A kaj da danas kuham? (338)

Kaj se sve od klope reklamira?

Ak ste me negda raneše pratili mogli ste primetiti da me strašno nervira ona neverojatna hrpa reklamih cajtungi i kojkekavih obavesti koje nam bar 2-3 pu tjedno ostave v poštanskom sandučiću  deca, student ili ljudi bez stalnoga posla. Nisam ja protiv tih ljudi al me jako smeta kaj mi to ostavljaju na štengama ili zateknu vu ukrasnu živicu. Ja to mam pokušavam hiti v koš za papir al neda Đuro. Ona to sve prouči, kao bu nekaj kupila kaj “nam baš jako treba v kući”.

Ja sam pak poznat baš po tome kaj nigda ne kupujem ono kaj mediji reklamiraju. Z iskustva znam da je svaka reklama samo “umjetno stvaranje potreba” a iza toga često ne stoji nikakva kvaliteta niti stvarna potreba. Najte ni za boga misliti da mislim kak reklame ne utječu na odluku o kupnji nekakvoga proizvoda. Itekak ima utjecaja jer se nebi neki proizvodi tak dugo održali. To vam je na pr. Coca Cola ili ak oćete i naša Vegeta. Samo kaj ja to ovak doživljevam: Coca Cola je “kaj god proizvod” a Vegeta pak proizvod z kojim se “bolje jede”.  Vegeta i jušne kocke iliti briketi su nekaj bez čega “nemrem zamisliti današnje kuhanje”. Kad već spominjem Coca Colu onda moram spomenuti ovaj spot kaj se vrti već danima svakih par sekundi. Ko si opće poželi popiti Colu posle onoga dječjega molećivog glasića “glavnoga glumca”?

Daklem! Gledam ja ovih dana reklame na Tv-u i zapišem tu i tam nekakvu “čudesnu reklamu” koja naravno fest i košta, posebno ak je v udarnom terminu.  Niste morali baš biti jako pažljivi al ste sigurno mogli zapaziti celo ovo leto, naročiti po leti, reklamu za jedno naše pivo. Mogli ste menjati kanale kak ste šteli al ste navek nabasali na onoga poznatoga glumca koj sedi vu fotelji i fali na kamare “to i to pivo” i navek doda:”Ak idete na pivo idite na ..........”. Više to nisam mogel zdržati nego sam im poslal mail i ovak otprilike rekel: “Ak sam v ikaj siguran, siguran sam da više nebum pil vaše pivo!” Znam da su se zmrzli od moje pretnje al verojatno ima još takvi kk sam ja. A baš sam se na to pivo svojevremeno navlekel na jednoj letnoj gaži v Selcu.

Onda poglečte one reklame na svim mogućim kanalima za “najnoviju ponudu”, “akciju koja traje od ve do ve” i slične “nevjerojatne ponude tjedna”. Reklamiraju se neverojatne stvari: pecivo, kruhek, svinjska vratina, plečka bez kosti, ili pak “gotovo pripremljeno meso za fenomenalan roštilj”. Kaj je najvažneše sve to nude po “neverotnoj ceni od samo... kuna”. Ite prosim vas. Pa ko to more verovati? Desetljećima pripremam meso za roštilj i jako dobro znam kak mora zgledai meso za  roštilj a bome i kolko to košta. Nedaj bože da kupite gotovo čevape po ceni od 1,5 kn za komad?! Dobro prečitajte deklaraciju da vidite ko to dela i od čega su.

V zadnje vreme vidim sve više reklami za “kruh naš svagdašnji”. Kaj smo do tud doterali? Nisam mogel nigda zamisliti da se bu kruhek reklamiral kak i Coca Cola. Jest da je konkurecija strašno velika al da bu baš ta propagandna mašinerija i tak nekaj reklamirala nism mogel ni zamisliti. Mi mala stareši dobro pamtimo da smo bili zadovoljni dok je kruha uopće bilo. Takvi kak ja ni danas ni zamislivo da neko more reklamirati “osnovnu životnu namirnicu”. A verujete da je dio reklamiranog kruha jestiv samo vuru dve. Drugi dan nije dobar ni za tostanje. No ak pak znamo da se reklamira i “izvordka voda” onda vidimo da je sve moguće. Bez kruha i vode nema života.

Znate kaj me posebno “šokira”. Već nekolko dana vidim da se nekakav slani keks, ili morti kreker (?!), reklamira v 22.50! Pa ko to gleda i kakav je efekt te reklame? I još k tome v toj reklami sneha se raznježi na poziv svekrve!? Koja sneha more poverovati toj reklami? A pazite sad. Odma iza toga dolazi reklama za čokoladu “Dorina”. Morete zamisliti kak bu neko mam skočin v auto i brzo poiskal tu čokoladu na najbližešoj benzinskoj pumti.

Ili čujte ovo. Reklamira se nekakva salama za 1,5 kn deset (10) deka!!! Jest da je akcija al kaj je preveć je preveć. Morete zamisliti kvalitetu salame koja košta samo 15,00 kn kila?!

Ite molim vas.

E a sad nekaj kaj me silno iritira al mi je srećom pri ruki daljinski. Već se danima v udarnim terminima na svim mogućim kanalima reklami za kečap. Odavno me ni ništ tak ziritiralo. Dok onaj piskutavi glas počne govoriti i faliti proizvod mam sam v depresiji i očajnički išćem nekoj drugi program. Doduše zna mi se dogoditi da baš nabasam i tam na tu reklamu. Kaj to more morti pomoći v ovoj situaciji “velikom Gazdi”? Siguran sam v jedno: toga kečapa nigdar nebum kupil.Đurim ajvar je sigurno prava delicija v odnosu na taj “čudnovati proivod”.

I da vas više ne gnjavim bum vam spripovedal istinite anegdote z mojega islustva dok sam još delal v Podravki.

Podravka  je hitila početkom sedamdesetih na tržište svoje pivo “Panonia pils”. Bilo je to to svim kriterijima najbolje pivo na našem tržištu jer je napravljeno po najbolšim recepturama njemačkih i čeških piva. No pivo ni išlo niti v koprivničkim birtijama. Ljudima je to bilo “nekak neobićno pivo”. Ljudi su se navikli na kojekakve domaće bućkuriše. Onda smo išli istražiti v blind testovima kaj o tome pivu misle v Križevcima, Belovaru i Varaždinu. Nudili smo ljudima naše i druga domaća piva i došli do zaključka: prosečni konzument ne razlikuje pivo od pive!? Kvalitetu pive doživljavaju samo na osnovu etikete!!! Bum vam citiral izjavu jednog čoveka vu Varaždinu: “To je pivo. Ja ga pijem već dvajst tri lete i znam kaj je kvaliteta”. A znate v čemu je bila kvaka. V trećoj seriji ponuđenoga piva je sve pivo bilo naše ali pod etiketom drugih piva. Kaj je još veći štos taj je čovek bil skladištar dvajst tri lete baš kod jednoga konkurentskog piva.

Slične situacije su se događale i dok smo testiralo “Studenac”. Čak ni moji pajdaši nisu šteli piti v goricama gemišta “Lipičkom” nego z “Radenskom”. Dok smo pak napravili jedan blind test z tri različite vode, jedan “velki poznavatelj” mineralne vode ni uspel pogoditi niti jednu.

Kad sam već spomenul blid test, kaj će reči na slepo, evo jednog ozbiljnog istraživanja za paštete. V Podravki je svojedobno delal i moj kolega još ze studentskih dana a slovil je kak najbolji interpret dobivenih rezultata za prehrambene proizvode. Na nekolko stotina ispitanika  v zagrečakim trgovinama punudil je osim naših pašteta i paštete još nekolicine drugih potrošača. I kaj se pokazalo? Naše su paštete bile najbolje ocenjene ali se to ni odražavali v prodaji. Bilo je to vreme dok je na našem tržištu bila bez konkurencije pašteta “Odlično je. Od Gavrilovića je”. To je tak dobro selo da je bilo opće prihvaćeno od potrošača. Sećam se jedne situacije na slovenskome tržišt z tom paštetom. Obilazil sam z jednim našim trgovačkim putnikom trgovine po Ljubljanji dok mi je rekel:”Gle njihove paštete  nisu bile na tržištu par let niti je bilo reklame. A pogleč. Pak su tu, odlično se prodaju kak da nisu nigda ni nestale z polici!”. Eto. Ima i  takvih primera.

Znate kaj. Jako bi štel saznati kolko neke od tih smešnih reklama imaju efekta na prodaju i profit? Zato budite oprezni dok vam uporno nekaj nudiju. Nije navek istina da stoput ponovljena laž postaje istina. “Laž” negda ostaje laž za navek.

Se sećate one zadnje  sunčane subote pred pogoršanje vremena? Došel je Atač Zagreba, moj prijetelj Pepek z familijom, Đuro i ja smo i napravili lepi obed i za desert spekli kostanje. Još nam je pajdaš Tonč donesel mladoga portugisca. Baš smo uživali. Onaj jelovnik za subotu sam brzo zaboravil.

Pondelek

Juha: Juha od ribane mrkve
Glavno jelo: Vrganji z jajcima, nekakva šalata
Desert: Kostanj-kocke od jučer

Tork

Juha: Koprova juha z krutonima
Glavno jelo: Krmenadli v saftu od pasiranog povrća, luleki od kolko-tolko testa, šalata
Desert:  Kuruzna zlevanjka

Sreda

Juha/Glavno jelo: Prisiljeno zelje z paradajzom, faširanci
Desert: Voće

Četrtek

Juha/Glavno jelo: Vinski gulaš z par kockici krumpira
Desert: Zapečene palačinke sirom

Petek

Juha: Juha od škarpine
Glavno jelo: Škarpina lešo, blitva i krumpir
Desert: Kolača mora za vnuka zmisliti baka. Dok on dojde nema obeda bez kolača.

Subota

Juha/Glavno jelo: Domaći rezanci ala “francuski krumpir”, zelena šalata
Desert: Nekakav sok

Nedela

Juha: Juha od goveđih kostiju z leberknedlima
Glavno jelo: Srneći paprikaš, zemerknedli, šalata od friškoga zelja
Desert: Šaumrole; to bu Đuro morala napraviti od duple smese jer mora namiriti i    vnuke.