Bute morti rekli kak navek kukam jer mi vreme nekak prebrzo leti. No verujte mi da je to stvarno tak. I meni mojim i vršnjakima leto je zapraf puno kraće nego mladim ljudima. Nismo se praf okrenuli i već je tu Božić i Novo leto.
Već je pak Božić tu!
Već sam počel pisati novi tekst za of tjedan kad sam čist slučajno pogledal na kalendar i zmrznul se. Za ime Boga pa je drugi tjedan već Božić?! Nekaj moram napraviti da usporim taj osećaj brzoga protoka vremena. Čovek ostari a da ni svestan toga. Zakaj mi je leto v mladosti bilo cela večnost? No dobro. Kaj jet u je.
Sednem va ja tak ovih dana z mojom bolšom polovicom za stol i počnemo delati inveturu. Kaj sve imamo, kaj trebamo napraviti, kaj trebamo nabaviti, koga bumo pozvali na Božić na obed? I onda zaključimo da smo već skoro sve napravili, faliju još samo sitnice, i sad moramo samo sve lepo posložiti kaj buju svi zadovoljni.
- Prvo moramo ovih dana poslati paket kumovima v Kaštel Novi. To je tradicija duga prek dvajst let. Mi njima pošlemo mirise i okuse Podravine, a oni nama okuse i mirise Dalmacije.
- Onda bu žena zmislila koje kolače bu spekla; po mogućnosti takve kaj moreju dugo stati. To su obično oni nekakvi suhi, a za sam Božić bu nekakav sočni z kremama.
- Bora već par let ne kitimo jer za nas dvoje je to preveć. Mi si složimo onak jedan lepi aranžmančić koj zgleda kak mali bor i ma sve one nakite kak i pravi bor. Deca tak i tak kite bora doma.
- Badnjak je već po tradiciji pri obitelji prijatelja Husa a tam se i podele mali, skromni poklončići. Mislim da v ovim kriznim letima nebi trebalo z ničim preterivati. Svi vnuki buju dobili po nekakvu sitnicu.
- E sad nekaj o božićnom jelovniku. Morti se sećate da ja za taj tjedan skoro nigda ne predlažem jelovnik po danima v tjednu jer mi se nekak čini da svaka obitelj te dane dosta improvizira i svi se skoncentriraju uglavnom na dva dana: Badnjak i Božić. Barem je tak pri nama doma. Sve dane bumo napravili nekaj na brzinu kak na pr.: domaće rezance z nečim, nekakva kisela juha, nekakva kajganica, domaće kobase z ajvarom ili senfom ili tome slično. Mora biti pripremljeno brzo al nikak nesme biti fast food. Riba/bakalar na Badnjak a na Božić “svega obilja”. (Znate v kojoj se popevki to obilje spominje?)
Na obedu buju i deca pa bu božični jelovnik ovo leto ovakav:
Aperitiv: Rakija od latica ruža ili domaći liker od crnoga vina.
Juha: Goveđa z leberknedlima i rezancima
Predjelo: Malo mesa z juhe z hrenom.
Glavno jelo: Guska filana z mesnim nadjevom, mlinci, zelena šalata.
Desert: Kolači i piće po izboru ukućana
Želim svima dobar tek!
Tu vam sad imam jedan problem. Kak se iz leta v leto sve manje jede znam da bumo ostanjke od Božića hrdali još barem dva-tri dana. Tim više kaj tradicionalno na Štefanje idemo k prijatelju i rođaku Štefu na večeru gde je od navek na jelovniku, između ostalog, purica z mlincima. Pa ti sad odi tih dana na dijetu. Sve v svemu ne gine nam tjedan iza Božića jesti hladna pečenja, mlince i drobne kolače. Tu i tam se bu morala skuhati i kakva juhica jer bu to organizam tražil. I taman dok se rešimo stare klope došlo bu Silvestrovo i Novo leto. I onda krečemo spočetka.
Za kraj samo reč dve o samoj reči Božić. Nedavno me je naš vnuk Jan pital zakaj se taj dan zove baš Božić? Malo me je zatekel. Rekel sam mu da je to dan Isusovoga rođenja, al sam mu moral dati razloga za samo ime. Kak je to za nas od navek bil jednostavno Božić nisam se mam setil otkud je to došlo. To je zapraf umanjenica iliti deminutiv od reči Bog. V našem standardnom hrvatskom jeziku je to onda mali Božić kaj nama kajkavcima baš najbolje ne zvuči. Mi bi to rekli Bogek ili morti Božek?
No kak bilo da bilo svi bumo ovih dana v božičnome slavlju. Želim svima koji me prate na blogu, ma gde god bili,
SRETAN BOŽIĆ I SVE NAJBOLJE NJIMA I NJIHOVIM OBITELJIMA.
:(Još nema komentara