I to se dogodilo. Nakon nekaj više od dve lete preskočil sam jen pondelek i nisam napisal svoj redoviti blog. Nebum se ispričaval a znam da me bute razmeli: ozbiljni zdravstveni problemi u obitelji, na more smo zakasnili tjedan dana i nekak mi se poremetil celi normalni ritam mojeg trogodišnjeg funkcioniranja na Coolinariki. No kaj je tu je. Bum ja to brzo nadoknadil.
"Čudno" letovanja 2013.
Znate dok nekaj od prvog trenutka nejde onak kak ste zamislili onda je i dokraja sve nekak na hendek. Dogodilo nam se nekoliko "neobičnih" stvari. Po prvi put smo v hiži od prijatelja bili sami, kaj hoće reći da gazda i njegova obitelj uopće ni dolazila vu vreme našega boravka v Milni, prekrasnoj Osibovoj uvali. Tak sam moral kuhati samo za nas petero a to mi je obzirom na prethodnih petnaest let bila strašno čudna situacija. Imal sam malo z viška vremena pa sam postigel prosek od dva kupanja dnevno kaj mi do sad nikad ni uspelo. Igranje bele je bilo totalno bez veze obzirom da je izostal tradicionalni dvoboj Podravine i Dalmacije. Kak gazda ni došel, zamenil ga je jedan mladi Podravec a to je zgubilo svaku čar pravoga rivalstva. Prošlih leta se znalo dogoditi da bi, uz male prekide za spanje, igrali od petka navečer do nedele v podne. Jelo se vu prekidima uz neizbežne fileke/tripice prvog dana dvoboja. Ovo leto se to svelo na jedno subotnje popodne, fileke, malo podravske šunke i sira i nekolko litri gemišta od moje graševine. Kad je već reč o graševini, i pijači generalno, totalno smo podbacili. Popilo se nekaj malo orehovca, travarice i par litri vina iako smo iz Koprivnice donesli zadovoljavajuće količine. Potrošnja je bila više nego mizerna, pa sam prije odlaska podelil vino prvim susedima Slovencima koji nemaju ništ protiv podravske graševine.
Jedna mala zanimljivost iz te naše uvale: od milja ju zovemo "uvala rastavljenih" jer je teško najti v prvom redu do mora hižu, gde nema v ovom trenutku bar jedan par rastavljenih životnih partnera. I ovi naši dugogodišnji prijatelji Slovenci su dali obilan prilog toj situaciji.
Jedan od ovih raspuštenaca iz uvale svoje je utočište pak našel v centru otoka, v selu Pražnica, kod svoje nove ljubavi pa nas je pozval za Velku Gospu na obed. Moram vam reći da je bilo jako lepo i naravno gastronomski bogato. Počeli smo z finim orehovcom, onda navalili na sir i pršut pa je brzo pasala i čaša dobro ohlađenog crnjaka. Sledila je janjetina na špicu z vrlo bogatim prilogima. Ponovno je pasala čaša-dve crnjaka a za kraj je poslužena odlična rožata ili kaj bi naši domaćini rekli rožada. Nakon par čaša varljivoga crnjaka (?!) probali smo igrati belu ali smo brzo odustali jer jedan dio kartaša više nije znal ni kaj je adut.
Naš je pak jelovnik uglavnom bil standardni letni, nije bilo baš puno ribe, a dok smo i ribu jeli bila je od našeg starog znanca Rokija. On ne vlovi puno ali je navek friška riba a i vaga je više nego poštena. Barem za mene. One kalibrirane ribe iz ribogojilišta nismo šteli ni gledati.
Za kraj vam moram ispripovedati anegdotu o jednom konobaru v restoraciji "Marko" v Oštarskim stanovima, gde je naša stalna štacija na povratku z mora. Tok mladog čoveka sam pred par let zapamtil po dve stvari: po repiću (kojega je prošlo leto odrezal) i duhovitosti. Dok smo prvi put išli moja gospođa i ja z nekakvoga puta stali smo v toj birtiji vu vreme iza gableca a prije obeda. Lepo nam je donesel mladi gospon jelovnik i mi smo se počeli pitati: "A kaj da danas jedemo?". Došel je on do nas dva-tri put i kak se još nismo odlučil rekel je: "Gospodo samo vi birajte. Imate vremena. Mi radimo do jedanaest navečer!". Bravo za njega. Tak se to dela z neodlučnim gostima. No tu ni bil kraj taj dan. Dok smo mi lepo pojeli i popili štel sam platiti. Ceh je bil 156,00 kuna. Vu uverenju kak sam mu dal 200,00 kuna rekel sam velikodušno: "Nek bu 160,00". Zapraf sam mu dal samo 150,00 kuna a on je ljubazno rekel: "A da mi date još 6 kuna?" I tak me je dvaput skuril za samo dve vure a ja sam ga zapamtil zanavek i navek dok prejdem kraj te birtije sednem na njegov rejon. Ovo leto me je i "nagradil" z jednim fino slanim janječim zaporkom gratis. Sad smo već stari znanci pa i ja njega nagradim z malo boljom napojnicom.
Pondelek
Juha: Povrtna juha
Glavno jelo: Pečeno carsko meso, krumpir na ploške, mešana šalata
Desert: Sezonsko voće
Tork
Juha/Glavno jelo: Pileći paprikaš, zeleni rezanci
Desert: Kifli z pekmezom
Sreda
Juha: Koprova juha z krutonima
Glavno jelo: Mesna pita i hrpa šalate
Desert: Sok od domačih jabuka
Četrtek
Juha: Juha od paradajza z noklecima
Glavno jelo: Francuski krumpir (mesto kobasa morete rabiti i dinstanu piletinu)
Desert: Porcija sladoleda
Petek
Juha: Juha od ribljih glava i repova (naravno od rečnih riba)
Glavno jelo: Pečena rečna riba u kuruznom brašnu i začinima, šalata od mladog graha
Desert: Trebam reći da tu ne paše ništ drugo nego dobar gemišt?
Subota
Još je navek leto.Dajte si mašti na volju: napravite neklakvu hladnu zakusku za predjelo a za glavno jelo se potrudite oko roštilja ili kotlovine. Prilog nek vam bu hrpa kojekakve šalate.
Ako baš imate z viška volje za desert napravite nekav kolač ili se jednostavno prepustite obilju odgovarajuće tekućine.
Nedela
Juha: Juha od pilećeg sitniša ala anjgemahtec
Glavno jelo: Pohana piletina, mešano dinstano povrće
Desert: Bele kremšnite i naravno čaša vina. (Najte me pitati kaj su to bele kremšnite. To je jedan kolač kojega navek na brzinui zmučka moja žena, navek je drukčeši al je jako fini!)
:(Još nema komentara