A kaj da danas kuham? (229)

Đuro mi je opet doma

Nakon skoro mesec dana Đuro mi je opet doma, posle svih onih ružnih dana provedenih v koprivničkoj bolnici i dva tjedna v jednoj zagrebačkoj bolnici. Verujte da vas nebum gnjavil z tim svim ružnim detaljima. Prevladal bu optimizam i priprema za sve ono kaj je pred nama.

Znate da je po našim podravskim i bilogorskim bregima v punom jeku berba ili je već pomalo i pri kraju. Puno je tu bilo posla koj nas je jako okupiral a Đuro i ja smo i prek telefona uspeli dogovoriti sve kaj nam je oddelati, kak organizirati naše drage prijatelje i naravno kaj sve napraviti vezano uz jelovnik kak bi svi naši stari težaki bili zadovoljni kak i navek.Naš prijatelji i kum Slavo je napravil bogati gablec i obed v skladu z našom dugogodišnjom tradicijom a za piće  nigda ni bilo problema. E malo smo se drukčeša posložili kaj se tiče  slatkoga jer je Đuro svakak štela sudelovati barem v jednom delu toga, a bez njezine makovnjače i orehnjače se teško more obaviti goričko branje. Ostale naše dekle iz klape su se pobrinule za nekaj slanci i kojega drobnoga kolača. Gladan sigurno niko ni bil.

Sve nam je ovo malo teško palo jer kak znate ovo je vreme delanja zimnice a naša dvočlana ekipa za realizaciju ni bila v punoj formi i v punom sastavu. No nekaj smo već prije napravili, kak na pr. domaće sokove, kompote od kruški i breskvi, a nekaj bumo napravili ovih dana uz moju pomoć. Na Đuri je da govori kak se kaj dela a na meni je da to onda dovršim. Već sam pred par dana dobil befel da spremim desetak kil breskvi za đem a ovih dana bumo nabavili materijal za turšiju. Moral sam i naribati i zmrznuti nekaj domaće tikve za štrukle jer kak znate da su mi štrukli z tikvom i makom apsolutni favorit među kolačima. Đuro to dela savršeno.

V mojoj se bu kuhinji morala dogoditi mala "revolucija" jer se bu kuhalo prema svim onim uputama kaj buju diktirali doktori i njihove preporuke. Kaj se more najti na takvim jelovnikima znate i sami. Povrće, voće, lešade, menasna mesa, bela riba i slične delicije. Sad se pitate kak bum ja odolel izazovima onih pikantnijih klopica i naravno onih delicija dok v jesen počnu kolinje? Ha čujte. Bum malo i ja napravil redukciju a tu i tam čovek od čiste želje more nekaj od tih jesensko-zimskih delicija pojesti poskrivečki a znam da se navek najdu prijatelji koji te ponude z kakvom krvavicom, kobasom i čvarkom. Doduše Đuro se već pomalo trenira za post od takvih jela. Njezina celikakija ju je već donekle istrenirala da se ne fata kojekakvih "normalnih" kolača i testenina, pa joj ni odricanje od mrsnih klopica nebu tak teško palo. A znate kakva je bolnička klopa? Uglavnom nezačinjene povrtne juhice, riže, takaj nezačinjene, kolko ti bog oće a meso v devedest posto slučaja belo pileće. Mislim da bu Đuro moju kuhinju od sad jako cenila iako moram priznati da ona ni do ove promene bila kritična prema mojim kulinarskim kvalitetama. Nekog sam vraga kroz skoro pedeset let motanja oko peći i ja nafčil. A promene v životu negda i dobro dojdu.

Morti nebute baš oduševljeni z jelovnikom za ovaj tjedan jer bum vam sugeriral kak bu to izgledalo pri nama doma.

Pondelek

Juha/Glavno jelo: Složenac od povrća i malo nekakvoga mesa. Vjerojatno malo junećega repa.
Desert: Voće. Sad ga barem ima v izobilju

Tork

Juha: Juha od mrkva i celara
Glavno jelo: Dinstana pileća prsa, skoro na vodi al z dosta češnjaka, z prosenom kašom
Desert: Kompot od mešanoga voća

Sreda

Juha/Glavno jelo: Lagani paprikaš od svinjske plečke, kuruzni žganci ili nekakvo testo
Desert: Zlevanjka od kuruznoga grisa z jabukama

Četrtek

Predlog je samo jelovnik kojega smo imali za našu berbu
Gablec: Domaća šunka, kuhani sušeni domaći buncek, tri vrste sira, klipići, pogačice kolko-tolko, friško ribani hren, naš ajvar i morti sam još nekaj zaboravil
Glavno jelo:Bogati pileći ragu( krilca, male bocke i želučeki) z noklecima
Pečena svinjska lopatica i carsko meso z krumpirom na ploške, šalata od zelenog i crvenog zelja
Desert: Diganci z makom i orehima, kojekavni drogni kolači; gemišta bu v  kak je to i red v berbi

Petek

Ovo bu za Đuru:
Juha: Juha od oslića z dost povrće i malo riže.
Glavno jelo: Oslić lešo (friški), blita i malo kuhanoga krumpira
Ja bu vjerojatno jel ostanjke od jučer
Desert: Đuro sok ili vodu a ja gemišt

Subota

Juha: Juha od telećih kostiju i malo telećeg mesa
Glavno jelo: Lešo teletina z šalšom od pomidora
Desert: Voćni biskvit

Nedela

Juha: Lagana juhica od stare kokice z domaćim rezancima
Glavno jelo: Kuhana koševina z paradajz sosom i pireom
Desert: To v ovom trenutku nemre niko znati. Ovisi kolko bu Đuro spreman za slastičarske akcije