A kaj da danas kuham? (297)

Kaj čitam ovih dana?

Već je nekakva tradicija v našoj klapi da se kupuje zajednički poklon jer se znalo događati da svaki nekaj kupi pa imate dve-tri iste stvari ili nekakve sitnice koje brzo negde zametnte i samo skupljaju prašinu. Ja si na pr. najčešće  v našem “Šarenom dučanu” zberem nekolko knjiga i nekakav CD po mojem guštu, onda to vure lepo zapakiraju a se onda dok poklona razmotam pred svima “strašno iznenadim” i zahvali na poklonu “kojega su mi kupili kak da sam gas am zbiral”. Moramo se i mi starci malo igrati.

Ovo leto sam imal velke muke da od hrpetina knjiga na policama i CD-a po kojekavim škatulama zberem nekaj pametno. Tu je navek mogućnost da zberete nekaj krivo maker ljudi znaju reči da se i z najlošije knjige more nekaj nafčiti.

Počel sam z “Biblijom za mlade” (kak vam se to čini?) jer imam jednu staru koju sam negda davno herbal jednu od onih koje se deliju po hotelima. Nije da sam baš preveliki vjernik al čovek mora svakaj znati da se ne zgubi v nekakvom razgovoru z dobro upućenima o povjesti krščanstva. Još sam navek na Starom zavjetu i kolko sam mogel do sad videti prevod je malo problematičan pa se bum morak fest koncentrirati do kraja čitanja. Uostalom biblija se ne čita kak krimić ili ljubić nego korak po korak.

Onda mi je za oko zapelo novo izdanje Baruna Minhauzena kojega sam zadnji put čital još v srednjoj školi. I kaj sam zaključil posle nekolko stranica? Pa ljudi moji taj je lik tak aktualan da nemre bolje biti. Svaka njegva priča kak da je prekopirana z našega političkoga života. Al nebum dalje ništ o tome pisal.

Onda vidim Bukowskoga i dve njegve knjige “Pokvarenjak” i “Naljepša žena u gradu” i pomislim da bi bilo dobro videti kaj on to zapraf piše? Oko njegvih pornografski pikanterija se pričaju bajke. Kad ono tam: ništ bogznakaj! Ili je loš prevod ili sam ja to već prerasel. Počel sam čitati, došel do desete-petnajste stranice Pokvarenjaka i ostavil. Morti jednom drugom prilikom spočetka. Ili da se hapim Naljepše žene v gradu?

Onda je tu naš vrhunski humorista Miljenko Smoje i njegve “Pasje novelete”. Mislil sam si da kak čovek more napisati o nekakvom Šarku celu knjigu? Kad ono: bingo! Puno toga doznate o životu jednoga peseka ali isto tak i o ljudima. Smoju sam još negda čital v Nedeljnoj Dalmaciji i malo sam si utvaral da dobro razmem dalmošku spiku. Dobar sam dio ferja v detinjstvu provel v Kaštelima, sto let sam na godišnjem na Braču al nekaj moram priznati: neke Smojine izraze nisam razmel do kraja. Moral sam poiskati pomoć mojih kumeki v Kaštelima.

Od moje nećakinje Jelene sam pak dobil dve knjižurine z kojima se bum hrval mesecima. Knjige su povjesnog sadržaja pod naslovom: “U EUROPI”( Putovanje kroz dvadeseto stoljeće). Svaka je oko petsto stranica i za to čitati treba i vremena i koncentracija i raspoloženje. Do kraja leta bum to savladal.

Žal mi je kaj za sebe nisam našel ništ od Ive Brešana al bum to nadoknadil prvom prilikom dok idem v knjižaru. Na moju sramotu tolko sam toga prečital o njemu, gledal na televiziji a nema ni jednu njegvu knjigu na regalu.

Onda su me deca koja pri meni v kleti slaviju rođendane i kojekave druge prigode razveselila z nekim sitnicama i kuharicom “Dobro jutro, Hrvatska”. Tu su vam skupljena dobra jela z televizijskog lonca a svoje predloge su dali ljudi z televizije koji vodiju ovu emisiju. Tu vam ima svačega, kojekakvi recepti od kojekud al nemrem reči da sam našel nekoj jako novo i interesantno. Ja sam ipak još navek v kuhinji sklon onome “domaće je domaće”. V svakom slučaju fala deci na pažnji a to bu još jedna knjiga v mojoj kolekciji knjiga o klopi.

Dok sam rešil knjige došel sam i do CD-i. Tu baš nisam mogel jako pogrešiti jer je izbor “moje” nuzike ipak manjši i lakše sam se snašel i odlučil. Prvo sam našel jedan relativno novi CD “The Look of Love” od Diane Krall, sjajne pijanistice i pjevačice. Za mene melem za dušu. Sledil je jedan CD instrumentalne muzike pod naslovom “The best of Henry Mancini”. To vam je izbor njegve muzike iz filmova za koje je pisal muziku. Tak je tu Pink Panther Theme, Moon River; Love Story i još desetak drugih prelepih popevki. Među ostalim sam našel i naslov “Ambassador Satch” naravno od nezaboravnog Luisa Armstronga. To je jedno staro izdanje z relativno nepoznatim njegvim snimkama kaj je lepo imati čisto radi popune moje male diskoteke. Na kraju sam našel i “The love Collection” od Tereze al me je malo razočarala jer osim par prelepih popevki ima i puno toga kaj me baš preveć i ne veseli.

Oko Novoga leta mi se pak javil moj prijatelji nekadašnji mentor Dieter Sommer s prelepom čestitkom. Taj čovek zna kak steći simpatije prijatelja. Nije to nigda samo ono otrcano “sretni svetki” nego je to navek jedna prekrasna i poučna priča. Naravno da sam mu odgovoril jednim poduljim pismom.Svojedobno sam pisal o njemu kak primjer da poslovni partneri moru postati i pravi i iskreni prijatelji. Početkom prošloga desetljeća smo se četri put sreli, skupa delali i družili v Njemačkoj a dvaput je bil i pri meni v Hrvatskoj. Ljetovali smo skup na Braču i tih desetak dana nemre nikak zaboraviti. Ko zna jel se bumo još imali prilike videti v živo? Pisma i čestitke buju i dalje putovale na relaciji od Hohenheima do Koprivnice.

Kak imate prilike prečitati posla ima na pretek. Uostalom o tome sam vam nekaj napisal i prošli tjedan.

I još nekaj. Još za Božić sam dobil od kume z Kaštela bakalara al ga zbog obilja nisam do prošloga tjedna delal. Kak znate najavil sam sarmu od mojega prijatelja Husa i fakat mi je poslal fanj porciju. On je nekak uvel i običaj da navek vrne punu posudu dok ja njemu pošlem nekaj. Sad dok sam mu vraćal ranjglu nisam ni ja štel biti gorši od njega. Moram vrnuti punu ranjglu.  Složil sam jednu ranjglu bakalara za njega i njegvu gospođu a drugu za Đuru i mene. Baš smo Podravci. Naturalna razmena. Ne kuhamo svaki dan i imamo dobar obrok zabadav i oni i mi.

Pondelek

Juha/Glavno jelo: Čušpajz od poriluka
Desert: Kifli od jučer

Tork

Juha: Juha od ribane mrkvice
Glavno jelo: Pečenice z dinstanim zeljem
Desert: Voća šalata; i v zimi treba malo vitamina

Sreda

Juha: Podravkina goveđa z vrečice
Glavno jelo: Krmenadli u senfu, fino povrće
Desert: Friško kuhani kompot od mešanoga voća

Četrtek

Juha/Glavno jelo: Složenac od povrća i naravno malo mesa
Desert: Palačinke sirom/pekmezom

Petek

Juha/Glavno jelo: Grah z repom i suhim mesom
Desert: Kuruzna zlevanjka z dost vrhnja

Subota

Juha: Koprova juha z krutonima
Glavno jelo: Pomfrit z jajcima
Desert: Sok ili čak zdena voda z pipe

Nedela

Juha: Anjgemahtec
Glavno jelo: Pečeni filani picek, mlinci, zelena šalata
Desert: Pita od jabuki