A kaj da danas kuham? (20)

A da još malo štedimo?

Povratak vam ponekad more malo poništiti sve ono lepo i dobro kaj se događalo za dvadesetak dana godišnjeg. (Ova reč godišnji važi i za penziće?) Lepo smo se nas petero, deda, baka, kćer i dvoje unučadi, ukrcali na trajekt i u relativnom miru doplovili do Splita. Temperatura je bila već v devet vjutro oko 30, a onda se lepo počela penjati da bi se negde između Knina i Gračaca popela na 39,5. Pa ti sad vidi. Deci se svakaj događa, dosadno im je, pa su žedni, pa su gladni, pa im je vruće  i sve ostalo kaj uz to ide. Nekak smo se dočepali Oštarskih stanova gde već po tradiciji predahnemo u restoranu "Kod Marka". Sve je bilo kak i navek osim kaj sam si ja zaželel malo janjetine, jer to moji bližnji ne jedu. Pitam već poznatog konobara kolko je porcija za jednog gurmana a on mi lepo odgovori: "Za gurmana je to kila, a normalna porcija je 30-40 deka". Ja naručim "normalnu porciju" i dobim skoro pa ono kaj volim. Dobro je pečeno, slano kak treba i pravi komadi: vrat, rebarca i malo flama, ali bez plečke. Mislil bi čovek kak sam imal sreću. Varljiva sreća. Od četrdeset deka moglo je biti morti do 15-tak deka mesa i hrpa kostiju. Zgledalo je na kraju da imam više v tanjuru nego dok sam počel jesti. A čujte: užitak se mora i platiti pa nek ti preostali ugostitelji na staroj ličkoj cesti nekaj i zarade. Svetla točka je bilo ipak dobro ohlađeno crno pivo.

Podravina nas je čekala na 36 stupnjeva i bez daška vetra. I kaj sad? Decu smo predali roditeljima, za večeru prizalogajili pečenu racu z mlincima, popili zdeni gemišt i vratili se u svoju kučicu, svoju slobodicu. Vakula nam je v Dnevniku obećal ovu ugodnu temperaturu do kraja tjedna. Ja sam se drugi dan vrnul u staru kolotečinu. Dok pišem ovaj tekst na peći mi je klopa kakvu sam vam predlagal u prošlotjednom tekstu: lagana povrtna juha, šalša od pomidora sa špagetama, tak da bumo još malo u mediteranskom ugođaju. A kaj da vam velim za kraj? Sve kaj sam predlagal prošli tjedan je i dalje na snagi. Mi Podravci se moramo toga držati ne samo zbog štednje nego i zbog onoga kaj je pokazala vaga. K vragu i te kupaonske vage. Mislim da malo krivo pokazuju!? 

Pondelek

Odmorite se od kuhanja i budite praktični:
Juha, glavno jelo i desert: šalata od mešanog povrća i testenine. Ak baš nemrete bez nečeg mesnatog zmešajte u nju ili tunjevinu ili malo kuhane piletine. Začinite z onim kaj najviše volite: standardni začini, majoneza ili nekaj slično. Popite dosta tekučine, znate da to sad preporučaju svi doktori.

Tork

Spečite malo više palačinki
Juha: od goveđe kocke z rezancima od zapečenih palačinki.
Glavno jelo: Palačinke filane sirom ili naseckanom šunkom za pizze. Zalijte z vrhnjem i zapečite. Bogata šalata.
Desert: Sigurno imate u frižideru zdeno pivo ili sok.

Sreda

Juha: Napravite laganu juhicu od mrkve, može i krem juha od mrkve i dodajte malo sitne testenine
Glavno jelo: Sataraš na podravski način, prodinstajte luk, papriku, paradajz i na kraju zalite s tri-četri jajca. Ako ste baš ovisnik o mesu, dodajte naglo pečeni krmenadl po glavi obitelji.
Desert: Pogledajte dan prije.

Četrtek

Juha vam danas i ne treba. Vruće je pri peći.
Glavno jelo: Mesnatu poveću papriku, po mogućnosti crvenu, napunite z namazom od friškog kravljeg sira, spanirajte i spečite. Prelite z tartar umakom.
Desert: Znam da već imate ideju kaj vam bu pasalo.

Petek

Znate kaj već sledi: riba. U nedostatku friške dobra bu i smrznuta.
Glavno jelo: Ja bum napravil  "fažol na bruet". Moji Dalmoši u Milni vele "bruet na komiški". Kupil bum smrznutu škarpinu, napravil brodet, ubacil malo mladog kuhanog graha i domaće široke rezance. Morete zakuhati bilo koju drugu testeninu.
Desert: Pasal bu domaći zdeni gemišt od graševine.

Subota

Juha/Glavno jelo: Čušpajz od korabice s dosta vrhnja. Mali dodatak bu par kranjskih ili, ak imate klince, par hrenovki.
Desert: Sok. A kaj drugo more tu pasati?!

Nedela

Ak imate bilo kakvu mogućnost odite v prirodu i najte se preveć motati oko peći.
Hladno predjelo od povrća kakvo bi vam ponudili Makedonci: narežite na kockice paradajz, krastavce i papriku i lagano ih posolite. Uz to se navek posluži zdena rakijica kakvu imate. Makedonci uz to piju mastiku.
Glavno jelo: Roštilj naravno, ali uz dodatak pečenih patlidžana, paprike i gljiva. Kod pečenog povrća najte štediti na češnjaku i ulju.
Desert: Muški buju sigurno nekaj zdeno tekuće, al bi fino pasala i dobro ohlađena lubenica. Deca buju rado nekakav sladoled.