Jemput sam pital "jel i piće hrana" a sad bi mogel pitati jel i voda hrana? Itekak je to hrana. Svi već od malih nogu znamo da bez nje nema života. Bez nje fakat nemremo niš napraviti makar oni kaj voliju malo više "poteći" veliju da "voda ni v cipeli ni dobra".
Vode ima sakakve
Jemput sam pital "jel i piće hrana" a sad bi mogel pitati jel i voda hrana? Itekak je to hrana. Svi već od malih nogu znamo da bez nje nema života. Bez nje fakat nemremo niš napraviti makar oni kaj voliju malo više "poteći" veliju da "voda ni v cipeli ni dobra".
No vode ima danas svakakve, morete ju birati od one retke domaće zdenčene, kojekakve mineralne, sodavode pa do one lepo zapakirane v dučanu koju morate skupo platiti. Nekak mi se čini da je ta dučanska voda skupleša nego sokovi ili pivo, pa jen moj pajdaš veli da rajše pije pivo, jel je tak i tak v pivi puno vode a efekti su od pive ipak bolši.
O vodi za kuhanje i pranje ne treba trošiti reči jer je to jedna svakidašnja stvar i baš se z tim preveć ne zamaramo. Barem mi koji tokorekuć živimo na vodi. Z ovim drugim vodama je nekaj čisto drugo. V mojem detinjstvu nismo znali za mineralne vode, vino se pilo čisto ili bi me stari samo za velke svetke, dok bi dolazili gosti, poslal k susedu Šargaču po sifon sodavode za špricer. Radanjera smo otkrili puno kasneše, bil je na tržištu prvi, pa i danas malo stareši ljudi saku mineralnu vodu zovu radanjer. Nekad davno sam delal z kolegom v Podravkinom marketingu dok se na tržište uvodila Lipička voda. Ljudi ju nikak nisu mogli prihvatiti pa smo nas dvojica odlučili primjeniti "direktni marketing".
Išli bi od birtije do birtije v Koprivnici i okolici i naručivali bi litru vina ali z Lipičkom. Kak su uglavnom imali samo radanjera, mi bi se digli i otišli bez gemišta. Rezultati su bili na početku porazni ali verujte da je v nekim lokalima za koje vreme ipak počela malo-pomalo dolaziti na stolove koprivničkih birtija. Jemput smo pak napravili jednu probu da jednom svojem pajdašu, velkom pokloniku radanjera, dokažemo kak nema velke razlike v ovim komercijalnim vodama. Nekim slučajem smo v isto vreme v kleti imali tri različite mineralke. Njega smo poslali van, obilježili smo čaše, odredili žiri od devet ljudi, i natočili tri čaše vode iste temperature. Naš veliki "znalac" ni prepoznal niti jednu vodu pa ni svojega radanjera. Voda je fakat velka stvar v životu al nekaj ipak nem,rem razmeti. Moj jen dugogodišnji suradnik i prijatelj je znal posle obilne i prefine riblje večere naručiti čistu vodu. Nekaj prestrašno. Pa znate ono da riba mora plivati triput: u vodi, ulju i vinu.
Za kraj čujte ovo. Sviral sam jedno leto z jednim sjajnim klavijaturistom na moru, koj je bil dost sklon čašici, posebno čašici konjaka. Jemput mi je jako ozbiljan rekel: "Čuj stari! Zakaj da pijem vodu. Pročital sam v jednom američkom časopisu da ako piješ puno vode moreš postati vodoholičar. Ja rajše popijem dva-tri konjaka a efekti su jako brzo vidljivi." Nazdravlje! Morti on ima i praf. Znate onu popevku: "Vodica je zdena, nikom draga ni, naj ju pije žaba, koja vu njoj spi!"
Pondelek
Juha/Glavno jelo: Kisela juha od pilečih želučeki
Desert: Ak nema kolača od jučer popite kaj vam je pri ruki
Tork
Juha/Glavno jelo: Složenac od povrća (denite malo suhoga i malo friškoga mesa)
Desert: Šnenokli
Sreda
Juha: Graškova juha z kašico
Glavno jelo: Carsko meso na naglo, restani krumpir, mešana šalata
Desert: Sezonsko voće
Četrtek
Juha/Glavno jelo: Čuftice vu blitvi i vrhnju
Desert: Nekakav sok
Petek
Juha/Glavno jelo: Riblja juha ala fiš i malo nekakvoga testa
Desert: Okrepite se. Riba je navek žedna
Subota
Juha: Kokošja Podravkina
Glavno jelo: Pohani mesni narezak, pomfrit, šalata
Desert: Znate koji je danas dan? Opustite se
Nedela
Juha: Krem juha od pilećeg sitniša i povrća
Glavno jelo: Svinjski šnicli na pariški, mešano povrće na putru, šalata
Desert: Pita z jabukama, kapučino, čaša dobroga vinčeka
:(Još nema komentara