Ovih mesec dana je od navek bilo vreme v znaku svetki, radosti, obilja na stolu i kojekavih prigoda za obiteljska okupljanja i druženja z pajdašijom. No nekak mi se čini da je sve te dane pune svetki trebalo malo drukčeše rasporediti. Advent je već počel pred tjedan dana i trajal bu celih mesec dana. Za sve to treba imati fest kondicije. I penez naravno.
Kaj nas čeka od sv. Nikole do Tri kralja? (1)
Ovaj tekst pišem na Barbaru pa se Đuro i ja pokušavamo setiti koga imamo z tim imenom makar i v daljoj familiji. Nismo se mogli nikoga setiti osim jedne jako daleke rođakinje koju nismo već letima vidli. No znam da se Barbare buju svakak setili rudari. Kolko se sećam z detinjstva ona je zaštitnica rudara. Negda je to bil dost velki svetek jer su v našem koprivničkom kraju delala čak tri rudnika: Podravska Subotica, Glogovec i Petrov dol. Danas ne dela niti jedan. Koprivničanci nisu desetljećima imali problema z ogrevom za zimu al su to već dugo prošla svršena vremena. Tu i tam se neko još navek grije na drva a svi ostali su navalili na plin. Jest da je to danas velka komocija al se ugođaj grijanja na klasična goriva, starinska peć i kamini, nemreju z ničin nadoknaditi. Đuro i ja ovih dana intenzivno razmišljamo da vikende provedemo v goricama. V kuhinjki imamo starinsku zidanu peć z dva rola koja onih naših šest kvadrata zagrije za pol vure a v sobi je velika kalijeva peć koju treba malo jače hajcati al ta toplina traje bar dan i noć. Nabavili smo baš neki dan dodadnu količinu drva za te peći pa moremo v goričkom ambijentu uživati prek vikenda celu zimu. I naravno zaštedeti fest plina v kući. Znate kaj je posebno interesantno? Dok juhu kuham na peći ili nekaj pečem v rolu to je jedna čist drukčeša kvalitete klope nego doma na plin ili struju.
Za dva dana bu pak sv. Nikola, svetec kojemu se vesele sva deca. Ja ga nigda nisam volel zbog onoga njegvoga zločestoga pratitelja Krampusa. Đuro već zmišlja kaj bu poklonila svojim vnukima. Samo si moraju fest zglancati cipele i deti ih v oblok. Svi buju dobili nekakav skroman poklončić i naravno zagrljaj od dede i bake.
Ovaj tjedan mi bu fakat jako naporan. Posle crkvenih svetki dojdu dva dana koja treba spomenuti. Sednoga prosinca bu cela naša klapa prisustvovala na dodjeli velikoga priznanja Republike Francuske našem prijatelju Zlatku Kauzlariću Ataču. Taj svećani čin se bu dogodil na PRC-u, Podravkinom restoranu “Štagelj” gde bu verojatno i sva koprivnička gospodarska i politička krema. Kak bu to zgledalo bum vam nekaj napisal drugi tjedan. Samo dva dana kasneše imamo kuma Biba i ja našu tradicionalnu proslavu rođendana o čemu vam bum takaj nekaj napisal dok vidim kak bu sve to prešlo.
Dok bute pak čitali ove retke ja bum imal svoje koline. Z nekakvih objektivnih razloga taj tradicionalni čin sam moral odgoditi za desetak dana. Uspel sam samo kupiti desetak kil krmetine da napravim kobase za rođendan. Ak za predjelo nema prezvuršta i kuhanih suhih kobasi z hrenom rođendan ni uspel. Za prezvuršt se pobrinul moj prijatelj Hus. I o tome događaju bu reči drugi tjedan.
Ovih sam dana malo obogatil svoju zbirku kuharici za još jednu kuharicu. Od svoje nećakinja Jelene sam danima prije rođendana dobil knjižurinu od čak 736 stranica pod naslovom “veljko barbieri”, z podnaslovom vrijeme je za gozbu. Izbor tekstova je napravil Velimir Visković. E sad imam problem. Kak savladati tu knjigu. Da to čovek prečita treba si zeti godišnji. Doduše ja sam kak penzić furt na godišnjem al moram zeti v obzir da imam i kojekakvih drugih obaveza. Nemre čovek samo čitati kuharice.
I još jedna novost. Ova ista Jelena mi je dala samo na uvid još jednu interesantnu kuharicu. Pazite kak se zove:”Titova kuharica”. Znal sam ja da je Tito volil dobro papati al je većini ljudi ostala v sećanju samo ona njegva priča o kuhanoj svinjskoj glavi.Sad tek vidim da je Tito zapraf bil pravi gurman iako je navek dal prednost jako jednosatavnim jelima kakva bi bila danas jako v modi. Reklo bi se čista zdrava hrana. Cela je knjiga zapraf zvađena z “originalne i službene dokumentacije sa svečanih ručkova i večera”. Meni se nekak najviše dopal zadnji dio te kuharice koja govori o jelima na obedima i večerama koje je Tito pripremal za goste dok bi dolazili v bivšu nam državu. To su klopice koje bi rado probal svaki pravi gurman. I da znate. Knjiga nije od negda, od one države. Tiskana je 2005., kaj će reči za ove naše mlade države. Moram ju dobro pregledati prije nego ju vrnem. Morti najdem i koj primerak v kakvom antikvarijatu. Nekoja jela bi svakak štel i ja doma pripremiti za Đuru i mene.
Kak i v celoj Lepoj Našoj tak se i v Koprivnici priprema kojekaj za celo vreme adventa. No kak po zimi izlazim v grad samo dok moram nemrem vam prenesti ugođaj podravske prestolnice tih dana. Bu i za to vremena.
A kaj kuham ovih dana? Morete i naslutiti. Uglavno sve ono kaj podravski zimski jelovniku predviđaju z jednom velkom dozom opreza. Moram paziti na Đurine ali i moje zdravstvene problem. To će reči da nebi smelo biti preveč masnoća a bome niti preterivanja v konzumaciji alkohola. Naravno da tu v prvom redu mislim ipak na sebe jer su izazovi skoro svakodnevni. Za svaki slučaj sam si nabavil dovoljno alupurinola. Nek bu pri ruki ak preteram za kolinske dane.
Pondelek
Obzirom da je vikend bil jako gastronomki bogat dosta nam bu i jedna dobra juhica.
Juha/Glavno jelo:Povrtno-pileći ragu
Desert: Kolači od vikenda
Tork
Danas imam imam koline. V Goli mi bu mesar napravil radove na grubo a Hus i ja bumo obradili meso a sutra ostale proizvode..
Juha: Danas je nebu jer bu ritam posla malo drukčeši nego ostale dane
Glavno jelo: Od svega pomalo: najprije friška jetrica na naglo z puno češnjaka a malo posle i frišketina na naglo z turšijom.
Desert: Morete zamisliti nekaj drugo osim gemišta?
Sreda
Danas se delaju proizvodi pa bu pravi kolinski jelovnik
Juha: Kolinsko zelje z frišketinom
Glavno jelo:Pečene krvavice, čurke i kobase z turšijom
Desert:Osim gemišta morti buju već gotovi i čvarki. Kak vam se sviđa ovaj desert?
Četrtek
Nisam siguran al bi se lako moglo dogoditi da bumo imali ostanjke od jučer. Mi smo ipak Podravci i znamo malo štediti.
Petek
Dobil sam od dobrih ljudi lepi komad vratine od mlade košute. Već sam prije pripremil za decu čisto meso v pikantnom saftu i semerkledle a danas bum od onih “mesnatih kosti” napravil za Đuru i mene paprikaš
Juha/Glavno jelo: Paprikaš od košute z fužima
Desert: Lagani gemišt
Subota
Pri nam je običaj da se posle kolina napravi juha od svinjskih kostiju.
Juha:Bistra juha od svinjskih kostiju z leberknedlima
Glavno jelo: Meso od kuhanih “mesnatih kosti” (pak mesnate kosti), restani krumpir
Desert: Morti se Đuro odluči napraviti salenjake?
Nedela
Mislim da bu i danas lešada
Juha: Juha od junećeg flama
Glavno jelo: Kuhani flam, pire i koparsos
Desert: Imamo još navek jabuki koje treba potrošiti. Vjerojatno buju štrukli z jabukama.
:(Još nema komentara