A kaj da danas kuham? (254)

Dočekali smo proljeće

Moji bi Podravci i naši susedi Međimurci rekli pramaletje kaj je lepo čuti baš v međimurskoj muziki. Ovakva me zima ubija. Zapraf je ni sim ni tam. Malo zatopli pa se temperature spusti i ubija sve nas meteopate al i druge “normalne” ljude. Sećate se da sam o tome nekaj pisal pred dva-tri tjedna. Makar nisam ni jen dan besposlen, stalno mi se nekaj događa, ipak mi je dost onoga vuru-dve zležavanja posle obeda. Imam plan za ove dane jer je za nas kaj nekaj imamo došlo vreme za akciju. Voćke su krenule, lepo su napupale i vape za suncem kak i mi ljudi. Proljetno sunce zna prelepo  milovati pa čak i uspavati. Sednem se pred klet, temperature je oko 17-18 stupnjeva, čist dost da se osećate ugodno. Prve radove sam v goricama obavil još v jesen. To vam zanči da sam porezal lucnjeve i uz pomoć Đure zvlekel lozu vam i složil kak gorivo za roštilj. To je puno bolje od vuglena. Sad čekam samo nekolko dana lepoga vremena da trsju napravim “frizuru”. Stari su me vinogradari negda nafčili da je “rezač berač”. To vam znači ovak: Ak dobro, stručno zrežeš lozu, moreš se nadati da bu v jesen dobra berba. Dok sam se pred više od trideset let vučil rezati jen mi je stareši kolega rekel: “Pazi ovak! Moraš paziti kaj bu ovo leto za branje, kaj buš ostavil za sledeće leto ali moraš paziti i na estetiku trsa!” Verujte da se toga držim i do današnjega dana. Već par let slažemo ekipu rezača koja pomogne mojem međašu, prijatelju i kumu Andriji. On ima triput više od mene pa je svaki težak dobro došel. Pajdašija, i kumov sin Vilko, bu napravila posel a kum se bu pobrinul za logistiku. Gladni i žedni sigurno nebumo.

Na početku proljeća posebno me veseli ono mlado zelenilo na voću i šumi. Na putu  prema mojim goricama moram se prepelati čez jedan mladi šumarak. Za njega je vezana jedna pričica koja je kolala v našoj klapi. Naš dugogodišnji prijatelj Čvrknja, nažalost pokojni, bil je inženjer šumarstva pa smo njega i njegvu šumariju svojedobno “okrivili” za seču šume na tom mestu. Svakaj smo mu znali reči pa čak smo ga “optuživali” da se odnaša prema šumama kak negda Mlečani na Velebitu. Ni nam ostal dužan:”Mulci jedni. Posadili smo mladu šumu i za koje leto se bute šetali po hladu te šume”. I bil je vu pravu. Već par let je to prava mlada šumica. Prelepo je videti to mlado zelenilo v travnju i v svibnju. A tek dok sve procveta? Nekaj očaravajuće. Trešnje, breskve, šljive ili pak prek puta moje kleti cvet i miris bagrema. Nije čudo kaj na to navale pčelice. Ovo leto se posebno veselim bujnom zelenilu mojih brajdi. Več prošlo leto je bil pristojan hlad a ovo leto očekujem onak pravoga hlada pod kojim bu baš užitak sedeti. Negda bi stari rekli “lipov lad”.  A počele su i društvene aktivnosti naše klape. Već v ožujku smo imali neke rođendane ali druženje smo odgodili za desetak dana dok bu malo topleše vreme. Kum Andrija je prvoga trećega skromno proslavil 70-ti rođendan. Pri njemu je prava fešta na Jendraševo v studenome. Braco je imal rođendan neki dan a kuma Silva baš danas dok ovo pišem. Prvoga travnja rođendan ima prijatelj Slavo, (gde baš on na prvi april?) a moja gospođa bu krajem travnja proslavila 65-ti rođendan Nisam siguran da se žene baš vesele ovakvom rođendanu makar je okrugli. Nezgodno je samo kaj bi morali dan za danom imati dve fešte: 29. 4. Đuro ima rođendan a klapa već tradicionalno slavi 1. svibnja međunarodni dan rada. Mi smo doduše svi v penziji ali baš nismo više v kondiciji za prečesto feštanje. Moramo malo posložiti one bliže datume tak da buju svi zadovoljni: i slavljenici i gosti.

Ono kaj me posebno veseli je kaj uskoro počinje sezona roštiljanja. V goricama smo zadnji put roštiljali još tam negde oko berbe krajem devetog meseca. Ono kaj tu i tam nekaj spečemo doma na električnom roštilju ja to ne računam. To ni atmosfera za dobar roštilj. Naravno da bu došlo i vreme za peku. Slavo je majstor za peku i skoro sam siguran da bu za njegov rođendan pala jedna bogata peka.

I tak dragi moji. Proleće iliti pramaletje je jedno prekrasno vreme, pak jedan novi početak. A i kojekaj novo se bu moglo najti na našem jelovniku. One ostanjke zimnice treba kaj prije potrošiti i navaliti na friške vitamine.

Prosim lepo da se vodi računa o Velkom tjednu, bar prvih par dan nek bu skroman jelovnik.

Pondelek

Juha: Juha od ribane mrkvice
Glavno jelo: “Pomfrit” z jajcima i bogata šalata. Ja napravim nekaj ala pomfrit i zalejem na kraju z raznučenim jajcima.
Desert: Sok od biločega

Tork

Juha: Povrtna juha
Glavno jelo: Karfiol na prezlima
Desert: Čista voda

Sreda

Juha/Glavno jelo: Čoravi gulaš; zmusajte ga z dva-tri koluta kobase ili malo špekića
Desert: Fanjki

Četrtek

Juha/Glavno jelo: Domači široki rezanci z makom/orehima
Desert: Jabuke ili kompot od breskvi. Mi na veliko čistimo podrum od zaliha.

Petek- Velki je petak

Tradicija se nesme izneveriti. Kak i svako leto imamo kasni obed, radnu večeru a gosti su  nam obitelj prijatelja Husa i Đurina deca. Sve skupa dvanajst duša
Aperitiv: Domaći amaro i rakija od latica ruža

Predjelo: Riblja pašteta na tostu, šalata od plodova mora
Juha: Bogata riblja juha
Glavno jelo: File od soma/oslić/smuđ (?!) na pariški, lešo krumpir na putru, tartarsos.
Desert: Kak i  navek za kolač je zadužena moja gospođa. Ovaj put buju kocke “Ban Jelačić”. Za piće se bum ja pobrinul

Subota

Juha/Glavno jelo: Verojatno bumo jeli ostanjke od jučer ili bumo nekaj na brzinu improvizirali. Na pr. Peluni/languši iliti lepinjice z kiselim mlekom
Desert: I toga bu od jučer.

Nedela-Vuzem

Doručak: Negde oko devet, bu kak i navek naš tradicionalni: rakijica, šunka, jajca, hren, mladi luk, doma pečeni kruh i kuglof i drobni kolači.
Obed nesme biti nikak prije dve vure. V mojim godinama treba odmora i od dobrog obroka.
Juha: Juha od bočinga z leberknedlima i rezancima
Glavno jelo: Pečena janjetina, pečeni krumpir, zelena šalata
Desert: “Trostruki užitak”; veli moja gospođa da se to tak zove a vi verojatno znate kaj je to i kak se priprema.