A kaj da danas kuham? (325)

Letnji štikleci z interneta

Naletim vam ja neki dan na jedan naslov koji veli: “Maja Šuput se previjala od bolova”. Splašim se za dekličku jer mislim da ju je napala neka strašna boleština. Kad ono v tekstu stoji kak ju je samo jedan dragi prijatelj polejal zdenom vodom. Njezina reakcija je bila fakat za poludeti: “J...m ti. Ti nisi normalan”.Znam ja da to baš ni ugodno na ovoj žegi dok te neko iznenadi poleje z kantom zdene vode al si mislim: dobro je napravil da ju malo rashladil a z druge strane se pitam jel to fakat vest za naslovnicu na nekojem portal. Onda idem malo dalje i vidim takaj jednu “prestrašnu vest”.  Neko je našoj “proslavljenoj“ manekenki neko spomene njezinih 41 (četrdeset jedno) leto a ona mu odgovara:”41 i j....e se svi!” Prekrasno! Još jedna informacija koja je jako dirnula ovaj internetski narod.

Onda se malo zapičim na jednu velku svađu između naše Lucije Lugomer i Hane Hadžiavdagić. Doduše nemam pojma ko je Hana al Lucija mi je odavno jedna od dražih javnih osoba. Od navek sam rajše pogledal nalo puneše djevojke i žene i nikak nemrem razmeti zakaj to smeta nekakvu Hanu. Ljudi su takvi kakvi jesu i zakaj opće zadirati v nečiju intimu i privatnost. Nekome je koja kila više od papice a nekome pak od prirode. Znam ja da Lucija kak ekstra size maneken svakaj dela na svojoj liniji al je majka priroda štela da bu baš takva. Samo budi takva draga Lucija. Ja sam na tvojoj strani.

Onda najdem na jednu frišku vest o našem premilom kardinalu Bozaniću. Siromak se našel na nekakvoj listu među šest bogatih pobožnih ljudi z lepim ciframa v eurima.E sad! Njegvo ime fakat tam stoji, podatak je verojatno verodostojan, al nisam do kraja razmel jel to lova od crkve, kaj će reči djelomično i naša. No usput vam bum ispripovedal jednu istinitu priču o jednom poznatom svećeniku, nažalost pokojnom, z okolice Koprivnice. Jemput je sedel z koprivničkom političkom elitom i razgovarali o koječemu. Inače je bil poznat kak “socijalistički pop” koj vozi navek najnovije modele Opel Kadeta. I tak ga ovo vrlo društvo jemput zapitalo:”Rečite nam veličasni odkud vama novci za tak dobre nove aute?” Nisu dugo čekali na odgovor:”Od vaših komunista dragi drugovi. Moji su župljani siromašni a vaši se članovi po noći venčaju i krstiju decu a oni imaju penez!”. To je bila i istina. No dok je naš dobri svećenik vmrl došlo je do malih nezgoda. Naime ostavil je lepu svoticu maraka, nekaj zlatnine i naravno auto. Kak vam je on godinama živel z jednom svojom “kuharicom i rođakinjom” a imal je negde v Liki i bližu rodbinu došlo je do maloga konflikta. Sve je to završilo na sudu ali je zbog velike brige i bliske rodbinske veze z “kuharicom i rođakinjom” ona sve to zasluženo nasledila. Pravda je bila zadovoljena.

Onda vam ja vidim jednu velku sramotu jedne poznate američke novinarke. Pobrkala je Sloveniju, Slovačku i Hrvatsku i sve to smestila v bivšu nam državu. I da znate da se ja tome ne čudim. Tam polovicom devedesetih sam bil mesec dana v Bavarskoj na usvršavanju njemačkoga jezika. V grupi nas je bilo čak devetnajst z cele Evrope. Manje više su to bili ljudi z vrlo pristojnim obrazovanjem. Kak je još navek pri nama trajal rat pitali su me da kaj se to zapraf događa v Hrvatskoj i ko tu protiv koga ratuje. Iako je to već bilo treće ili četvrto leto od početka rata ti ljudi, takorekuć naši susedi, nisu imali preveć interesa za prestrašni rat na tristotinjak kilometri od Bavarske. Zakaj bi onda jedna američka novinarka morala znati gde je Hrvatska? Uostalom poznata je stvar da prosječni Amerikanci  nisu nigda preveć razmišljali o tome kaj se događa v ostatku sveta. Oni su sami sebi dosta.

Na tu priču se nadovezala i izjava jedne žene iz Srbije koja je iznervirana dugim čekanjem na granici poželela da nas nigda ne primiju v Uniju. Dok joj je muž rekel da mi već jesmo v Uniji samo je dodala:”Ko vas primi u Evropu!” Eto ti ga na.

Mi se v Koprivnici i okolici pak moremo pofaliti, ne doduše prvi put, da smo rekorderi.Nije doduše baš za pofaliti se al rekord je rekord. V samo dva-tri dana imali smo rekordere v količini napuhanih maligama. Negde od 2,5 do 4,2 promila. Pa kaj hoćete više. Nema pri nama Podravcima. Dok delamo zapraf delamo. Sećam se čak da je jedna vrla dama pred par let v Prekodravlju napuhala takaj fest prek 4,0. Vele ljudi da je to pri njoj bilo normalno jer je tak već letima. Za nesreću je taj put dok je morala puhati otišla z traktorom malo v grabu pa je oćeš-nećeš morala i puhati. Njezin rekord do danas ni oboren.

Onda sam našel jednu baš zabavnu informaciju. Naime oni kaj proučavaju one antičke lepotane sportski građene, su nakon više od dva tisućljećja primetili da svi ti kipci imaju jako malu muškost. Moram priznati da sam se dobro nasmijal dok sam prečital njihove zaključke o tome zakaj tak lepi muškarci z tolko puno mišićne mase imaju samo na jednom mićišu tak malu masu. Mislim da to zahteva jednu ozbiljnu studiju. Tu bi se mogli uključiti i neki naši političari. Morti im se malo više razvije onaj mišić v glavi kojega tak malo rabiju.

Javil nam se i Rojs. Eto zbog nekih starih greha dobil je nekakvu kaznu. Onda on kak pravi general neće guliti krumpire ili nedaj bože pometati vulice nek kak prava muškarčina oće v ćorku. Tak se to dela. Ni on Čobanković da bu za opće društveno dobro gulil krumpira v restoranu društvene prehrane.

Skoro sam zaboravil. Već sam mislil kak bumo na Todorića brzo zaboravili kad ono baš ovih dana dolazi sve više novih vesti o njegvim crnim rupama. Taj čovek stvarno ni imal meru. Sećam se nekog davnog vremena dok se pojavila informacija kak oće kupiti Podravku. Svi mi stari Podravkaši smo bili ogorčeni na takvu mogućnost i tek sad vidimo kak smo bili vu pravu. Od toga vremena nisam nigda ušel v Konzumove trgovine osim jednog slučaja. Imal sam puno bodova na AMEXU a to nisam mogel nigde drugde potrošiti osim pri Todoriću. Očeš-nećeš moral sam te bodove zameniti za jedan bogati špeceraj.

Evo dragi moji kaj sve morete ovih letnjih dana najti na internetu. Mi stareši smo  ponekad strašno šokirani. Vi danas nemrete ni kihnutu doma v svojoj kuhinji a da to za pol vure ne dozna cela Hrvatska al i šire okruženje. Negda smo i za velke i ozbiljne događaje čekali i par dana da dojdu do javnosti. Internet sve zna i more.

Onda sam malo prosurfal oko letnjega jelovnika.Nemrem reči da sam našel nekaj revolucionarno kaj se tiče korištenja kojekavih sezonskih namirnica.Sve je to v mojoj kuhinji uglavnom zastupljeno osim kaj ipak moreš najti kakvu novu ideje da nekaj napraviš na drukčeši način. Đuro se posebno prilagođava sezoni z kojekavim novotarijama. Tak je neki dan imala viška kruški šefici, koje imaju jedan posebni tek i deca ih jako vole jesti. I kaj je napravila. Štrukle od šefici! Ja te kruškice baš ne volim ali moram priznati da su v štruklima jako ukusne.

Još mi ovih dana nekaj pada na pamet. Druga Tita već danima razvlače po novinama, skidaju mu ploču z njegvoga trga, nekoji ga brane nekoji ga napadaju. Uglavnom je oko svega toga jedan velki cirkus. Ja sam se pak setil jedne davne priče z njegvoga života i to baš v ove prevruče letnje dane. Zamislil sam si kak bi se v moj letnji jelovnik uklapala ona svinjska glava koju je Titek pripremal za svoju mlađu braću? Fakat bi čovek moral biti jako gladan da se okrepi z takvim “laganim obrokom”. Dobar tek!

Sad se bute morti zapitali zakaj uopće čitam sve te zvizdarije na internetu? Ha čujte. Čovek se z nečim mora tu i tam zabaviti i opustiti se. Još si k tome na CMC-u odslušate neku od “prelepih popevki” od Lidije Bačić ili Jelene Rozge i letnji ugođaj je potpun. Kaj mi morti malo zavidite?

Pondelek

Jedan jako lagani obrok po Đurinoj želji maker je piletina bila i jučer
Juha/Glavno jelo: Piletina v mešanom povrću; imam mahune, graška, mladu mrkvicu i krumpira.
Desert: Dobro ohlađena lubenica

Tork

Juha: Krem juha od tikve
Glavno jelo: Krmenadli na naglo, pohane tikvice
Desert: Sok od maline

Sreda

Juha/Glavno jelo: Špinat, svakome dva jajca na oko, pohani stari kruh
Desert: Kifli od lisnatoga testa z pekmezom

Četrtek

Juha:Juha od mešanoga povrća
Glavno jelo: Pileće jetrica v saftu, kuruzni žganci
Desert: Voće

Petek

Nebute verovali kaj je naručil naš vnuk Jan. Usred leta je poželel kobasičju juhu i filanu papriku. Čudna kombinacija. Srećom kaj v škrinji imamo još dva para suhih kobasa za kuhanje.
Juha: Kobasičja juha z rezancima
Glavno jelo:Filana paprika na moj način, pire
Desert: Jastuk torta; i to je Janova želja.

Subota

Nisam još sigurna kak bu to zgledalo al bum sigurno moral imati malo obilniji obrok. Imamo završne radove v kleti. Sve je sanirano od one famozne poplave na Dan žene i sledi postavljanje podova. Dok imate majstora, a još vam je i prijatelj, morate se malo pokazati. A majstor mora imati i pomagače.
Juha: Gulaš-juha z malo povrća
Glavno jelo: Mala dilema: roštilj ili kotlovina i sve kaj z tim ide?
Desert:Znate već: gemišt i pivo dobro ohlađeno. Đuro se bu pobrinula za nekakve štrukle a bumo za osveženje ohladili lubenicu i dinju.

Nedela

Nemam pojam v ovom času kaj napraviti. V pevoj varijanti buju v goricama ostanjki od jučer jer moramo počistiti tragove radova. Druga je varijanta nekaj lagano doma. Recimo:
Juha: Juha od flama z rezancima
Glavno jelo: Kuhani flam, kopar sos, pire
Desert: Sok i kapučino