A kaj da danas kuham? (373)

Raznježile me podravske popevke

Nisam siguran da se popevke z ovoga našega festivala baš preveć popevaju diljem Lepe Naše al verujte da ih Podravci rado popevaju vu svim prilikama dok se malo opuste. I prije toga festivala je bilo prelepih naših popevki za koje su negda bili zaduželi legendarni „Lengeri“ na čelu z Blažom Lengerom, pa njihovi konkurenti „Korenići“ a mi Koprivničanci nesmemo nikak zaboraviti našega Ivu Vukića. Lengeri vam nekak dojdu kak naši podravski Beatlesi. Bili su letima najslušaniji podravski narodni sastav a neke njihove popevke su postale i ostale pravi evergrini. Setil sam se njihovih popevki koje buju za navek ostale v srcima svih Podravci a pogotovo onih stareših. Evo par najpoznatijih: Podravino moja mila, Ja sam junak iz doline, Alaj je divan taj podravski kraj, Podravska polka i još puno takvih na temu naše prelepe Podravine. Gore spomenuti festival v Pitomači već letima lansira barem dve tri prelepe popevke  tak da se fakat toga fanj skupilo. V ovome momentu se morem setiti onih kaj se najčešće popevaju: Podravska zvona, Podravska krv, Podravino sve bih dao za te, Vrati se na podravske širine, Lepa moja Podravina i meni jako draga Tri ljubavi moje. Neki sam dan videl reprizu popevki pokojnoga  dr Jergovića koj je sam napisal popevki za celo jedno festivalsko večer. Tak rado poslušam njegovu popevku Čuvar uspomena v izvedbi „Licitari“. Sve su te popevke onak pomalo sjetne, napisane i otpjevane z puno duše i širine kakva je i sva naša Podravina. Moja školska kolegicaBoka se mam nekak posle mature oženila i otišla živeti v Sremske Karlovce al ne propusti ni jednu priliku da dojde na naše godišnjice a to znači da joj moramo navek otpopevati  našu podravsku himnu: „Podravino moja mila“.

Sigurno ste primetili da sam već i raneše pisal na temu Podravine a jedan tekst nosi i naslov „Ko to ne voli Podravce?“ Već duže vreme razmišljam da sve svoje tekstove o Podravini, Podravcima, Koprivnici i Koprivničancima denem na vrpu i to otisnem v jednoj knjigi kak svoj prilog ljubavi prema tome prelepom kraju.

Baš sam neki dan videl na televiziji razgovor na temu nadolazećih „Podravskih motiva“. Bil je tu prisutan naš gradonačelnik Mišel Jakšić, predstavnik Podravke simpatični Dražen, dugogodišnji gradski bradati kovač Josip Evačić i direktor turističke zajednice Renato Labazan. Ovaj zadnji je rekel jednu rečenicu koja me baš jako zainteresirala, „isprovocirala“ i potaknula na pisanje  ovoga teksta.  Rekel je otprilike ovak:“Međimurci, Zagorci, Slavonci, Dalmatinci a da ne velim Istrijani, jako ističu svoju pripadnost svojemu kraju.Samo se mi Podravci kakti sramimo svoje Podravine. Moramo nekaj napraviti za našu Podravinu! Pa Podravina je od Ludbrega do Pitomače“. To bi se reklo moramo malo poraditi na brendiranju Podravine. Pa ljudi moji ja sam na tom tragu već letima. Pišem o Podravini i Podravcima, o Koprivničancima, o našoj gastronomiji a trudim se da pišem na mojoj koprivničkoj kajkavštini za koju sam siguran da razmu svi ljudi kakjkavskoga kraja a po reakcijama i čitanosti mojega bloga znam da je prihvaćen i širom Lepe Naše.

Zapraf smo mi Podravci jako samozatajni i nekak se neznamo izboriti za svoje mesto pod sunce. Imamo kaj za pokazati, imamo prelepu prirodu, imamo Bilogoru, Dravu i Šodericu, radišni smo ljudi ali nemamo prodornosti. Psiholozi bi rekli nismo asertivni. Ak samo pogledamo ove naše vrle „političke elite“, nas Podravci nema ni v tragovima. Čak ni kajkavci nema baš preveć. Tak vam je to od navek. Negda je davno jedan stručnjak z naših južnih krajeva došel v Podravinu, postal velki direktor i dok su ga pital kak to objašnjava rekel je: „Ha čujte! Podravci su divni i radišni ljudi. Neko ih mora i voditi!“ I imal je praf. To je od navek tak. Nadam se da se bumo jemput i mi izborili za dostojanstveni položaj v svojoj prelepoj Podravini.

Dosta je bilo kukanja. Imamo mi i lepše teme. Evo poglečte kaj se događalo samo ovih nekolko zadnjih dana i tjedni. Ivanečki kresovi, Podravski motivi, Picokijada i tradicionalno okupljanje bajkera v samom gradu Koprivnici i još desetak kojekakvih okupljanja v organizacij koprivničkih udruga i nekih školskih  ustanova. Teško mi je sve to i pratiti. Ono kaj je najvažnije skoro sva ta događanja su popraćena i bogatom gastronomskom ponudom. V tome Podravina nigda ni oskudjevala. Davno sam pisal o sjajnim tradicionalnim svatovskim jelovnikima a to vam se događa i na svim drugim manifestacijama a da vam ne govorim o nekim obiteljskim okupljanjima. Bum vam samo spomenul jelovnik za imendan mojega pajdša Ivine z Gole za Ivanje. Počeli smo z domaćom šunkom kakvu već letima nisam jel, bilo je tu malo odličnoga špeka i domaćega sira a mesto kruha su bile pogačice od sira. Ni bilo juhe al je poslužen odličan srneći paprikaš. Onda je sledilo malo iznenađenje: lepi, velki primerki dravske ribe pečene v komadu, dobro zasoljene z mešanom šalatom od mahuhih i mladoga krumpira.Delikatesa! Za drugo glavno jelo je došla pohana piletina z prilogima. Za desert je došel fini kolač od orehi i još nekakvih namirnica kojega nisam nažalost mogel više konzumirati. Nekak mi je više posle šunke i ribe pasal gemišt.

Bilo bi mi drago da svi znatiželjnici navrate v Koprivnicu za vreme Podravskih motiva ili v Đurđevec za vreme Picokijade i na licu mesta se uvere kaj to Podravina i vredne Podravke nude od te gastronomske raskoši.  Verujte da i naša Podravka nudi puno kojekakvih proizvoda da bi se ta podravska gastronomija mogla još više oplemeniti. Jedna važna informacija. Ovogodišnji Podravski motivi imaju motiv:KOPRIVE! Po tom „korovu“ smo dobili ime a ak se sećate da smo pred dva tjedna spomenul restoran „Klas“ koj ima v svojoj ponudi puno interesantnih i slanih i slatkih zalogaja od mladih kopriva koje samo uzgajaju.

Štel bi vam još nekaj reči. Koprivnički Ivanec ima jednu prelepu, bogatu narodnu nošnju koja je već letima zaštitni znak svih priredbi koje predstavljaju podravsko narodno stvaralaštvo i naše narodno blago. To ističem z posebnim ponosom jer je z Ivanca moja pokojna Mama. Ona nije doduše dugo nosila tu nošnju jer je već kak mlada došla v Koprivnicu, ali njezina mama, moja baka, je celi život bila verna toj obleki i „za petek i za svetek“. No v jednom trenutku tam negde prije više od četrdest let se dogodila „izdaja“ i nekakva druga moda. Dobar dio mlađih žena se počel preslačiti v „gradsku opravu“ i kakti se počele sramiti svoje tradicije.To vam ni bilo ništ bogznakaj. Od sela su pobegle a do grada nisu došle. To je jako dobro iskoristil legendarni kustos Gradskoga muzeja v Koprivnici dr Leander Brozović i otkupljival je za male pneze tu prelepu i prebogato izvezenu nošnju. Čovek je bil vidovit. Koje desetljeće posle sve se počelo vraćati. Familija Vrban i Jakopić je marljivim radom počela delati na toj tradiciji, vezli su vjerne kopije te nošnje al su dodale i neke vrlo kreativne detalje. Srećom kaj su i mladi Ivančani konačno prepoznali vrednost njihove tradicije i sad je teško videti bilo kakvu važnešu svećanost v Podravini, i naravno v Ivancu, bez te nošnje. Mislim da su sve današnje mlade generacije silno ponosne na tu svoju tradicionalnu nošnju.

Još reč-dve o ovoj mojoj kajkavštini. Obzirom da se na njoj najlakše izražavam, jer mi je to materinji jezik, znal sam ju rabiti na nekim mestima gde to baš i ni dobro primljeno. Imal sam malih problema vu vojski pa i na mojim seminarima. Tak sam jemput delal za jednu poznatu zagrebačku banku i na kraju seminara sam dal da mi ispune anonimnu anketu o svojim dojmovina o mojem poslu. Dobil sam dobre ocjene ali i dve vrlo „ozbiljne“ primjedbe. Malo sam se naime opustil pa mi je pobegla koja reč šatre i kajkavštine. Primjedbe su bile otprilike ovak:“Gospodin vaših godna, obrazovanja i reputacije si nebi smio dozvoliti takve izlete“. Posle sam saznal da su primjedbe došle od dve Spličanke.Nakon toga sam dobro pazil z kakvim sastavom sudionika seminara radim. Meni kak rođenom kajkavcu pomalo teško negda pada govoriti čistim hrvatskim književnim jezikom. Trudil se bum pak i dalje pisati „svojom kajkavštinom“ barem v mojim  tekstovima i v mojoj, nadam se, budućoj knjigi o Podravini, Podravcima, Koprivnici i Koprivničancima. Od toga nemrem nikak pobeći.

Na Ivanje v Goli smo dobili kojekakvo mlado povrće pa ga bum ovaj tjedan iskoristil

Pondelek

Kak je ostalo pečenoga mesa od rođendana malo bum improviziral
Juha/Glavno jelo: Napravil bum bogatu mešanu šalatu i nutra narezal hladno pečeno meso. To sam pokupil negda davno v jednom njemačkom hotelu i jako mi se dopalo. To se more kombinirati i drugim mesima pa i z pohanim zdenim šniclima.
Desert: Posle napornoga vikenda v pondelek navek paše zdeni domaći sok. Imamo jednoga litrenoga vrča v kojem je v letu navek složen sok od Đurinih domaćih sirupa.

Tork

Škola je prestala al Jan još navek dolazi k nama  na obed v tork i petek.
Juha/Glavno jelo: Mahune z vrhnjem i faširanci;ne delam faširance svakoga za sebe nego napravim „pogaču“ i spečem ih v protvanu.
Desert: Pita od sira ala Đuro

Sreda

Juha: Prežgana juha z jajcima
Glavno jelo: Špinat, jajca na oko i pohani kruh
Desert: Voće

Četrtek

Juha: Juha od mešanoga povrća
Glavno jelo: Krmenadli na naglo, dinstane mahune
Desert: Panakota na Đurin način

Petek

Jan si je pak zaželel lignje. Voli svu ribu al mu smeta i fina riba z kostima. Dok je riba najčešće biramo ili lignje ili nekakav file.
Juha: Krem juha od kozica
Glavno jelo:Punjene lignje, slani krumpir; lignje punim z šunkom i krakovima
Desert:Čaše vina za mene; za Jana bu Đuro slagala bele kremšnite

Subota

Juha/Glavno jelo: Povrtno-mesni ragu
Desert: Biskvitna rolada z pekmezom

Nedela

Juha: Francuska juha od luka; za tu juhu treba puno strpljanja dok se dinsta luk a na kraju se doda tostani kruh i posipa z parmezanom. Ak niste jako gladni to more biti i glavno jelo.
Glavno jelo: Pečena pisanica „Stubica“, domaći rezanci, šalata
Desert: Kardinal šnite, kapučino