Kak sigurno i znate ovo je vreme kad se zbudiju maturanti svih fela širom Lepe Naše. Tu ne mislim na ove mlade kaj su z norijadom već završili i prionuli na pripremu mature, nego na one stare kaj se prisećaju prelepih dana srednjoškolskog vremena.
Dva vikenda za slavlje
Kak sigurno i znate ovo je vreme kad se zbudiju maturanti svih fela širom Lepe Naše. Tu ne mislim na ove mlade kaj su z norijadom već završili i prionuli na pripremu mature, nego na one stare kaj se prisećaju prelepih dana srednjoškolskog vremena. Ima ih svakakvif fela: slaviju pet, dest, dvajst let od mature a ima bome i onih koji se sastaju svako leto. Među ove zadnje vam spada i jedna generacija gimnazijskih maturanti koja je maturirala pred točno pedeset i četri lete. Toj vam generaciji pripadam i ja. Nisam siguran kad smo počeli svakoletnje sastanke al mi se čini da je bilo iza dvadesete godišnjice. Mi smo bili generacija od samo dva razreda jer je tog davnog leta 1959. bila otprta Ekonomska škola v Koprivnici pa je dobar dio generacije pobegel tam jer su se nakon mature mogli mam zaposliti bez problema. Mi smo pak gimnazijalci bili osuđeni zbrati študije na nekojem zagrebačkom faksu. Naravno ak smo položili prijemni ispit. V ta dva razreda smo se rasporedili v dva smjera: prirodni i društveni. Ja sam naravno bil i onda društvenjak jer drugo kak muzikant nisam ni mogel biti. No verujte da se ta podjela na prirodnjake i društvenjake posle par let zgubila. Tak smo već svoji da nakon više od pedeset let i neznamo ko je bil v kojem razredu. Bute morti mislili da je to zaborav zbog starosti, ima i toga, ali ne: mi smo naprosto jedna složna generacija. Barem mi koji smo još navek na hrpi. Za nama su se v zadnje vreme povele i neke mlađe generacije i nekak mi se čini da sve više držiju do tih obljetnica mature.
A mi vam dragi moji ove male godišnjice već letima slavimo v mojoj kleti koju mi za tu priliku zovemo “Pri veselom bedaku”. Mi smo vam većinom ipak Podravci. Napravimo si nekakvo lagano predjelo, spečemo si roštilja, cure donesu nekakvoga kolačića i bok te veseli. Pitate se kaj je z pićem. Ha čujte! Nekakva se rakijica navek najde a za gemišt imamo jedno praktično rešenje. Godinama je vino daval naš kolega Đorđe Karlović a v zadnjih par let delamo jednu generacijsku kupažu. Po par litri vina damo moj međaš Didi Benotić, Đoko Karlović i ja. Bolšega gemišta nemrete ni zamisliti. Imbra da navek svoj prilog z odličnim prirodnim sokovima od jabuki. Skupljamo se već oko jedanajste vure, zljubimo sve koje retko viđamo jer ne živiju v Koprivnici, sednemo si pod brajdu i priče moreju početi. A znate da pričama po sistemu “tako vam je negda bilo” ima navek na pretek. Naš dragi Soso, rođeni Kalnovčan koj živi već desetljećima na Pagu, bu donesel kojega novoga vica ili nam ispripovedal one stare na koje se mi još navek slatko smijemo.Ni važno kakav je vic nego ko i kak ga spripoveda. Sad se pitate zakaj se tak često sastajemo? Ljudi v našim letima nigda nisu sigurni kaj se bu sutra dogodilo a osim toga mi smo stvarno jedna dobra klapa i dok smo na hrpi pak se osećamo kak školarci. Osim toga se navek setimo naših dragih kolega koji su nas prerano ostavili i naravno za njih navek popijemo koju za pokoj duše. Ovo leto imamo i jednu posebnu temu: Kak obilježiti sledećeg leta 55-tu godišnjicu mature? Knjiga “Maturanti staroga kova”, koju smo mi pokrenuli, ide i dalje ali sad ju nakon pet izdanja moramo k letu malo preurediti. Pak bumo imali posla.
Kad sam već spomenul ovu knjigu da vas podsetim o čemu se radi. Dok smo slavili svoju 49-tu godišnjicu matura, takaj pri meni v kleti, počeli smo se dogovarati o proslavi 50-te godišnjice. Nekak nam se činilo da bi trebalo napraviti nekaj drukčeše neg je to uobičajeno. Navek jedno te isto: najdemo se, slikamo se pred gimnazijom z razrednikom ako ga imamo, odemo morti do razreda v kojem smo bil zadnje leto, odemo v restoran gde blagujemo i z tim uglavnom taj susret završava. Šteli smo napraviti nekaj novo.Posle par gemišti znate da se ideje rađaju same od sebe pa smo nekak došli do zaključka da treba ostaviti nekakvoga traga o tom našem školovanju. Rečeno učinjeno. Formirali smo uredništvo, počeli skupljati priloge za knjigu, napravili koncept i v svojoj naivnosti mislili kak je stvar gotova. Malo brus! A gde nam je izdavač i penezi? I da ne duljim. Izdavača nismo našli a lovu smo nekak uspeli prikupiti. Onda smo nas četri veterana odlučili: bumo osnovali udrugu i bumo se registrirali između ostaloga za izdavaštvo. Na brzinu smo napravili osnivačku skupštinu, napisali statut i podelili si funkcije. Imbra je bil predsjednik Upravnog odbora, članovi su bili Joža i Gale a mene je zapalo da bum predsjednik Udruge. Ste primetili kak se brzo more dojti do velikih funkcija? Lepo zvuči samo kaj tu nema nikakve love. Čisti amaterizam. Mi smo ipak neprofitna udruga makar nas je zakon strpal v isti koš kak i Mamićevoga Dinama.
Kak morete videti i prečitati čak nam dobro i ide. Desetoga lipnja bumo promovirali petu knjigu za dve generacije slavljenika, one z pedeset i pedeset i pet let od mature. No malo pojašnjenje. Slavljenicima je posvećen dobar dio knjige ali svojim prilogima moru sudjelovati i drugi maturanti koji oćeju i imaju kaj za reči. Mislim da v ovim teškim vremenima tiskati već petu knjigu nije mala stvar. Fakat nam to čini velko zadovoljstvo i nekak daje poleta da tak i nastavimo. Koprivnički gimnazijalci su navek imali kaj za reči a pouzdano znam da su zadovoljni i v našoj gimnaziji “Fran Galović” kak i oni v Gradskom muzeju. Naravno i svi Koprivničanci koji vole svoj grad. Čim završimo ovu našu petu knjigu i malo to proslavimo već negde v rujnu počinjemo pripreme za “Maturanti staroga kova 6!” To mora biti nekaj posebno jer bu moja generacija slavila 55-tu godišnjicu mature. I nek mi još neko veli kak stari ljudi nisu više za ništ. Najte im verovati.
Pondelek
Juha/Glavno jelo: Povrtno-mesni ragu
Desert: Voćna šalata
Tork
Juha: Krumpirova juha
Glavno jelo: Dinstani bočing na češnjaku, hajdinska kaša, šalata
Desert: Jagode z malo šlaga ili štaubcukora
Sreda
Juha/Glavno jelo:Prisiljeno zelje z paradajzom;ja zdinstam malo krmetine i dodam koju kožicu od špeka
Desert: Medenjaki; napravite ih malo više jer moreju dugo stati pa ste rešili desert za par dana.
Četrtek
Juha: Paradajzova juha z kašicom
Glavno jelo: Zapečene palačinke filane z mlevenim mesom; naravno da ih bute prelejali z dost vrhnja
Desert: Čaša crne pivice
Juha: Krumpirova juha
Glavno jelo: Dinstani bočing na češnjaku, hajdinska kaša, šalata
Desert: Jagode z malo šlaga ili štaubcukora
Petek
Juha: Prežgana juha
Glavno jelo: Pržene srdelice, krumpir šalata
Desert: A kaj drugo nego čaša vina
Subota
Subota mi je navek malo “problematična”. Ak je lepo vreme navek sam na nekakvoj feštici: ili pri prijateljima ili pri meni v kleti. Onda vam je to navek nekaj praktično. Već znate: roštiljada i sve ono kaj domaćini nude. Ak smo pak doma onda smo v subotu jako praktični.
Pri nam bu ove subote verojatno samo nekaj od testa i bez juhe:
Glavno jelo:Špagete karbonara (po Đurinoj želji) i hrpa zelene šalate ili pak domaći rezanci z makom/orehima.
Desert: Dobro ohlađene trešnje
Nedela
Juha:Lagana pileće juha
Glavno jelo: Piletina z juhe, paradajzsos, pire
Desert: Dobar bu i zdeni sok i morti kapučino
:(Još nema komentara