nekakvoga datuma i ja sam konačno jednu takvu dragu okladu dobil. Čujte ovo: Dražen mora platiti janje za glavno jelo i fileke za predjelo!!! To se zove dobitak.  Malo sam skeptičan kaj se tiče realizacije oklade jer mi je već uz čestitku za medalju grada Koprivnice napomenul da bi mogel i ja sudjelovati v toj okladi z jednim janjećim butićem.

Za ovu prigodu smo imali ovakav jelovnik:

Aperitiv: Rakijica
Predjelo: Standardno podravsko predjelo: sir z vrhnjem z dost češnjaka i crvene paprike, špek, malo jegera i klipići. Ja sam napravil još i paštetu od prasećih jetrica.
Glavno jelo: To je takaj već standard dok dečki dojdu v Koprivnicu: krvavice. pečenice, restani krumpir i dinstano kiselo zelje.
Desert: Osim gemišta sam Đuru nabrkal da napravi štrukle z jabukama/sirom?

Mislim da su gosti  bili zadovoljni.

Pondelek

Pogladajte jelovnik od prošle nedele
Juha/Glavno jelo/Desert: Ostanjki od jučer samo bum napravil friškoga priloga z mesom

Tork

Juha: Prežgana juha z jajcima i krutonima
Glavno jelo: Musaka od krumpira, šalata
Desert: Kompot od jabuki

Sreda

Juha/Glavno jelo: Prvi sekeligulaš ovo leto; dobil sam pri Tomeku prekrasna špicrebra i malo lopatice. Dodal bum malo pirea
Desert: Morti palačinke z pekmezom?

Četrtek

Juha: Juha od mešanoga ribanoga povrća
Glavno jelo: Pileća jetrica na naglo, kuruzni žganci, turšija
Desert: Jedan od naših domaćih sokova

Petek

Juha: Krem juha od gamberi; zbog Jana bum ju malo oplemenil z sitnom testeninom
Glavno jelo: Skuše vu foliji, mešana lešada. Zmešal bum krumpira, mrkvu, blitvu i karfiola. To je malo problem jer moram metati jedno za drugim v razmaku od desetak minuta. Ak denem sve od jemput karfiol mi se raskuha.
Desert:  Čaša portugisca ; za mene naravno

Subota

Najavil mi se majstor za nekakve radove v kleti pa bum složil nekaj na žlicu
Predjelo: Bum narezal malo špeka i i koju prgu sira
Juha/Glavno jelo: Pajšlec na kiselo; imam lepoga prasećega pajšleca a to majstor Zvonko voli
Desert: Samo gemišt

Nedela

Juha: Juha od pevca z rezancima
Glavno jelo: Kuhane komade pevca bum još malo prodinstal, oplemenil z vrganjima i dodal rižu ili nekakvu testeninu. Verojatno buju Đurini rižini rezanci.
Desert: Kifli z pekmezom