A kaj da danas kuham? (335)

Lepota rano jesenskog dana v goricama

Samo da nebu zabune: ovo kaj pišem se je dogodilo onoga prošloga vikenda obzirom da ja novi tekst pišem z jednim tjednom zakašnjenja. Nadam se da me bute razmeli.Samo se bojim dok tekst dojde do vas dab u pak kiše v izobilju.

I tak vam mene nazove jednoga lepoga dana moj prijatelj Atač i veli:

“Stari moj tak sam se zaželel prirode. Ja bum došel v subotu v Koprivnicu pa bi mogli morti nekaj organizirati da spečemo malo kostanji? I kaj da mu velim:”Naravno da moremo. Samo ti lepo dojdi drito Zagreba v moje gorice.”

Tak je i bilo. Đuro i ja smo posle našega jutarnjeg ritual pokupili sve kaj nam treba za obed da “preživimo” taj dan v goricama a v tom trenutku se javila Đurina kćer Irena i najavila da bi njezina klapa išla v šumu brat kostanje i da bi onda došli to speči k nama v gorice. Evo ti kec na jedanajst. Sve se lepo poklopilo.

Dan je bil prekrasan. Baš onakav jesenski sunčani dan, bez previsokih temperature, bez vetra, kakvoga ja preštimavam od navek. Čim smo došli v gorice, Đuro i ja smo rasporedili posel: ona bu pozubačila lišće i počistila malo klet a ja sam najrije pripremil sve zakuhanje. Onak je bil jedan lagani obed kraj kojega ne moram dugo stajati pri peći. Zel sam malo veći falačec bočinga za troje, Atača, Đuru i mene, del to kuhati na laganu vatru i očistil sve povrće za juhu. To je onak jedan lagani obrok za tak ozbiljne ljude kak smo nas troje: juhica z domaćom testeninom, meso i povrće z juhe z odličnim maslinovim uljem.

Dok je Đuro bila zaposlena svojim poslom ja sam krenul na farbanje vanjskoga drva na kleti. To drvo vam dosta brzo gubi boju na suncu i svakih par let moramo ga osvežiti i zaštititi. Ni teški posel a dve-tri pikse farbe i ni nekakav velki strošek. Naravno da sam tu i tam išel pogledati kak se stvar odvija z našim obedom pa opet na zrak z penzlom v ruki.

Atač baš ni čovek koj se drži vremena al ga moram ovaj put pofaliti: doše je samo desetak minut kasneše od vremena kak je obećal. Taman na vreme da ja zvadim meso i povrće z juhe i zakuham testeninu. On je pak drito z auta otišel v trsje da najde kojega posle berbe zaostaloga grozdeka. I da znate da ga je brzo našel pa mu je to bilo malo predjelo. Moji vam berači penzići baš najbolje ni ne vide pa ni čudo da im navek ostane koj grozdek. To je tak slatko za najti i pojesti a i ptičice se moru malo pogostiti. Na brajdi znamo i namjerno ostaviti kojega grozdeka jer v jednoj jabuki i na kleti imamo gnezda z ftičekima.

Posle obeda sam nam donesel politrenku vina  a znate da se z kupicom v ruki lakše spominja.

Taman nekak sred našega ugodnoga razgovora došla je i ekipa z kostanjima. Na brzinu su stepli z kojekakvih vrečica  kostanje na stol i počeli ih rezati kak nebi preveć pucali. Muški dio klape je vužgal vatru i za koji čas je podolje zadišalo po friškom kostanju, prvi put ovoga leta. Atač je v međuvremenu zabavljal decu z kojekakvim svojim dogodovštinama a ja sam skonul do podruma po punu litru vina. Da ste vidli kak je društvo navalilo na prve pečene kostanje. Deca su se zmusala posvakud a ni stareši nisu bolje zgledali. Kak da ih je dimnjačar nafarbal.

Prelepi sunčani dan, prelepo druženje i uživanje v plodovima darežljive jeseni. Doduše čim se sunce malo nagnulo prema zapadu nekak je zahladilo i društvo se brzo razišlo. Dok sam došel doma i stuširal se mora vam nekaj priznati. Već dugo nisam osetil tak prelepi, ugodan umor. Nadam se da bu ove jeseni još takvih dana.

Moram vam još nekaj reči. Jabuke smo Đuro i ja pobrali par dana prije i pospremili v podrum ali smo na drvetu ostavili samo one manjše koje bumo pobrali za koj dan jer bumo delali jabučnoga octa. Nekak nam je taj domaći jabučni ocet najbolši. Ostala nam je za obrati još samo mucu, jedna mlada japanska zimska jabuka, koja jako dugo more stati a meni je prefina. Tak je lepo nakićena, ima samo petnaestak jabučica, da bi ju najrajše ostavil do Božića.

Za moju kuhinju sam se pak pobrinul za malu zalihu vrganji. Pri nama su na placu po 60 kuna no ak imate prijatelje v Goli prejdete puno jeftineše. Neki dan nas je nazvala Slava, žena našega gazde Ivine, i pitala da jel bi mi morti friške vrganje. Naravno da bi naročito ak su na pol jeftineši ili čak zabadaf. Zeli smo dve kile, lepo sam ih očistil i spremil za bar četri obroka. Bili su veliki, čvrsti i bez ikakvih crveki. Moram ih samo dobro skombinirati z mesom ali bu i pala jedna dobra kisela juha z malo krumpira. Znam da ima i puno bolših gljiva ali za mene su vrganji od navek bili jedina prava gljiva.

Pondelek

Juha: Podravkina kokošja  z vrečice
Glavno jelo: Francuski krumpir, šalata od cikle; ovo je po izrazitoj Đurinoj želji
Desert: Pogačice sirom

Juha: Koprova juha z krutonima
Glavno jelo: Lungić z vrganjima, luleki od kolko-tolko testa, zelena šalata
Desert: Jedan od naših sokova

Sreda

Juha/Glavno jelo: Čušpajz od poriluka, faširanci  
Desert: Voćna šalata

Četrtek

Juha/Glavno jelo:Bogata juha od vrganji i malo krumpira
Desert: Palačinke z pekmezom od zelenoga paradajza; Đuro je napravila dve flašice toga pekmeza jer smo v goricama imali fanj paradajzi koji nemreju više nikak dozreleti

Petek

Juha: Krem juha od graha, mrkve i celera: verojatno bum zakuhal rezance od palačinki jer nam buju ostale od jučer
Glavno jelo: Šaran v kuruznom brašnu, krumpir šalata z koščićnim uljem
Desert: Mešani puding: vanilija i čokolada z malo višnji z kompota

Subota

Juha/Glavno jelo: Gulaš od bočiga, domaći rezanci ili fuži
Desert: Malo voća

Nedela

Kupili smo velkoga pevca od kojega je odlična juha. Ja bum ovak napravil:
Juha: Juha od pevca; skuhal bum samo pol jer je prevelki
Glavno jelo: Komade kuhanoga pevca bum onda hitil na luk, dodal vrganje i dobiljedan fini umak; za prilog bum dodal nekakvo testo
Desert: Rolada od kostanja