Moj profil
A kaj da danas kuham? (541)
A kaj da danas kuham? (541)

A kaj da danas kuham? (541)

Dok ovo pišem prvi je dan jeseni i naravno da naprosto moram nekaj napisati o največem događaju, ne samo v Podravini, nego i širom Lepe Naše gde raste ovaj božanstveni plod prirode:grožđe. Berba je počela več prije otprilike dva tjedna a malo bu potrajalo jer ni baš vreme za berbu svih sorti. Profesionalci dobro znaju kad je pravi moment za berbu da bi mogli dobiti najbolji odnos cukora, kiseline i arome prave domače kapljice. Naša berba je završila prošloga tjedna, svi poslovi oko pospremanja mošta i podruma su za jen čas završili i na meni je samo da pratim jedan jako važan proces: vrenje mošta. Taj velki posel buju oddelali kvasci i prava temperatura mošta i podruma. Sadržaj

Ovogodišnja berba

Dok imate ovak ozbiljnu veteransku ekipu imate i malih „problema“. Ni mi je bil nikakav problem skupiti berače, ili da bum precizniši beračice, ali je v zadnjih leto dve dana frka oko oni težežih poslova kak su nošenje puta, muljanje i prešanje. V jednom momentu je bila pod znakom pitanja Janova ekipa jer su se v naše planove zmešali ispitni rokovi i nekakve druge obaveze, da bi Jan tri dana prije berbe javil da dolazi njegova ekipa koja bu spasila veterane od teških fizičkih poslova. Beračica je pak bilo tolko da bi mogle obrati v jedno prijepodne i još jedne manje gorice pri nekojem međašu. Janove pajdaše je organiziral i „teral“ na posel Kruno kak iskusni podrumar i vinogradar.

Kruno je bil gazda v podrumu

Drugi je problem nastal v kuhinji jer nas je prošloga prosinca napustil Slavo, prijatel koj je bil prvi čovek kuhinje prek dvajst let.Đuro je spekla digance dan prije doma, ja sam največi dio posla oko mesa napravil takaj dan prije ali verujte da ima jako puno posla dok splanirate bogati jelovnik za dvadesetak ljudi. Tu je uskočila nečakinja Jelena koja se odlično snalazi v ulozi šefa kuhinje. Đuro je pak bila prvi pomagač a kak su beračice bile brzo gotove z berbom imali smo jake ženske snage oko posluživanja jela i posle oko pospremanja stola.

Vreme nas nažalost ni služilo onak kak smo očekivali al ni bilo ni onak strašno kak su Vakula i njegvi kolege prognozirali. Padala je povremeno i kišica, ili bolje rečeno rosulja, koja ni mogla  sprečiti ekipu da završiju posel. A i jesu nekakve gorice od tristo trsi. Da se malo potrude ovi bi težaki mogli tu količinu grožđa i pojesti. Znate več onu situaciju: čim je berba bila gotova stala je i kišica.

Jako me veseli kaj su neki moji berači bilo jako zadovoljni z grožđem i kaj sam dobil kompliment da mi je „grožđe jako zadravo i skoro da i nema trule bobice“. Fala im lepa al nije to samo moja zasluga nego i Đure, koja je delala oko trsja, i Jana koj več drugo leto za redom šprica dok je za to vreme. Kak bu k leto bumo još vidli. V svakom slučaju treba razmišljati o uključivanju Jana i njegve ekipe i v druge poslove. Pa zapraf več drugo leto ta njegva pajdašija najčešče koristi klet za kojekakve prigode. V kafiče nisu smeli a v kleti je skoro sve zabadaf i moreju dojti kad poželiju.

Među mojom veteranskom pajdašijom je jedno velko iščekivanje: Kaj bu z Martinjem? Kak klapa smo zadnji put bili na vrpi 22. 1. 2020. za Vincekovo. To se ni dogodilo prek pedeset let i ovogodišnje Martinje bi nam bil melem na ranu. I jedna novost. Obzirom da smo se mi v zadnjih par let jako proredili, na berbi sam pozval Janovu ekipu da dojdu na Martinje  kak pripravnici, da snime kaj se događa na taj velki gorički svetek, tak kaj bi mogli nastaviti našu prastaru tradiciju. Pa znate onu staru da svet na mlađima ostaje.

Sad nam još ostaje obaviti dve berbe: pri mojem šulkolegi Đuri i kumiču Vilku pri kojemu sam i glavna kuharska snaga.

Za kraj vam moram malo opisati raspoloženje na bregu i  z međašima zadnjih desetak dana. Od navek je vu vreme rane jeseni na našim bregima bilo jako živo, čuli su se klopoci, pripremalo se mertučje, posječivali se dragi pajdaši-međaši, planirali se datumi berbe, popila bi se koja litra staroga vina a znalo se i zapopevati. Svih ovih dana teško da ste mogli čuti glasa z biločije kleti a kamoli kakva popevka. Jesu li se ljudi zaboravili zabavljati, veseliti ovome najlepšem vremenu v goricama ili sve obavljaju v tišini? Nekak verujem da sam samo v krivo vreme bil v goricama i morti ipak sve živne do kraja meseca dok još traju kasne berbe i krene pečenje kostanji. Letima smo kakti jedan desert imali i pečene kostanje kaj je pak izostalo. Nadam se da bu kostanja v izobilju taman negde pod kraj ovoga meseca.   

Raspoloženje mi je malo poraslo dan iza berbe dok smo privodili poslove oko pospremanja mošta i pranja mertučja. Bil je prelepi dan a kak je bilo ostanjki, pozval sam na obed i svoje stare pajdaše Atača i Davora. Članovi familije su obavili časkom planirane poslove i v miru smo mogli blagovati pod našom brajdom. Kak je to zgledalo morete videti na ovoj sliki.

Stara pajdašija i stare teme: „Se ti stari sečaš one lepe dekle...?

Posle obilja krmetine ovih dana mislim da bu trebalo malo promeniti jelovnik i odmoriti orgnizam.

Pondelek

Juha/Glavno jelo: Sataraš
Desert: Pita od jučer

Tork

Juha/Glavno jelo: Oslič ala bakalar; znam da danas nije dan od ribe al nek bu mala promena
Desert: Čaša vina

Sreda

Juha: Paradajz juha
Glavno jelo: Pileči rižoto, šalata
Desert: Vočna šalata

Četrtek

Juha: Krumpirova juha
Glavno jelo: Omlet ze šunkom, mešana šalata
Desert: Kompot od mešanoga voča

Petek

Juha/Glavno jelo: Lagani grah čušpajz, onak više jušno z kobasama i malo pisanoga špeka.
Desert: Jedan lagani gemišt

Subota

Ovo moram napisati. Naši međaši v Draganovcu uzgajaju koze za mleko i sir a povremeno prodaju i kojega kozliča. Ima tome več i par meseci kak je Đuro zapela da oče pečenoga kozliča jer „je to najbolše meso kaj sam ja ikad jela.“ I kaj sad? Nek joj bu po volji. V užem familijarnog krugu bumo napravili ovak v goricama. Ostatak kozliča bu završil v škrinji.

Predjelo: Bumo zmešali kak i navek svega pomalo da lakše dočekamo obed
Glavno jelo: Kozlič pod pekom i svi moguči povrtni dodatki
Desert: Đuro bu složila nekakvoga kolača a ja se bum pobrinul za piče. Ako bu neko baš štel imamo još i nekaj grožđa kojega smo ostavili na brajdi za one koji to vole.

Nedela

Juha: Juha od junečih kostiju z leberknedlima
Glavno jelo:Juneča lopatica z saftu od luka i povrča, luleki od kolko-tolko testa, šalataDesert: Štrukli od tikve z makom

:(Još nema komentara

Budi prva/i, podijeli svoje mišljenje o slici i pomozi nekome u odabiru savršenog jela.