Sve smo nogometne priče spripovedali pa se moremo vrnuti našemu svakodnevnom životu. I v letu se furt nekaj događa. Bum vam spripovedal tri kratke zgodice, ili ak oćete pričice, koje su mi se dogodile prošloga tjedna. Crtice z našega svakidašnjega života.
Tri letnje priče
Vikend v goricama
Onaj prošli vikend je bil baš onak po mojoj meri. Ni bilo nikakvoga posebnoga plana a ispalo je jako dobro. Odlučili smo pokositi podolje i gorice i napraviti si obed za Jana i naravno Đuru i mene. Zapraf je celi dan bil v znaku nas troje.
Najprije smo rano v jutro za gablec kupili sve kaj nam treba i kaj volimo prizalogajiti. Nebute verovali al si ja v jutro tu i tam volim pojesti dobar, bogati sendvič. Tu su dve-tri vrste polutrajne salame, obično šunkarica, mortadela, parizer i koja šnita sira. Friškoga paradajza ftrgnemo z našega vlastitoga „vrta“ i blago ga posolimo. Sve to posložimo na stol pod brajdom,zalogaj po zalogaj i krene razgovor na temu: kaj bumo sve delali, v kolko vur bu obed i kaj posle obeda. Znate kaj mi paše posle takvoga gableca? Sigurno ste pomislili na jedan lagani zdeni gemišt? Je paše i to ali ima nekaj kaj mi još više paše: zdena crna piva! Nije baš po gorički al tu i tam morete i malo odstupiti od nekakvih goričkih pravila.Kaj se baš moramo navek držati nekakvih pravila?
Završim ja košnju i krenem na pripremanje obeda. Sve sam jako pojednostavil kak to mora v goricama i biti. Del sam najprije kuhati juhu pa onda pripremil drugi dio jelovnika. Morti vam dam nekakvu ideju.
Juha: Pileća juha. Dok pripremam piletinu za roštilj navek spandlam bocke, lopare i prsa i spremim te „kosti“. Nisam baš imal povrća pa sam na kraju v čistu juhu zakuhal jednu povrtnu i jednu kraljevsku kocku Podravka. Za Jana i mene sam zakuhal domaće a za Đuru rižine rezance. Juha je bila savršenstvo. One „kosti“ sam ostavil v malo juhe za predjelo drugi dan.
Glavno jelo: Na roštilju sam spekel malo carskoga, malo piletine i svakome po četri čevapa. Za prilog sam osim friško narezanoga srebrenca i paradajza dodal na roštilju pečene bele i smeđe šampinjone. Kak je ispalo? Savršeno!
Desert: Bilo je svega pomalo. Đuro je pila sok, Jan po jedan musolini a ja naravno zdeni gemišt. Bilo je i dobro ohlađene lubenice i dinje.
Naravno da sve to nismo mogli sve pojesti pa smo kak i navek imali Đuro i ja obed i v nedelu.
Kaj je sledilo? Odmor v hladovini kleti. Nastavak posla tek kasno popodne.
Šoderica naše „podravsko more“
Morti se bute setili da sam pred leto-dve pisal kak je naša Šoderica konačno oživela, kak se počelo puno toga događati i kak se vraćaju neka „stara dobra vremena“? Ništ od toga. Prerano sam se poveselil jer mi se čini da se vraćaju ali ona „loša stara vremena“. Idemo neki dan Đuro i ja v Golu prek Šoderice i to v nedelu v jutro. Očekival sam kolone auti i biciklisti al njima ni traga. Mislim si da su morti već krcate plaže al na celoj Šoderici niti jednog jedinog kupača. Ljuidi moji pa gde ste? Srpanj je, puna sezona godišnjih odmora, gde su kampisti, gde su vikendaši, gde su svi ti ljudi koje sam očekival na taj dan? Negda je vikend bil na Šoderici svetek. Pred više od četrdeset let smo svirali prek vikenda ispred „Motela Šoderica“ i niste mogli dobiti slobodnoga stolca.Kupači i plesači je bilo kak mravi.Neki sam dan na radiju čul najavu za „Kerekeš teater“ i to je kakti nekakva tradicija već par let. Bajkere su preselili v koprivnički „Studentski kamp“ a nisam siguran da i oni kauboji z Bilogore više dolaze. Vidli smo nekakvo jadno igralište za pejntbol i hrpe smeća morti od prošloga leta. Na jednom delu Šoderice smo vidli „otoke resa“ koje niko ni ne pokušava očistiti. Ispod nekakvoga drveće dva mala šatora i nekolko mladih ljudi. Našim je međašima v Draganovcu došel vnuk Manči z Njemačke i baš taj dan su odlučili da mu pokažu Šodericu i da se dete malo okupa. Došli su nakon vure vremena doma i zaključili da se v tom „podravskom moru“ dete nebu kupalo. Drugi su ga dan otpelali vu Varaždinske toplice na bazen.
Teško mi je razmeti da se pak rugamo tom podravskom biseru. Kaj smo stvarno v stanju sve vništiti kaj nam je priroda podarila? Mislim da je pak na sceni rasprava ko bi zapraf trebal brinuti i investirati v tu lepotu. Nigda kraja „podravskoj slogi“.
Da to sve još jemput proverim ipak bum prihvatil poziv naših kumeki da ih posetimo v njihovoj vikendici. Bumo zbrali jednu subotu ili nedelu da proverimo ovaj naš prošlo tjedni dojam o „pustoj Šoderici“.
Grah naš svagdašnji
Zove neki dan naša prijateljica Slava z Gole i nudi nam friškoga očišćenoga mladoga graha po ceni od 15.00 kuna za kilu. Mislim si kaj je cena takvoga graha manje-više ista pri nama v Podravini već letima. Usput nas je prosila da ponudimo i našim prijateljima koji takaj vole tu tradicionalnu deliciju. Verujte da je ovo leto fakat dobro urodil i odlične je kvalitete. I skupili smo oko petnajstak kil za naše prijatelje i nas. Mi ga baš preveć ne kuhamo zbog Đure ali tu i tam se more pojesti kakav pretepeni ili dinstani grah. Nazovem sestričnu Zvjezdanu v Petrčane, koja ja tam na godišnjem, da vidim njezine potrebe i čuli smo jednu čudesnu vest. Ona je naime v tom trenutku bila na placu v Zadru i vidla da je tam pol kile po ceni od 20-25 kuna. Ljudi moji pa to je 40 i više kuna za kilu! Kaj su v pitanju sezonske cene ili Dalmoši i stranci tak jako voliju tu deliciju da ne pitaju za cenu?
Predložim ja našoj Slavi da otpelaju jedno sto kil v Zadar al me je brzo spustila na zemlju.
„Znam ja da su na moru takve cene al se to nama teško more splatiti. Dok zračunaš kolko te košta put, moraš nekaj pojesti i popiti a morti i prespati, dojde ti na isto! Doma ga prodamo po petnajst kuna kilu a v Zagrebu morti i po dvajst“. I pri nama v Koprivnici se trži po dvajst kuna. Pada mi na pamet da bi s takvim švercom mogel profitirati samo neko ko ide na godišnji tam negde v okolicu Zadra. Proda sto kil graha i razliku od 25 kuna po kili dene v žep. Ta razlika ni za hititi.
Sve si mislim kaj je grah negda bil sirotinjska hrana a danas je skupleši od puno vrsti mesa. Za kilu graha dobite dve kile piletine ili one uvozne krmetine. Prestrašno. Sve se je v ovom našem svetu obrnulo.
Pondelek
Juha/Glavno jelo: Krem juha od mešanoga povrća
Desert: Za Đuru dinja za mene lubenica; ja od detinjstva ne jedem dinje a ona ju obožava
Tork
Juha: Juha od junećeg flama
Glavno jelo: Kuhani flam, koparsos, pire
Desert: Šnenokli
Sreda
Juha/Glavno jelo: Kisela juha od pilećih želučeki
Desert: Palačinke z đemom od aronije; ovih smo dana delali đem i sirup od aronije pa nam je i cela kuhinja lepo stočkana v bojama aronije
Četrtek
Juha: Krem juha od tikve i mrkve
Glavno jelo: Krmedali na naglo, mladi grah ala „grahče na tavče“; ovaj grah mora bitibogat panajte štediti z povrćem
Desert: Sok od aronije
Petek
Juha: Jedna Podravkina z vrečice
Glavno jelo: Frigane sardelice, šalata od mahuna
Desert: Čaša vina ili dodati i malo voća
Subota
Pogledajte v tekstu naš jelovnikza od prošle subotu pa morti dobite kakvu ideju.
Nedela
Juha: Juha od pilećeg sitniša
Glavno jelo: Lepši komadi piceka v kojekakvom povrću, luleki od kolko-tolko testa, šalata
Desert: Štrukli z kruškama ili z tikom i makom
:(Još nema komentara