A kaj da danas kuham? (358)

Veselite se dolasku proljeće?Ja da!

Pred par dana sam nakon više od mesec dana išel za Đurinog nećaka Gordana po vino i jedva sam došel do gorici. Ovaj sneg i vodurina su oštetili puta tak da je zadnjih petstotinjak metri do kleti rupa na rupi. Vozili smo se jedva pet na vuru. Oni z mesne zajednice inače jako dobro održavaju puta al ih je ovo hudo vreme očito malo iznenadilo. Dok bum išel ovih dana ponovo gore već bu sve v redu. Uglavnom: život se vraća v naš lepi Draganovec.

Znate čemu se naročito veselim? Mladom zelenilu. Već tam početkom travnja sve tak lepo zazeleni a posebno je lepo videti  mladu šumu dugačku morti svega stotinjak metri koju mi z klape zovemo Čvrknjina gaj. Zapraf taj falačec šume je samo šumarak a ima svoju povijest. Naime naš je dragi, nažalost pokojni prijatelj Čvrknja, bil inženjer šumarstva koj je brinul i za velki dio šuma v našemu kraju. Onda se dogodilo negde pred rat da su na tom mestu redili šumu, hitali su sve staro drveće i najemput ni ostalo ništ od šumarka nego samo čista čistina. Svakaj smo mu rekli kak odgovornoj osobi a kum Fjaka mu je čak rekel:“Vi ste gorši mego Mlečani. Oni su velebita a vi našega Draganovca posekli!“. No Čvrknja se ni dal: „Mulci jeni. Kaj vi znate o šumi. Još se bute vi šetali po hladu te šume!“. Bili smo jako sumljičavi al moramo priznati da je bil v pravu. Šumica je predivno zrasla, hlada kolko oćeš  a šumica je dobila i svoje ime: Čvrknjin gaj! Svaki put dok se vozimo čez taj šumarak setimo se i prijatelja Čvrknje.

Kaj se dela v ovo vreme v goricama? Svakaj pomalo. Prvo moram hititi malo umjetnjaka pod brajde koje se više iscrpe od ostalih trsi. Na njima je navek strašno puno grožđa koje treba bolje hraniti nego ostalo trsje. Gorice buju dobile komposta kojega brižljivo skupljam celo leto.  Sledi rezidba. Kak smo Đuro i ja bili v jesen jako vredni sad imamo puno manje posla od onih lenih vinogradari. Mi smo v jesen porezali lucnjeve, zvadili ih i pospremili za roštiljanje. V proljeće napravimo trseku samo „frizuru“. Dok sam bil još čisto mladi goričar jen dragi preiajtelj mi je ovaj rekel:“Cela ti je filozofija rezanja v ovome:moraš paziti kak buš ovo leto bral, moraš misliti na budućnost trsa a svakak i na estetiku trsa“. Ibil je v pravu. Toga se jako držim i mislim da to dobro delam. Pazim i na to da trseka jako ne opteretim jer kaj je manji urod to je kvalitetneše vino. Neki su me pak stareši međaši upozorili na početki i na ovo:“Naj rezati još sam. Vuči se od iskusnih rezača. Znaš ti onu:rezač je berač“. Šteli su mi reči da lošom rezidbom moreš već v ožujku obrati gorice.

Oni kaj nemaju gorice moram podsetiti da je datum oko kojega se gorice režu od navek 19. 3. kaj će reči oko Jožefova. Toga se mi držimo mali vinogradari al znam da to oni kaj imaju na stotine hiljada trsi nemreju poštivati. Oni počnu z rezidbom već v jesen i to dela ekipa od desetina ljudi. Velki je to i odgovoran posel. Ti više kaj se svaka vrsta loze ne reže na isti način. Meni je lako. Imam 95 posto graševine, tu i tam nekakvoga dotepenca i zobatice.

Ovih dana moram i pošpricati lozu dok je još „gola“ tak da se rešim kojekakvih neželjenih gostiju. Srećom kaj je onih desetak-petnaest dana zime napravilo svoje. Vele iskusni goričari da jaka zima vredi više od bilo kakvoga špricanja. To grinja i vuši teško moreju preživeti. No to mi teško ne pada. Dve leđne šprice i gotov sam za malo više od pol vure.

Ima još jedan posel koj bu još malo pričekal:pretakanje. Naravno da sam ono prvo napravil još korajem studenoga, hladnoća ga je stabilizirala i moram se pofaliti: kvaliteta vina berbe 2017. je odlična. Imam doduše još i nekaj od berbe 2016. a to se bu popilo čim počnu radovi. A znate kakve su regule negda bile za pretakanje? Pretakalo se v mesecima ma S: sečanj, svibanj, srpanj i to samo po sunčanom vremenom. Danas su nekakva druga vremena a bome i tehnologije. Više ne pretačemo ručno i z kantama i škafima. Imamo male ručne pumpe pa je pri meni priprema, pretakanje i pospremanje gotovo za najviše dve vure. Imam jednoga mladoga pomagača koj mi je bil asistent još v Podravki i zna sve oko toga posla. Duže sedimo posle pretakanja dok se spominjamo i pretepamo kojekakve teme. Par-dva kobasi, malo špeka i kupica vina. Kaj nam drugo treba?

Znate samo kaj me malo brine? Kaj je ova zima ostavila iza sebe. Za uništavanje nametnika je bila odlična al je pitanje kak je delovalo na voće koje je v jednom trenutku lepoga vremena krajem sečnja i početkom veljače počelo lagano pupati. Bumo vidli za koj dan. Pak vam se sve svodi na ono: svako zlo za neko dobro. Al bome i obrnuto.

Josipovo nažalost već letima ne slavimo. Joško nas je napustil već odavno  al ga se mi setimo i popijemo na taj dan koju „vu vinkl“. Pajdašija se ne zaboravlja.

Prošloga tjedna  mi je bilo malo naporno. Prijatelj Imbra z moje generacije navek napravi za nas desetak pajdaša fešticu za svoj rođendan v svojoj vikendici desetak kilometri od Koprivnice. To je počelo kakti priprema za našu godišnjicu mature a često godišnjicu nismo ni spomenuli. Sad se zijdemo da pajdašu čestitamo, on nas počasti z dobrim obedom a znate da nam ne fali ni gemišta. Jedno lepo druženje. Malu žrtvu tu podnese Đuro jer obićno dočekamo na kolodvoru Imbrinog kuma Josu koj dojde Zagreba, pa nas mora otpelati na mesto „zločina“ i naravno tam negde pred večer opet dojti po nas. Imbra ima  fakat navek bogatu ponudu iće i pića. Aperitiva kakvoga ti srce želi, bogato predjelo koje obićno donese z Mađarske jer tam ima vikendicu. Naravno da je navek i bogato glavno jelo: janjetina, krmetina, bogati prilogi i razne šalate. Za slatko se pobrine njegova supruga.

Vikend je pak bil v znaku jedne godišnjice poslovanja. Prijatelj Gino je proslaviti  20-u godišnjicu kak je otprl butigu koja ni propala. Dapače. I dandanas dobro posluje. S kim buš to proslavil nego v krugu svoje klape i najbliže rodbine. Moram vam spomenuti kaj je bilo za papicu? Znate i sami da se za tak nekaj domaćini navek dobro pripremiju. Rekli bi Podravci:“Bilo je sega kak na Božić“!

I dok bute vi ovo čitali, Đuro i ja bumo verojatno v goricama obavljali nekaj od onoga kaj sam gore spomenul. Baš me veseli. Ak bu sve v redu i posluži nas vreme morti se odlučimo i koj dan tam prespati. Imamo v kleti sve kaj ozbiljna gospoda trebaju.

I baš dok v ovom trenutku završavam ovaj tekst javili su nam tužnu vest: Vmrla je Đurina mama Ada. Moja punica. O punicama se pripovedaju kojekakve zločeste priče al verujte da ima i jako dobrih punica. Moja je sigurno jedna od njih. Za dvajst i šest let kak samzet v tojfamiliji nisam od nje nigda čul ni jednu grdu reč, nisam čul povišeni ton a kamoli doživel nekakvu svađu. Mirna, staložena, navek dobro raspoložena kakva je bila tak je i spokojno zaspala. Valda svi dobri ljudi tak odlaze. Draga Ada, bilo je veliko zadovoljstvo živeti s Tobom.

Pondelek

Juha/Glavno jelo: Kisela juha od pilećih želučeki
Desert: Znate već. Jogurttorta od jučer

Tork

Juha: Paradajzova juha
Glavno jelo: Štefani pečenje, restani krumpir, šalata
Desert: Voće

Sreda

Juha/Glavno jelo: Čušpajz od poriluka, suha svinjska rebra
Desert: Kifli z pekmezom

Četrtek

Juha: Krem juha od brokule
Glavno jelo: Pileće jetrica, hajdinska kaša, nekakva šalata
Desert: Kompot od jabuki

Petek

Predjelo: Riblja pašteta na tostu
Glavno jelo: Šaran v kuruznom brašnu i začinima, krumpir šalata
Desert: Čaša vina

Subota

Juha/Glavno jelo: Špagete karbonara, šalata od griškoga zelja
Desert: Čaša crne pive

Nedela

Juha: Juha od sitnine „staroga“ pevca z rezancima; neki dan smo nabavili dva prekrasna pevca za male nofce
Za predjelo bumo oglodali malo posoljenu sitninu
Glavno jelo: Dinstani pevec vu vrganjima, luleki od kolko-tolko testa
Desert: Rolada od lisnatoga z orehima